JEREMI 15:6 - Boy Lonana

⁶ Ndak noyon ki ni ndaku. Yawe di na. Ndak ɦan ŋgorok wa, an tli kon kolo kak a cak ki ni na may. An ɦuɗ buuna fok ŋgol cocoo.

JEREMI 15:6 Iomraidhean Croise

EZAYI 1:4

Hahawra ka kay njaf suu co asina, suu may suu dlara vasina. Njaf suu li dla cora, gor suu mbuɗ dlara jivira ki dla corana. Asi noy Yawe kiyo, asi noy ma Teteɗ ma vi suu Israelna kiyo, asi hoŋ ki dagani, mbuɗ ŋgorosi mamu.

EZAYI 28:13

Olo ni boy ma vi Yawena hin li masi may su? Ko di ana boyna kay boyna, boyna kay boyna, gaɗta kay gaɗta, gaɗta kay gaɗta, tani nde may, ha tana nde may. Hu li ma asi a tuɗta ni asi puk gaa. Asi mun u furusi lay, suuna hin yowosiya vasi balna.

EZAYI 31:3

Suu Egiptena ni suu warna ɦawaa, asi ka Lonɗi. Kulumi masisina ni tliwna ɦawaa, ka ŋgussaɗi. Hu li ma Yawe maɗ kom ki kasi wa ni, suu njun kasina hin cuk gaa, sa ma a doo kasina hin ndi ki ga lay.

JEREMI 1:16

«An ɓakasi gaɗ manda kay boy dla coosira. Asi noyon kiyo. Asi li ɓivun ma ŋgalam kina maŋ loogi suu ɦawana. Asi goɓ kaŋga fok sunda asi laɗ u kosira.

JEREMI 13:14

An hin ɗaɓasi eg tasiya, kususi ki gegelay eg ndaramma, somoyosi u goryosiya hu li ma dewna. Yawe di na. Hahaw kaɗi, gi deɓ kaɗi, oo kaɗi, a dooron bay ɓeŋesi ki kaɗi.»

JEREMI 2:13

Gasi, suu mansina li dla cora yasi ni mba'. Asi noyon an mbo ma iirina kiyo, asi min zul mbona, zul mbo ma ki cooyna, ka vi mbo kolo huruɗɗi.

JEREMI 2:17

Dla ndaɗta li egek na ni kay mege? Ni kay noyra ndak noy Yawe, Lookŋa, ki hu li ma nam ay a sa takak voɗtana.

JEREMI 2:19

Ko cookka lasaku, ko dla cookka gaɗak vunuku. Ko dla cora lasak na ta ta faɗak ki na toŋ, kay noyra ndak noy Bu Suuna, Lookŋa, kira. Gasi, ndak lay ni ka dlak ndaa fokon oloɗi. Yawe Lona, ma Saɓakŋa Kom Belna, di na.

JEREMI 20:9

Hu li ma an di ana, «An hin ka ɓak boy namma oloɗi, an hin ka ɓak boy u sem oloɗina», nam mbuɗ ki hurun kurufu ko kura ŋgalla na, a tliw tan ki gii daŋgayna an loɓ tan ana an daɓam hurunu may an ka ndakgi.

JEREMI 44:22

Yawe ka a siɓ dla coogira agi laɗta oloɗi. Na may mbas magira mbuɗ ki ni sene ma jona. Li ma kiɗik kiɗik ma hahawra. Nam mbuɗ ki ni li ma suuna gi vunna maŋ tasi u namma. Suu hurumma casi ki halaŋ halaŋ. Gasi ni dlara ka cecem wanda.

JEREMI 6:11

«An ki u yara vi Yawera hurun oy cocoo. An ka ndak a ɦeɓeɗ duk oloɗi.» Hin ya ndaɗta li kemba hu ɦoŋzina, kay gorzoŋŋi suu irisi kaay ko tasina. Njufiina u boyogina yowosi ki wa, sa maana u sa buu mamma ki ŋgol cocona.

JEREMI 6:12

Ziisina ɦam ki maŋ suu hiŋŋa, sene masina u boyogosi lay. An maɗ kon ha kay suu hu mbassana wa. Yawe di na.

JEREMI 6:19

Ndaŋgara hum haa, an hin mba dlara hahawra ay kay suuna, ni vuɗ dlaasira cora. Asi ka gol tasi jivi kay dlaandaɗi. Gaɗ manda asi ka li uɗɗi lay.

JEREMI 7:16

Aŋ joɓ kay suu asinaɗi, yoo taŋ kay dlasiraɗi lay, cenenɗi lay, vi taŋ funun kay dlasiraɗi, an ka humuŋgi.

JEREMI 7:24

Na may asi hum kaɗi, na lay asi tin humusi kaɗi. Asi li ni dlara u min masirara kay yasira eŋga. Asi hin dlara ɦan hurusira tani ɦanni ŋgorosi na ɗow.

JEREMI 8:5

Ni kay me na ɗaŋ ge, suu Yerusalem agina, viɗ tagi ki ŋgolla cocora u dla cora laɗta na ni kay mege? Asi vi vunusi eŋga kay saa masira bay uɗta, asi ka min a hoŋ ayɗi.

JEREMI 8:9

Suu wi dlara viɗ ki lay. Asi bulum ki lay. Asi ki yowi daŋgayna lay. Asi noy boy ma vi Yawena kiyo. Na ɗaŋŋi va asi hin di ana asi yal cocoo u namma ni mege?

EZEKIYEL 14:9

«Ɗowba lini sa ma jok vun Lona ganyam tam a di dla mayra ka u voɗoɗira, ni an Yawe hinim li ko ndaɗta na. Sa ma jok vun Lona namma an hin lammi u tanda. An hin paɗam ki duk suu man suu Israelna.

EZEKIYEL 25:7

Kay ndaɗta an hin ŋgen kon ki egegiya. An hin hinigi ki hu duk ko njaf suu daŋŋa. An hin bulumugi ki duk suuna. An hin njayagi ki hu mbassa daŋga zeɗ zeɗ, hin ɓalakagi kiyo. Agi hin wi ki ana anni Yawe.

EZEKIYEL 35:3

Aŋ dasi ana, Bu Suuna, Yawe, di ana, ndak ɦinira Edomba an hin mbay kaku. An hin maɗ kon kaku. Ndak hin hin colira ni u deweku.

Magaara Vi Sa Jok Vun Lona OZE 11:7

Suu mansina taɓ tasi u suu ɓeŋesi kina. Asi ka yasi ay koloo. Asi may ni ko wanda na halaŋ ka min a col koloɗi.

Magaara Vi Sa Jok Vun Lona OZE 13:14

An hin buɗusi ay ki duk suu miɗina. Ay hu li ma maɗna an hin gaɗasiya. Maɗna saɓak maŋŋa arage? Li ma vi suu miɗina na dla cooŋga arage? Irin ka wi hahaw sa oloɗi.

Magaara Vi Sa Jok Vun Lona OZE 4:16

Gasi, Israel yaɗ ay jew eŋ daŋ may, ko ndal mbutla ka min a sa tlaɗ va kaɗɗira na. Cecem wan daŋga Yawe hin cukusi kay haɗna ko ndal gor timigiina na.

SOFONI 1:4

An hin maɗ kon ha kay Yuda, kay suu hu mbassa Yerusalemba lay, an hin bulum tlesuu vi Baal suu usi hinna kiyo, sem suu mam suu sunda u muli mam suu li ɓivunna lay.

ZAKARI 7:11

Na may asi tin humusi ka kay boy nammaɗi. Asi yow pel bikisi koloo, ŋgel humusi ki ka hum boy nammaɗi.