JEREMI 15:9 - Boy Lonana

⁹ Cara vuɗ goora ki kiɗisiyara miɗ kiyo. Ndaɗ ka musuk oloɗi. Fataɗ ca ki hu buuna dukka gayra wa. Dlara zolona mba kaɗ wa. Ndaɗ mbuɗ ki zolona wa. Dlara hin ŋgoo daganda ni an caɗ ki u ŋgewra, hin ɦaɗ ki maŋ suu babali maɗsina. Di ni Yawe.

JEREMI 15:9 Iomraidhean Croise

EZAYI 47:9

Tlesuu mba' asina a mbay kaŋŋi cem cem, goryoŋ hin ba ki lay, aŋ hin hin ki donora lay, asi hin ba ni hu buu ma dewna. Lini aŋ ka min taŋ maŋ coco lay ka ndakgi, gari maŋga u kumuna ki ni ɦawaa.

JEREMI 19:7

Hu li namma an hin mbuɗ boy ma vi Yudana ki dlara bay uɗta, dlara vi Yerusalemba lay, an hin casi ki u ŋgewna fok suu babali masisina. An hin yow suu min a casi kina cukusisina kasiya. An hin ɦasi maɗasi ki maŋ layagi suu pii kolo huulonana u mburi suu kay ndaŋgarana a tiisina.

JEREMI 21:7

Ŋgoo dagan wanni, Yawe di ana, an hin ci Sedesiyas, mul ma Yudana, ki u suu mam suu sunda u suu hin bay miɗ ki ko tuguɗi bora hu ɦoŋzi nammana ki u ŋgewna, baktarra lay. An hin ɦasi ki ko mul ma Babilonna, ko suu babali masisina lay, ki ko suu min a casi kina lay. Asi hin casi ki bay saara, bay wasi hahawasi lay, bay oora hurusi lay.»

JEREMI 44:27

An irin ka tini kasi na ta a lasi dla cora egesira, ka lasi dla jivi egesiɗi. Suu Yuda suu hu Egiptena hin miɗ ki fun ŋgewra, mayra lay ta ta gasi njafasi kiyo.

JEREMI 50:12

Sugi ki mbuɗi zolona cocoo. Ndaɗ mayra vuɗugi kira mbuɗ ki zolona wa. Ndaɗ mbuɗ ki dagan duk njaf suuna, ko fulla na, ko li ma koɓoona na, ko li ma jeremma na lay.

JEREMI 6:4

Ɓakagi dla duu ma vi Lonana egeɗu. Cologi koloo, gagijaŋ duuna ay ii ko ma mbayawna na ɗow. Aygi suu hahawra buuna mba kaygi wa, fiɗigira mbuɗ fiyekka.

JEREMI 7:19

Na ni gasi co ndaɗta asi laɗ ni egen su, Yawe di na. Na ni co ndaɗta ka ni egesi tasiraɗi su? Asi hin mbuɗ ki zolona.

YOORA 1:1

Ni nana ndaɗ kak ha ki keŋ ge, ɦoŋzi ma suuna hurum cocona, nama mbuɗ ki ko cara donora na. Ndaɗ mayra li ndumuɗ ay duk njaf suuna a mulla hu ɦoŋzi ma gorinara. Ndaɗ jivira ni a mbaɓura.

YOORA 4:10

Boyogi suu hurusi haɗ kay goryosina, zal goryosi ki u tasira. Asi mbuɗ ki irisi ni ko ndal jujugumma na, kay suu man suu jivina casi ki wa.

EZEKIYEL 5:12

Keŋ suu magisina ma hindina hin daɓ ki miɗna ko tuguɗi mbogomma ɗowba mayra hin ndi kasiya. Keŋ ma hindi ma hin mba wanna, ŋgew ma duuna hin casi ki may. U suu hin hin ndena an njayasi ha ki duk njaf suu daŋŋa ni u ŋgewina kay ceeresi dagan hu may.

EZEKIYEL 5:13

An hin tak yaanda kiyo, takasi hurun ma ɓeŋi egesina kiyo. Asi hin wi ki ana an gasi ni Yawe. An ɓak u hurun ma yara ta ta hin li dla ndaɗta ki may.

1 SAMUEL 2:5

Suu hayasi hoɓina tuɗ hal sunda ti vunusira. Suu mayra casina koɗ tasiya. Ca mayra gendergera lay ni vuɗ gorra yaɗ kiɗisiya. Cara vuɗ gorra hin mbuɗ ki gendergera.