JEREMI 16:6 - Boy Lonana

⁶ Hu mbas ndaɗta suu ŋgolona u kemba gorira hin miɗ kiyo. Sa hin ka tososiɗi. Sa hin ka li dlara hahaw kasiɗi. Sa hin ka jii hurumbi lay, ka wel yam kiɗi lay.

JEREMI 16:6 Iomraidhean Croise

2 DLAŊ MULINARA 36:17

Nam min mul ma Babilonna ndugusi mbas masira, ɦasi ki hu duk kom halaŋ. Mul namma ci asgaa suu duuna ki ta ta tew ay ki hu Ziŋ Lonara. Nam ka hin gozoŋgi lay, ka hin go tamaɗi lay, hin sa ŋgolɗi lay, ma maaɗi lay.

EZAYI 22:12

Hu buu namma Bu Suuna Yawe, ma Saɓakŋa Kom Belna, yagi ana agi tiira, yoo tagiya. Kaa yagi kiyo, njun baraw ma doona hurugiya.

EZAYI 24:2

muli suu li ɓivunna ni ko suu belna na lay. Malaŋ zina ni ko saam ma sunda na lay, cara ni ko gora sunuɗta na lay, sa ma gus tlena kina ni ko sa ma mba gus komma na lay, sa ma ɦal tlena kina ni ko sa ma mba ka vana komma na lay, malaŋ vana ni ko sa ma bal mamma kamma na lay.

JEREMI 13:13

aŋ hin hoŋosi dira anaba, «Yawe ɓak ana, Suu hu mbas ndaɗtana halaŋ, muli suu hu njaf Davidna suu ka kay mul mambana, muli suu li ɓivunna suu jok vun Lona u suu hu Yerusalemma halaŋ, an hin guruɗusi ki halaŋ halaŋ.

JEREMI 16:4

Mayra hin casi ki ni ndaɗu. Sa hin ka tiirisi maɗasiɗi lay, ka wasi ususiɗi lay. Asi hin li ni ko tlesuu cim ndaŋgarana na. Asi hin miɗ ki ko ŋgewra u mayra. Maɗasi hin li ni tlesuu layagi suu pii huulonana u mburi suu kay ndaŋgarana Komosina.

JEREMI 41:5

Suuna col ay Sekem, Silo, Samari mbaya. Asi dok-kalavandi. Njeresi ki weliya, baraw ma egesina ki hariya, tasi ki mbilina bel bel. Asi yow tlesuu li ɓivunna u mbul ma his jivi ma tinim hu zira vi Lonara ay kosiya.

JEREMI 47:5

Vel ma wel yamba kal hu Gaza wa. Askelon mbuɗ ki seŋŋira na yerek yerek. Suu hin iiri hu ful masirana, ni saɓa ga agi hin mbuɗugi tagi gorira ni ge?

JEREMI 48:37

Na ɗaŋŋi asi wel yasi ki halaŋ lay ka ko ŋgusugina ki halaŋ lay, cal hu duk kosi ki lay, njun baraw bolla hurusi may.

JEREMI 7:29

Ŋgaɗagi tlimiɗ yagira ɓivunna, cukuɗ kiyo, gagi soolla hahawra hu voɗta kay ana Yawe noy njaf suu loɓom tam ki cocona kiyo.

JEREMI 8:2

Hin warasi ki i faɗta, i tilna maŋ suu duu suu huulonana suu asi minisina, sunusina, tuɗ usina, joɓosi layna, suu asi goɓ kaŋga fokosi layna. Sok namma taram taa ni tosom kaŋgaɗi, nam hin hinni a zozot ta cim ndaŋgara.

DLAŊ LEVIRA 19:27

Agi ka haa u yagiɗi ka wel njeɓeregi ki hu li ma agi a tii maɗnaɗi lay.

DLAŊ LEVIRA 19:28

Ka agi jii hurugi kay maɗɗi, njun dooɗi lay. Ni an, Yawe.

AMOS 6:11

Gasi, gologi Yawe ka ɦal gaɗta. Nam waɗ na ni zira ŋgolla bow kaŋga gaw, ta goora wak ki lay.

MATIYE 9:23

Yesu tew hu zina vi mulna. Nam wi suuna bu diffa, hin tok a paɗta ni, suuna tum tiina na ŋguk ŋguk.

GA 8ATAMBARA 14:1

Agi ni goryoŋ Yawe Looginana, hu li ma agi a tii maɗna ni jii tagiɗi, kaa yagi kiɗi lay.

WIRA ŊGAYRA 20:12

Ŋgoo dagani an wi suu miɗina, suu ŋgolona u kemba lay coli kolo u sesi fok dlamba mulla. Magaara huruɗ ki mali fok sa ma kaki kay dlamba mullana, magaa hiŋga ki mali olo ndaɗta ni magaara vi iirira. Suu miɗina kasi ɓakŋa kasi ni u dlara asi laɗta, ni u ɓii mayra ay ɓiiri hu magaara.

WIRA ŊGAYRA 6:15

Muli suu ŋgolona kay ndaŋgara, suu fok suuna, suu ŋgol asgaana, suu ɦizina, suu saɓakŋa, u suu daŋŋa halaŋ, mborɓiina u gor vuɗta, asi halaŋ ŋgay tasi hu zul goyra duk ɦinira.