JEREMI 13:18 - Boy Lonana

¹⁸ Di ha maŋ mulna, u su mulna, «Jum makka mulla cecemmi ndaɗ ndi ay ki kaŋga ni kay yakka su? Jum makka mulla ta jivira.

JEREMI 13:18 Iomraidhean Croise

2 MULINA 24:12

Joakin, mul ma Yudana, kal ay ki fok mul ma Babilonna. Namu u sumu, suu sun mamsina u asgaa mam suu ŋgolona halaŋ, nam mulna yowosi daŋgayna. Ni hu li ma Nabukodonosor li basara ki hu mulla kalavandina.

2 MULINA 24:15

Nam tuɗ Joakin ha ki hu Babilon u su mulna lay. Nam tuɗuɗ ha ki Babilon. Boyogi suu vi mulnana u asgaa mam suu ŋgolona, muli suu hu mbas ndaɗtana bel, nam yowosi ha hu Yerusalem tuɗusi ha ki hu Babilon.

2 DLAŊ MULINARA 33:12

Hu li ma Manase ka hu lassa na ni nam gijaŋŋa a cen Yawe, loomma. Nam wi coomba halaŋ fok Lo ma vi somoyomma.

2 DLAŊ MULINARA 33:19

Cen mamba u humba Lona humum cen mambara u dla coomba nam laɗta, lira nam li ka ɗegee fok Lonaɗira, ndum li ma nam min li ma li ɓivunna maŋ loogi suu ɦawanana, pi gu ma teteɗna zeɗ zeɗ lay u foto tlesuu ceɗina layna, jew bay a nam wi coomba a hoŋ ay eg Lona tura ni tle asina halaŋ ka ɓiiri magaara sunda vi Hozai.

2 DLAŊ MULINARA 33:23

Na may nam hin wi coomba ka fok Lona ko bum Manase lira naɗi. Nam hoŋ li dla cora ni su bum na ɗow.

KALKIRA 10:3

Moiz u Aaron tuɗ vi Faraw dam ana, «Yawe, Lo ma vi suu Hebrena, di ana, Aŋ hin a hoŋ yaŋ ga fokonni saɓa tuge? Hinin suu mansina asi tuɗ sununu.

KALKIRA 39:28

Asi cil gaɗamulla ni u baraw dlemba dereŋga lay u tlesuu ndalasi eg gaɗamullana ni u baraw dlemba lay, u kalasoŋga kurufura lay, u barawra cuk pay kurufura lay, ni u baraw dlemba halaŋ.

VUN ŊGOLNA 27:24

Kay ana begera ka li ha ni na din dinɗi. Jumba mulla ka li tini kay sa ma dewna ha na gak gakgi lay.

EZAYI 3:20

jumba kasira, galina, gandina, guri suu sel mbul ma hisna u ganda,

EZAYI 3:26

Vun grek ma Siyonna hin hawaɗ kiyo, boyogi suu vo hu zinna hin lak ki ni duk ndaŋgara.

EZAYI 47:1

Agi suu Babilonna wagi hahaw magira, hin dlamba mulla lakagi ki ga duk buɗna. Babilon ay jew ni ko goo wayra jeŋiira na. Suuna ŋgaam ana zi ma jivina, cemi ka na olodi.

JEREMI 22:24

Ni tanda gaw Yawe di na. Hu li ma Koniya ma goŋ Joakimma mul ma Yudana hin li ni ko ndal tampoŋ ma njuni del kon ma njufna an hin buɗum kiyo.

JEREMI 22:26

An gaŋ ha kiyo, aŋ lay suŋga vuɗuŋga lay kay ndaŋgara daŋga agi vuɗ ay ka huruɗɗira. Aŋ hin miɗ ha ki hu li namma.

JEREMI 29:2

Ŋgoo dagan hu li ma mulna Yekoniya, su mulnara, sa ŋgol ma hu taraŋgana, suu ŋgolo suu sunda suu Yudana u suu Yerusalemma, suu wi yal min tlena, suu ŋgolo suu duuna tuɗ ki hin Yerusalem.

JEREMI 36:16

Humba asi hum boy namma ki na halaŋ halaŋga ni asi mbuɗ ki ndaana cocoo. Ŋgoo dagan asi di Baruk ana, «Ami hin ka maa boy namma bay jokom ki maŋ mulna bel belɗi.»

YOORA 1:6

Siyon mayra jivira jivi maɗta viɗ ki wa. Gola goryoŋ muli maɗsinana ko ndal goŋga ka fi haɗna a tiraɗi ni asi saɓakkasi kaɗi, tuɗ fok sa casi kina ni na.

YOORA 1:9

Zozoɗ maɗta ki eg baraw maɗna lay. Ndaɗ ka saa kay dlara mbay dagandaɗi. ɓeŋ maɗta ki ŋgol cocoo. Sa heɓeɗ huruɗ kaɗi. Gola Yawe ni zolo manna, babali manna wul ni wuliya.

YOORA 2:10

Kaki kaŋga duk ndaŋgara seŋira na selewen, suu basi suu vi Siyon ta jivirana ko ndaŋgara kay yasiya. Asi cuk baraw bolla egesiya. Gorɓii suu Yerusalemma cok yasi kaŋga ta ta kay ndaŋgara.

YOORA 5:16

Bella kay yamira ndi ki kaŋga wa, ɦii dla cora fami wa, kay ana ami li dla cora wa.

EZEKIYEL 16:12

Kalak walakka ki cinik may, cukuk walakka ki humuk may, tinik jumba weleɗ cocora ki kak may.

EZEKIYEL 21:26

Mul ma Babilonna col ki hu garak voɗta mba' ndaɗta a joɓ fulina. Nam kisik mburura, joɓ fulina may, gol duduk yoorina may.

EZEKIYEL 24:17

«Aŋ tii ni u huruŋ ɦawaa. Aŋ ka li dlara tok suuna a tii maɗnaɗi lay. Njun gaɗamul maŋga kaŋu. Ka fok tuɓuru maŋ ma seŋŋa kiɗi lay. Baa baraw ki kay njeɓereŋgi lay. Vi fu ma saaŋ ma vok zina ɦaŋŋa ay koŋŋaɗi lay.»

EZEKIYEL 24:23

Gaɗamul magira njuni kagi lay, tuɓuru magina cuki segi lay. Agi ka li dlara a tii maɗnaɗi lay, ka lagi hahaw dagan a yoo tagiɗi lay. Agi gegelay ni u cora nam laɗta hin yoo tam u zamba kay wayamma.

EZEKIYEL 44:18

Asi ndak a kuluɓ jumba kasiya, njun u furusi ki u tlakara may. Asi ka cuk baraw ma zamalla egesiɗi.

DANYEL 5:20

May hu li ma hurum zal coco lay, saaram ŋgel kiyo, mbuɗ ki co lay ni, nam ndi ki kaŋga hu mul mamba, asi hin tlam saɓak mamma kiyo.

JONAS 3:6

Boy namma tew mul ma Ninivena. Nam fok baraw mam ma mulla kiyo, cuk tammi baraw bolna, kak ki kaŋga duk buɗna.

MATIYE 18:4

Sa ma hoŋ tam ki ko gogoona nana ni, a ŋgolla hu Mulla huulonara ni namu.

Magaara JAK Ɓiiriɗta 4:10

Hoŋogi yagi kaŋga fok Bu Suuna nam hin yowogi koloo.

1 PIYER 5:6

Hoŋogi yagi kaŋga fok Lona ma saɓakŋa, nam hin mba tlagi yagi kolo hu buu ma nam ŋgaamma.