JEREMI 16:16 - Boy Lonana

¹⁶ An hin sun suu li sulukŋa ha ŋgol cocoo. Yawe di na. Asi hin halasi ay kiyo. An hin sun suu ci mburina ha ŋgol cocoo. Asi hin dikisi ay ki kay ɦinira halaŋ halaŋ, ta ta hu zul gogoyra lay.

JEREMI 16:16 Iomraidhean Croise

URA TIN AYRA 10:9

U njunda vi Yawe Nimrod mbuɗ sa ma ndoon cocona. Ni kay ndaɗta suuna di ana, «Li sa ma ndoon cocona ii Yawe ko Nimrod naa.»

EZAYI 2:21

Asi hin tuɗ ŋgay tasi ki hu zul ɦinira, ko ndaa Yawe u kiɗikka vi bibiŋil mamba. Hu li ma nam col kolo hin mbuɗ ndaŋgara ki ndaana.

EZAYI 7:19

Asi hin mbay wani laki hu li ma mbona huna, ki kay ɦinira lay ki hu li ma haɗna huna lay.

JEREMI 25:9

An ɦal voɗta maŋ suu mbayawna halaŋ asi mbay kagiya. Yawena di na. An yi Nabukodonosor, mul ma Babilonna, saan ma sunda, an mbaasi ay kay mbas ndaɗta kay suu huruɗna kay njaf suu keŋesina halaŋ lay. An ɗogosiya an mbuɗusi ki a li ma suuna tii tii ma hahawra hurumma mbuɗum ki jo ma senena.

JEREMI 4:29

Humba suuna hum sem kulumi suu duuna u suu duu u mbuurura may ni, suu hu ɦoŋzina na halaŋ halaŋ ŋgay tasiya. Asi kal ki duk bubura may, ɗiŋ ki kolo kay ɦinira may. Ҥoŋzina halaŋ halaŋ asi noyom kiyo. Sa ka kaki hu na dewɗi.

JEREMI 49:5

Na may ni an hin mbuɗuk ki ndaana ko ndaryakŋa halaŋ halaŋ, Bu Suuna Yawe, ma Saɓakŋa Kom Belna, di na. Agi hin njay kiyo, gegelay tin irim hu li ma vogom mun kamma duk na ɗegee, sa tok suu liŋ ki asina ka oloɗi.

JEREMI 6:9

Yawe, ma Saɓakŋa Kom Belna, ɓak anaba, cil ɦele suu Israel suu hinna ki na kekeɗ ko cil ɦele gugutlura kira na, dogosi cilla ko ndal suu to wana dogom siirara na.

YOORA 4:18

Asi dikimi, ciɗimi balam semiya, ami ka ndak a hoŋ hu liimina oloɗi. Ami hin tok a daɓ kira, buu mamina njak ki fun tam wa, daɓ mamira mba wa.

YOORA 4:19

Suu lasamina feɗta su ɓaraw ma pii kolo huulonana, kolo kay ɦinira asi ciɗimi umiya, ki hu fulla lay asi dleɓemiya.

Magaara Vi Sa Jok Vun Lona OZE 10:10

An hin gaɗasiya, kay ana asi njun tasi kay ci maɗ ma asi cam mbana. Suuna hin yow kolo duuna u asiya.

AMOS 4:2

Yawe suu tam hu teteɗ mamba anaba, gasi gologi buuna ka mbay kagiya asi hin taɗagi ki u jambatta, suu kay ceregina asi yowosi ki u ɓagina.

AMOS 5:19

Ni ko ndal sa warna liŋ ki ko dlonara na, bosokona hin ŋgafamu. Nam kal vo varam kal ni ɦek kom ay eg gulumunnara na, nam guyna eɗem may.

MISE 7:2

Ma ɗegeena tuɗ ki hin mbassa wa, sa ma jivi hin ka duk suuna oloɗi. Asi halaŋ saarasi tinira ni kay vora vo busuna kira. Gegelay min a vi wayamma kaŋga hu bayra.

SOFONI 1:12

Hu buu namma wanni an hin hal huu zi ma Yerusalemma ki u kura konu, an hin kaɓakŋa kay suu kak hu li ma didiŋga ɓak tasi hurusi kurufu ana Yawe hin ka a li va ma jiviɗi lay, ka a li va ma coɗi lay.

1 SAMUEL 24:11

Aŋ wi dla ndaɗta ki karam u iriŋ wa ɗaŋ. Yawe ɦaŋ ki kon karam hu zul ɦinira wa. Asi ɓak ana caŋ kiyo. An waŋ hahawaŋ di ana, an ka li dla cora eg malannaɗi kay ana nammi sa Yawe fuurumma.

1 SAMUEL 26:20

Cecem wanda ni ko busuɗun vo ki kaŋga kay ndaŋgara ki day eg Yaweɗi, kay ana mul ma vi suu Israelna yow suuna um a hal ni yalira sunuɗ kaɗira ko ndal suuna dik u cekera kay ɦinira na.»