JEREMI 16:4 - Boy Lonana

⁴ Mayra hin casi ki ni ndaɗu. Sa hin ka tiirisi maɗasiɗi lay, ka wasi ususiɗi lay. Asi hin li ni ko tlesuu cim ndaŋgarana na. Asi hin miɗ ki ko ŋgewra u mayra. Maɗasi hin li ni tlesuu layagi suu pii huulonana u mburi suu kay ndaŋgarana Komosina.

JEREMI 16:4 Iomraidhean Croise

2 MULINA 9:10

Lini Jezabel ni diginina hin komoɗ ni duk sene ma vi Jizreelna, sa ka tosoɗ kaŋgaɗi.» Nam mal vunna ay ki na ni, pii ni na gaw.

SOOLLA 78:64

Muli suu li ɓivunna suuna casi kiyo, boyogi suu donona hin ka tiirisiɗi lay.

SOOLLA 83:10

Lasi ko aŋ li suu Madiyanna ko suu Siserana u Yabinna hu mbo ma Kisonna na.

EZAYI 18:6

Li namma halaŋ hin ki ni maŋ kokolora lak kolo kay ɦinira, tle bagina hin ci ndolla ni huwa. Kokolora hu til faɗta, tle bagina hu til semeɗna may.

EZAYI 5:25

Kay ndaɗta huu Yawe ɓeŋ eg suu mamsina. Nam maɗ kom kasi casiya. Ҥinira halaŋ geŋeɗa, maɗasi gol cukira ga ko tlesuu delbuɗnana na. Na lay ni hurum ma ɓeŋ kina heɓ ka tuɗi, kom ka ni hu li ma yara gak.

JEREMI 19:7

Hu li namma an hin mbuɗ boy ma vi Yudana ki dlara bay uɗta, dlara vi Yerusalemba lay, an hin casi ki u ŋgewna fok suu babali masisina. An hin yow suu min a casi kina cukusisina kasiya. An hin ɦasi maɗasi ki maŋ layagi suu pii kolo huulonana u mburi suu kay ndaŋgarana a tiisina.

JEREMI 21:6

An hin ci suu hu ɦoŋzi nammana kiyo, suu warna u yoorina. Asi hin miɗ ki ni maɗ bora eŋ cocora.

JEREMI 25:33

Hu buu namma, col ay ko hiŋŋa tew ki ko wanna, suu Bu Suuna hin dagasi hin tok tok a miɗnana sa hin ka tiirisiɗi. Sa hin ka yowosi a tososiɗi lay. Asi hin mbuɗ ki ni zozoɗta cim ndaŋgara.

JEREMI 34:17

Na ɗaŋŋi Yawe ɓak anaba, Agi humun vunun ka kay cukka cuk gorsegina u ndarayagina kira kaɗi ni, an may ni hin vi vunun kagiya, Yawe di na, cagi ki u ŋgewiina, u mayra, tuguɗi bora lay. An hin mbuɗugi ki a va ma tak ma suuna halaŋ u suu muli suu kay ndaŋgarana lay li ndaana komma.

JEREMI 34:20

An hin ɦasi ki ko suu babali masisina, maŋ suu halasi a casi kina maɗasi hin mbuɗ ni li ma layagi suu huulonana fi ti masina u mburi suu kay ndaŋgarana huna.

JEREMI 36:30

Na daŋŋi Yawe ɓak kay Joakim mul ma Yudana. Sa hin ka varak balamam kay mulla vi Davidtaɗi, hin gam maɗam ki ii faɗta nduh nduhra, ii semeɗ ma njeŋge ŋgeɓ ŋgeɓma.

JEREMI 44:12

An hin tli nekka vi suu Yuda suu usi hin iiri suu tuɗ a ŋgay tasi ki hu Egiptena. Asi hin miɗ ki halaŋ. Asi hin puk ki kaŋga hu mbassa Egiptera, hin casi ki u ŋgewra u mayra. Asi halaŋ halaŋ kemba u suu ŋgolona hin miɗ ki ko ŋgewra, ko mayra. Asi hin mbuɗ ki hahawra, hin mbuɗ ki ni va ma suuna san umma, gi vunna maŋ suuna u namma lay.

JEREMI 44:27

An irin ka tini kasi na ta a lasi dla cora egesira, ka lasi dla jivi egesiɗi. Suu Yuda suu hu Egiptena hin miɗ ki fun ŋgewra, mayra lay ta ta gasi njafasi kiyo.

JEREMI 7:33

Duk suu asina suuna hin miɗ ki ŋgolla, layagi suu huulonana, mburi suu kay ndaŋgarana hin komosi kiyo. Sana dew lay hin ka dikisi ki oloɗi.

JEREMI 9:22

Na ɗaŋŋi Yawe ɓak anaba, ko sa yalna ŋga tam kay yal mammaɗi, ko sa saɓakŋa ŋga tam kay saɓak mammaɗi. Ko sa begera kom ɦayna ŋga tam kay bege mambaɗi.

YOORA 4:9

Suu casi ki u ŋgewnana jivi su suu mayra casi kina, suu puk kaŋga saɓakasi kaɗi ko va ka li hu senena oloɗira.

EZEKIYEL 24:21

Di suu Israelna ana, Bu Suuna, Yawe, di ana, an min ɓalak Ziinda kiyo, ŋga taagira kay saɓak maginara, furi magira agi laɗ wanda, hurugi ma tini kay iiri magirana. Goryogi suu njufiina u gorɓiina suu agi hinisi hu Yerusalem wanna ŋgewna hin casi kiyo.

EZEKIYEL 5:12

Keŋ suu magisina ma hindina hin daɓ ki miɗna ko tuguɗi mbogomma ɗowba mayra hin ndi kasiya. Keŋ ma hindi ma hin mba wanna, ŋgew ma duuna hin casi ki may. U suu hin hin ndena an njayasi ha ki duk njaf suu daŋŋa ni u ŋgewina kay ceeresi dagan hu may.

SOFONI 1:17

An hin cuk suuna hu wihawra, asi hin tuɗ ni ko suu dugina na, kay ana asi li sulukŋa eg Yawe. Busuɗusi hin nja kom ki kaŋga ko mbona na, maɗasi hin li molira ko ndal didiŋga na.

GA 8ATAMBARA 28:22

Yawe cukugi tuguɗira ɓalakagi kira kagiya, tuguɗi kolla u tuguɗira gaŋ taŋ kura. Nam hin vi kerna ka hin lona a siɗi waagina hin so ki kolo hu gu njunumu, ta ta daɓagi ki hu duliyara halaŋ halaŋ.

GA 8ATAMBARA 28:26

Ҥaaragi ɦini maŋ layagi suu pii kolona u vabakgi suu ŋgoo bagina, sa ma dikisi ki kagi kaɗi.