JEREMI 16:12 - Boy Lonana

¹² Agi may ɗaŋŋi lagi dla cora ni suu somoyogiya, dukugi ni gegelay tuɗ irimmi fok u yamba eŋga, ka humunɗi.

JEREMI 16:12 Iomraidhean Croise

URA TIN AYRA 6:5

Yawe wi ana suuna tuɗ fok a li cora kay ndaŋgara li na ɗow ɗow, hu buuna tew tew ni saa masira tini ni kay dla cora.

URA TIN AYRA 8:21

His ɓivun namma cuk kay Yawe na ni, nam di ana, «An ka gi vun ndaŋgara ki kay cora vi suunara oloɗi. Sana ay hu gorom day ni hurumi saara cora. An ka min a ba tlesuu irina ki ko an li wanda na oloɗi.

DI BOLLA 8:12

Sa ma li dla cora li cora yammi kis lay, nam ka ɦuɗum buurum fok gak gak. An lay wi ana «jivira ka kay suu li ndaa Lonna kay ana asi lam ndaramu.

DI BOLLA 9:3

Dlara li suu warnara ha ni fun taɗ halaŋ. Warak ma kay dla ndaɗtana ni ɓalakka. Suu warna li dla cora ɦay. Asi minni dlara uɗ kaɗira. A daɓ kira ni miɗna gaw may.

JEREMI 13:10

Suu may suu co suu ka min a humun boy mannaɗina, tuɗ fok u su vunna, liŋ ki u loogi suu daŋŋa a goɓosira. Asi mbuɗ ki cora ko gandi namma ka jivi oloɗira na.

JEREMI 17:9

Va ma ganyamba su belna ni saara sa ka ndak a gaɗ iriɗɗira. Sa hin waɗ uɗna ni gege?

JEREMI 18:12

Na may asi hin di ana, «Ҥawaa, boy kaɗi. Ami hin tuɗ irimi ni foko, gegelay hin tuɗ irim fokŋi u yam eŋ mamba.»

JEREMI 22:28

Sa yam ana Koniyana mbuɗ ni va ma ki tooyna, ma ka li sun oloɗina, mbuɗ ni va ma suuna ka minim oloɗinaɗi su? Ni kay me asi cukusi ha ki ni ge? Nam lay goryom lay cukusi ha ki kay ndaŋgara asi ka waɗɗi layra ni ge?

JEREMI 7:24

Na may asi hum kaɗi, na lay asi tin humusi kaɗi. Asi li ni dlara u min masirara kay yasira eŋga. Asi hin dlara ɦan hurusira tani ɦanni ŋgorosi na ɗow.

JEREMI 7:26

Na may asi humun kaɗi. Asi tin humusi kaɗi, asi so yasi kiyo. Asi ki suluk su somoyosiya.

JEREMI 9:14

Na ɗaŋŋi Yawe, ma Saɓakŋa Kom Belna, Lona vi suu Israelna, ɓak anaba, an hin ɦasi beɗeera kasiya, ɦasi yo ma ci suuna asi camu.

YOORA 5:7

Somoyomi li dla cora. Asi ka oloɗi. Ami varak balamasi kay dla co masira ni amiya.

EZEKIYEL 20:30

«Kay ndaɗta aŋ di suu Israelna ana, Bu Suuna, Yawe, di ana, agi mbuɗ tagi ki njenjera u lira agi li dlara vi somoyogira. Agi lagi dlara gawlaŋga u ɓivun masi ma cona.

AMOS 2:4

Yawe ɓak anaba, Ni kay dla cora laɗ yamba hindira, kay dla cora suu Yuda suu yara laɗ yasi fiɗira, an ka col dukgi, kay ana asi noy gaɗta vi Yawera kiyo, li ka u gaɗ mambaɗi, kay ana kaboy masina viɗisi ki wa, suu may suu tli dlaŋ somoyosirana.

MALASI 3:7

Ay hu cokira vi somoyogira day ni agi ka min a van dlaanda kagiɗi, ka li uɗɗi lay. Hoŋogi ay egenu, an hin hoŋ egegi may, Yawe, ma Saɓakŋa Kom Belna, di na. Agi di ana, «Ҥoŋŋi ana mege?»

MARK 7:21

Saara cora col ay ni hu sana. Hurum zuɗum um ha ana li dla cora, kulna u ci maɗna lay,

GA 8ATAMBARA 29:19

Sa namma ni Yawe ka bulumum coomba kiɗi. Yara vi Yawera tokŋi kay sa namma na ɗow. Givun ma ɓiiri hu maga ndaɗtana tokŋi kam halaŋ halaŋ. Yawe hin bulumum sem ki duk suu kay ndaŋgarana.

GA 8ATAMBARA 9:27

Humuŋ mba gaŋ kay suu sun maŋsina, Abraham, Isaak u Yakob. Caa yaŋ kay bay vira u cora vi suu asinaɗi.

2 TIMOTE 3:13

Suu hurusi cona u suu ganyam suuna asi tuɗ fok u cora, ganyam tasira hu may.

HEBRENA 3:12

Gologi tagi jiviya gorsenna a sa dukugi mba li hurum coo, bay vira a hin Lona ma irina kiɗi.

SUU KAƁAKŊA 2:19

Na may hu li ma sa ma kaɓakŋa namma miɗ ki wa ni asi hoŋ hu dlaasira cora gaw, co sura vi somoyosira olo. Asi tuɗ irisi u loogi suu ɦawana sunusi lay, goɓ ga fokosi lay. Hu poy masira ni va ma asi saŋam ka na dewɗi.

1 SAMUEL 15:23

Na may yara lira ŋgol su kaboy ma kaamma, ciwayra su kumu ma vamma kay ana aŋ noy boy ma vi Yawena kiyo. Nam noyoŋ ki may, aŋ ka mul oloɗi.»