JEREMI 13:16 - Boy Lonana

¹⁶ Ŋgaagi Yawe Loogina jew bay nam kuluɓugi lina kagi ndufunda, jew bay segi daɓ eg tlesuu kolo mbuy suu ndufunda viɗisi ki irigiya. Agi juɓugi kiɗikka may, nam mbuɗuɗ ki ndufunda ci maɗna, nam tin ɗugulla warra ay koloo.

JEREMI 13:16 Iomraidhean Croise

JOB 3:5

Ko ndufunda ŋgolla kuluɓ buu namma kiyo. Ko ɗugulla doɓ lokka kuluɓ ki ii buu namma. ɗowba faɗta kuluɓ ki ndufunda hu buu namma.

SOOLLA 107:10

Suu daŋŋa laki duk ndufunda, njuni ga u kinjiŋŋa, asi ka las hu daŋgayna.

SOOLLA 107:14

Nam taɗasi ay ki duk ndufunda, hu lina vi suu miɗina, nam kaasi kinjiŋ ma sesina kiyo.

SOOLLA 29:2

Geleɗegi sem Yawe, goɓogi ga fok Yawe. Goɓogi gaa fok Yawe hu li ma teteɗ mamba tak taɗ kina.

SOOLLA 44:19

Ami ka hin tuɗta kay seŋga kiɗi, ami ka hiniŋ voɗ maŋga kiɗi lay.

KALKIRA 10:21

Yawe di Moiz ana, «Maɗ koŋ ki kolo huulona, yi ndufunda ay kay mbassa Egiptera, ni ndufun mayra sa ka wi duk kombi layra.»

VUN ŊGOLNA 4:19

Voɗta vi suu conara ni ndufunda, asi ka wi tlesuu daɓasi sesinaɗi lay.

DI BOLLA 11:8

Sana ndak a furi kay basara nam laɗ hu duliyara wanda. May ni humum mba gam ana buu ma yoora ni bolow cocoo. Dla ndaɗta halaŋŋi ŋga tara ɦawaa.

EZAYI 5:30

Hu buu namma ni asi hin yal suu Israelna cocoo. Vunna hin zam ko ndal mbo lum ma ŋgolna a zamba na. Asi hin gol ndaŋgara na ni ndufunda u yoora cocoo. Kiɗikka hin mbuɗ ki ndufunda u kuɗna cocoo.

EZAYI 59:10

Ami tuɗ ni lam ko ndal suu dugina a lam pay goŋga na. Ami lammi ko suu irisi dugina na. Faali ŋgolla lay ni ami daɓ u tlena ko njeŋgera na. Tami ka tamiɗi ki fani lay ni, suu miɗina ni sumiya.

EZAYI 59:9

Suuna di ana, cemi ni Lona ka suɗumi kiɗi ni kay mege? Ɗegeera ka mba ki ta ta egeygiɗi ni kay mege? Ami saa ana ami hin fi kiɗikka, gola ami ka ni duk ndufunda. Ami minni faalira, doli ami ka poy ni duk njeŋgera.

EZAYI 60:2

Ndufunda kuluɓ duliyara ki halaŋ, njeŋgera ka ki kay njaf suuna halaŋ. Na may kaŋ aŋ taŋga ni Yawe ka ɓo kiɗik mamba, bibiŋil mamba ka tak ki kaŋu.

EZAYI 8:22

asi pereɗ irisi ay ni ga kay ndaŋgarana ɗow, gola ni yoora u ndufunda, wihawra duk ndufundara may. Ni njeŋgera sana oy cocora.

JEREMI 14:19

Aŋ noy Yuda ki wa su? Aŋ ka min Siyon oloɗi su? Ni kay me aŋ waɗami u dla cora ka daɓbi lay ni ge? Ami juɓumi ni heɓpa may, ndaɗ ka mbaɗi. Ami juɓ li ma ami a fi garaɗta hurumma may ndaana mbay kamiya.

JEREMI 2:6

Asi di ka ana, Yawe ni arage? Ma selemi ay ki hu mbassa Egiptera, ma takami voɗta ay hu fullana, hu mbassa gogoyra u dawna, mbassa faɗta ɦayra, li ma ci suuna kina, mbassa sa ka jak huɗira, sa ka kak huɗi layra?

JEREMI 23:12

Na ɗaŋŋi voɗ masira mbuɗ ki goloɓoɗta. Asi viɗ tasi ki duk li ma ndufunna. Asi puk kaŋgaa. An mbaasi dla cora ay kasi hu basara asi hin ɓak dlaasira kira. Di na ni Yawe.

JEREMI 4:23

An gol ndaŋgara, ndaɗ mbuɗ ki fulla. Va ka kaɗɗi. Kiɗik mayra kolo huulonara daɓ ki lay.

