JEREMI 15:4 - Boy Lonana

⁴ An hin lasi ki ni a dlara tak mayra mbuɗ suu muli suu kay ndaŋgarana ndaana u ndaɗ halaŋga. Ni kay Manasse ma goŋ Ezekiyasna, mul ma Yudana, dlara nam laɗ hu Yerusalemba halaŋ.

JEREMI 15:4 Iomraidhean Croise

2 MULINA 21:1

Manase kak a mulna ni basaɗammi doogo yam mba'. Nam ti mulla ta ta basra dok-vadl yam vadl hu Yerusalem. Sem sum ana Hefsi-Ba.

2 MULINA 21:15

Kay ana asi li dlara ka irin jiviɗira, col ay hu buu ma somoyosi cuk ay ki hu mbassa Egiptera day ni asi ka hin dla cora asi landa egenda kiɗi.»

2 MULINA 21:2

Nam li dlara ka ii Yawe jiviɗira. Nam li ni u dlara vi njaf suu may suu Yawe dikisisina ki fokosi asi suu Israelnana.

2 DLAŊ MULINARA 33:1

Manase kak a mulna ni basaɗammi doogo yam mba'. Nam ti mulla ni basara dok-vadl yam vadl.

2 DLAŊ MULINARA 33:2

Nam li dlara ka ii Yawe jiviɗira. Lini ko ndal njaf suu Yawe dikisi ki fok suu Israelnana na.

JEREMI 24:9

Suuna mbuɗ ki ndaana kay an li ki egesi ni dlara tak ki eg muli suu kay ndaŋgarana halaŋ, ki hu li ma an njayasi ki huna, asi hin mbuɗ ki ni dlara njunjunda suuna san uɗta. Suuna hin dogoɗosi ŋgulla u givunna na dok dok.

JEREMI 29:18

An hin ciɗisi usi u ŋgewra, mayra u tuguɗi bora. An hin mbuɗusi ki va takka maŋ suuna a asi ɓakaɗ tew tew li ndaana may. Ni dlara hahawra suuna hin tii koɗta, kay njaf suu an njayasi kina humusi hin gasi hu li ma asi min a li dla corana.

JEREMI 34:17

Na ɗaŋŋi Yawe ɓak anaba, Agi humun vunun ka kay cukka cuk gorsegina u ndarayagina kira kaɗi ni, an may ni hin vi vunun kagiya, Yawe di na, cagi ki u ŋgewiina, u mayra, tuguɗi bora lay. An hin mbuɗugi ki a va ma tak ma suuna halaŋ u suu muli suu kay ndaŋgarana lay li ndaana komma.

JEREMI 9:16

Na ɗaŋŋi Yawe, ma Saɓakŋa Kom Belna, ɓak anaba, jokogi tagiya, mbaagi boyogi suu tiina aya. Yagi boyogi suu wi yal tiina ɦayna asi mbaya.

YOORA 1:8

Yerusalem li ni dla cora. Gola ndaɗ mbuɗ ki ni didiŋga. Suu li humuɗ vunuɗna mbuɗ ka min oloɗi. Kay ana asi waɗ siili maɗta kiyo. Ndaɗ may ni yoo taɗu pereɗ ŋgoroɗu.

EZEKIYEL 18:19

«Agi hin ɓak ana, goona ka zii dlara vi bumbaɗi ni kay mege? Na may kay ana goona li dlara ɗegeera. Nam li u gaɗ manda halaŋ a gasira ni nam hin kak iiriya.

EZEKIYEL 23:46

Bu Suuna, Yawe, di ana, «Tokosi suuna ha kasiya. Asi mbay lasasiya, yowosi tlegeyesi ki may.

DLAŊ LEVIRA 26:33

Agi tagira may ni an hin dikigi ki duk njaf suu daŋŋa, suuna hin mun duuna u agiya, ɦoŋzi magina hin mbuɗ ki ni bagira, zina halaŋ hin hawaɗ kiyo.

GA 8ATAMBARA 28:25

Yawe hin mbuɗugi ni a suu paɗ liŋŋa fok suu babali masisina. Agi cuk ha ki a ŋgafasira ni hu voɗta dewra, hin njay kogi a liŋŋa ki ni hu voɗta zeɗ zeɗ kiɗisiya. Dlara lagi ndaɗta mbuɗ suu kay yam mbassa halaŋŋa ki ndaa cocoo.

GA 8ATAMBARA 28:64

Yawe Loogina hin njayagi ki kay yam mbassa halaŋ, hu li namma agi hin sunni loogi suu ɦawa suu somoyogi lay agi tagira lay ka wasiɗi, gugunina u ɦinira ceɗira.