JEREMI 15:11 - Boy Lonana

¹¹ Yawe di ana, an ɓak ki u vunun ana tlesuu hin ka ŋgoroŋ daganna ni jivira. An di ki u vunun olo ana sa babali maŋŋa hin furi kaŋu, hu li ma hahawra u yoo tara.

JEREMI 15:11 Iomraidhean Croise

SOOLLA 106:46

Nam mbuɗusi hurusiya, asi mbuɗ irim hahawi, ko dlara ka lasira halaŋ.

SOOLLA 138:3

Buu ma an yaŋu, aŋ humunna, aŋ dliɗin saɓak manna koloo.

VUN ŊGOLNA 16:7

Lini poyra vi sana ii Yawe jiviya ni nam heɓem duk hoŋom ki u suu babali mamsina lay.

VUN ŊGOLNA 21:1

Huu mulna hu duk ko Yawe ni ko ndal mbo ma ɓaɗna na, nam ndak a ɓaɗam aragelay u min mamba.

DI BOLLA 8:12

Sa ma li dla cora li cora yammi kis lay, nam ka ɦuɗum buurum fok gak gak. An lay wi ana «jivira ka kay suu li ndaa Lonna kay ana asi lam ndaramu.

EZAYI 41:10

Li ndaaɗi kay an ka u aŋu, gol golla ndaanaɗi, kay anni Looŋŋa. An mbuɗuŋ saɓaki na daŋ may an njunuŋu. An njunuŋ u bikin ma njufna ma ɗegeena.

JEREMI 21:2

«Aŋ joɓ Yawe ay kamiya kay Nabukodonosor, mul ma Babilonna, ka duurumiya. Yawe li hin dlaamba mbuɗ mbuɗta li kami dew a mbuɗum ki ndaana kami kalage?»

JEREMI 37:17

Mulna Sedesiyas sun kam halam aya. Mulna joɓom ki ŋgay hu ziim ana, «Na ni boy ma Yawe ɓakamma ka su?» Jeremi hoŋom dira ana, «Haa.» Nam hin dam olo ana, «Mul ma Babilonna hin vaŋ lasaŋu.»

JEREMI 37:3

Mulna Sedesiyas sun Yehukal, ma goŋ Selemiyana, u mul ma li ɓivunna Sefaniya, ma goŋ Maaseyana eg sa jok vun Lona, Jeremi, dam ana, «Joɓ ay kamiya, an ceneŋu aŋ joɓ Yawe, Loomina, ay kamiya.»

JEREMI 38:14

Mulna Sedesiyas sun kay sa jok vun Lona, Jeremi, ana asi mbaamma ay hu vun ziŋ Lonara ta a kalla a hindira. Mulna di Jeremi ana, «An min joɓoŋ dla na dew, aŋ ŋgayan va konɗi.»

JEREMI 42:2

eg sa jok vun Lona, Jeremi, dam ana, «Hinimi voɗta ami tii tami egeŋu. Tii taŋ ha eg Yawe, Looŋŋa, kay umira hin ew wanda. Gasi ami suu hin iirina ni ew ɦawaa, may ami li ay jew ni bolowo. Aŋ wi dla ndaɗta lay.