JEREMI 50:6

Timigii suu viɗ kina, ni suu mansina mbuɗ ki ni asiya. Suu golosi iiri masirana viɗisi ki wa. Asi tuɗusi asi talal ay kolo kay ɦinira ta ta, kay ɦinira ŋgolora u mayra goorira lay, humusi ka gasi kay liisi ma buunaɗi lay.

JEREMI 6:21

Na may ɗaŋŋi Yawe ɓak anaba, an tin dlara vi yamba fok suu asina. Asi hin puk kaŋga u dla ndaɗta. Gorra u somoyosi lay halaŋ. Suu vok zina u asina, suu ndaryasina lay hin miɗ kiyo.

JEREMI 8:15

Ami juɓummi ni tara fanira, may va jivi kaɗi. Aygi juɓuygi li ma aygi garaɗ ki wa ni, ndaana hin mbay ni namu.

YOORA 4:17

Ami may ni irimi ka tinira a juɓ njunda may ndaɗ ka mbaɗi. Ami juɓ ta ta ana suuna mbay njunumiya may. Asi ni ka suu ndak a suɗuminaɗi.

EZEKIYEL 21:15

Ki guuri jivi a ci suuna, tam ki jivira a weleɗ cocora may.

EZEKIYEL 34:12

Ko ndal sa ma taa yoorina gol yoori mamsina jivi hu li ma asi njay kina na hu li ma nam coli dukusina, an may ni hin gol yoori mansina, tokosi ay ki hu li ma asi ay ki njay huna duk li ma kuɗna gi lina ndufun cocona.

EZEKIYEL 36:15

An ka hin a njaf suu ɦawana mbaarak dlara zolona kak oloɗi. Suu taa ka ndak a ŋguluk oloɗi lay. Ndak ka li dlara daɓ sem suu maksina oloɗi lay. Di ni Bu Suuna, Yawe.»

JOEL 2:2

Ni buu ma ndufunda hin kuluɓ kay suuna, ni buu ma ɗugulla hin tin ay warra na ilik ilikŋa. Ko ndal ŋgarpira na tuɗ cuk kolo kay ɦinira, suuna bolowo, saɓak coco lay, ko ndal suu asina day day ni sa wasi ka dewɗira na, ko ndal ana ŋgorosi dagan wanni suu daŋ hin ka li oloɗira na, ta ta tew ha ki hu bassara vi njaf suu ay day dayna lay.

AMOS 4:13

Na ɗaŋŋi gola, sa min ɦinirana, sa li semeɗnana, sa ka tak dlara maŋ sa warna a nam laɗta, sa hu li ma ndufunna nam li kiɗikka layna, sa tuɗ kolo kay lii mbuy ma kay ndaŋgarana, nam yi sem ana Yawe, Lo ma Saɓakŋa.

AMOS 5:18

Hahawra ka kay suu ka juɓ Buu ma vi Yawena. Jivi mamba ni mege? Buu namma hin lagi ni me egegi ge Buu ma vi Yawena? Hin li ni ndufunda, ka kiɗikkaɗi.

MALASI 2:2

Lini agi ka humbi, lini agi ka vagi tagi a ŋgaanɗi ni, an hin cukugi dla cora kagiya, gagi vunna, Yawe ma Saɓakŋa Kom Belna di na. Gasi an gagi vunna kay ana dukugi ni sa hurum jivi ka na dewɗi.

Boy Ma Ayra Ma JAŊ Ɓiirimma 12:35

Yesu dasi ana, «Kiɗikka ka dukugi tuwa a kak ew ɗaŋ. Tuɗugi huruɗu a ndufunda fagiɗi. Li tagi jiviya, sana tuɗ hu ndufunna ni ka wi li ma nam tuɗ hunaɗi.

JOSUWE 7:19

Josuwe di Akan ana, «Goonna, aŋ ŋga ni Yawe, Lona vi suu Israelnana ɗow, ɦam ŋgolla ni mamu, dan dlara ay laɗta ay kiyo ŋgay taa kaŋgaɗi.»

1 PIYER 2:8

Magaara di hu li ma daŋŋa ana, «Ҥini namma ni ma daɓ sem suuna, ni ɦini ma hin cukusi gaana.» Asi daɓ sesi kay asi ka min a hum u boy mammaɗi, kay ndaɗta asi ay ki ŋgaay ni na daŋ may.

1 SAMUEL 6:5

Agi hin tlagi foto tuguɗii ɦulu magira u kolom mayra ɓeŋegi mbas magira, agi hin ŋgaagi Lo ma vi suu Israelna. Kala kom hin mbuɗ ki feɗta kagiya kay loogina kay mbas magira.