JEREMI 13:10 - Boy Lonana

¹⁰ Suu may suu co suu ka min a humun boy mannaɗina, tuɗ fok u su vunna, liŋ ki u loogi suu daŋŋa a goɓosira. Asi mbuɗ ki cora ko gandi namma ka jivi oloɗira na.

JEREMI 13:10 Iomraidhean Croise

SOOLLA 78:8

Ko asi li ko somoyosi naɗi, asi suu hin vun Lona ki mbuɗ yara u namma, njaf suu hurusi cona saa masira ka taɓ ura vi Lonaraɗi.

DI BOLLA 11:9

Aŋ goozoŋŋa furi kay zoŋ maŋga. Huruŋ furi coco hu li ma aŋ bay mbuɗ maa tuna. Aŋ li ni dlara huruŋ miniɗ ta iriŋ jivira. Na may aŋ mba wi ki ana tle asina halaŋŋi Lona hin kaaŋ ɓakŋa kaŋu.

EZAYI 3:24

Mbul ma hisna hin mbuɗ hisni tlesuu buuyna, gandina hin mbuɗ ni zewna. Yamba gira hin kaa ni godlokka. Hin baraw ma jivina ki tani hin cukŋi baraw bolna. Jivira hin ki tani asi mbuɗ ki coo.

JEREMI 11:10

Asi hoŋ tasi ki hu suluk ma vi somoyosi ma ka min a humun boy mannaɗina. Asi may ɗaŋŋi liŋ tuɗ ki u loogi suu daŋŋa a goɓosiya. Suu Yudana u suu Yerusalemma may ni buɗ galamba an vaɗ u somoyosira kiyo.

JEREMI 11:18

Hu li ma Yawe ɓakan dla ndaɗta ki an humuɗna, na ɗaŋŋi an fasi suu sun masira kiyo.

JEREMI 13:7

An tuɗ hu Fara a hal gandi ma an ŋgayamma a yowom ay kira, halam hu li ma an ŋgayam huna, gandi namma cim ki wa, ka jivi oloɗi.

JEREMI 16:12

Agi may ɗaŋŋi lagi dla cora ni suu somoyogiya, dukugi ni gegelay tuɗ irimmi fok u yamba eŋga, ka humunɗi.

JEREMI 16:4

Mayra hin casi ki ni ndaɗu. Sa hin ka tiirisi maɗasiɗi lay, ka wasi ususiɗi lay. Asi hin li ni ko tlesuu cim ndaŋgarana na. Asi hin miɗ ki ko ŋgewra u mayra. Maɗasi hin li ni tlesuu layagi suu pii huulonana u mburi suu kay ndaŋgarana Komosina.

JEREMI 20:4

Ko ndaɗta na Yawe ɓak anaba, «Ŋgoo dagan wanni an hin mbuɗuŋ ki ndaana, banayaŋŋa lay, asi hin puk kaŋga fun ŋgewna vi suu babali masisina aŋ hin wi dla ndaɗta u iriŋ lay. An hin ɦal suu Yudana ki maŋ mul ma Babilonna. Nam hin yowosi tuɗusi ki Babilon, nam hin casi ki u ŋgewna.

JEREMI 22:21

An ɓak u aŋŋi hu li ma dla ka kaŋ tuɗi na, aŋ hoŋon dira ana, «Aŋ ka min a humbi.» Ni dlara aŋ laɗ ay u goo taŋ dayra, aŋ humun delen ay kaɗi a fafaɗta.

JEREMI 23:17

Asi min a di suu ka min boy ma vi Yawenaɗina ana, «Dlara hin li kagi agi jiviya.» Sa ma min a tuɗ fok u yamba eŋgana, «Dla cora hin ka mba kagiɗi.»

JEREMI 3:17

Hu li namma ni asi hin yi Yerusalem ana, «Dlamba mulla vi Yawera.» Njaf suuna halaŋ hin hoŋ irisi ay kaɗu kay sem Yawena ma ɦam ki maŋ Yerusalemma. Asi hin ka su vunna u yasira eŋga kal ki na nderaɗi.

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

JEREMI 44:16

«Gasi daŋ may aŋ dami boy namma ni u sem Yawe may, ami ka humuŋgi.

JEREMI 44:5

Asi hum kaɗi lay, tin humusi ka a hom kay suluk masinaɗi lay, seŋ ŋgalla ŋgal ɓivunna maŋ loogi suu daŋŋara kaɗi lay.

JEREMI 5:23

Na may suu asina hurusi ka jiviɗi, min yara ɦay lay. Asi yow tasi tuɗ ki hu li daŋŋa lay.

JEREMI 7:13

Doliɗi ni cecem wanda ko agi li dla co ndaɗta ki halaŋ lay ni, Yawe di na, an ɓakagi tew tew lay agi hum kaɗi ni, an yagi ni agi hoŋon dira kaɗi lay.

JEREMI 7:6

Yowogi tlesuu vi sa mbay mbeera dukuginaɗi, sa kuyuna u cara donoraɗi. Voogi busu suu li va kaɗina ki kaŋga hu li nammaɗi. Kay hahaw magira liŋigi kay cee loogi suu daŋŋaɗi.

JEREMI 8:5

Ni kay me na ɗaŋ ge, suu Yerusalem agina, viɗ tagi ki ŋgolla cocora u dla cora laɗta na ni kay mege? Asi vi vunusi eŋga kay saa masira bay uɗta, asi ka min a hoŋ ayɗi.

JEREMI 9:13

Asi miɗ ki ni kay suu vunna u yasira eŋga, viɗ tasi ki u Baal ma somoyosi haɗasi ki u namma.

JEREMI 9:14

Na ɗaŋŋi Yawe, ma Saɓakŋa Kom Belna, Lona vi suu Israelna, ɓak anaba, an hin ɦasi beɗeera kasiya, ɦasi yo ma ci suuna asi camu.

JEREMI 9:6

Na ɗaŋŋi Yawe, ma Saɓakŋa Kom Belna, ɓak anaba. An hin yoorosi kiyo, hin saa kasiya. Aa, an a kaɓakŋa ni kay dla cora vi suu mansinara.

NDUMBA 14:11

Yawe ɓak u Moiz di ana, «Suu asina panan na gak gakŋi kay mege? Asi ka min a hum unɗi ni kay mege? Dlara an takaɗ ki dukusira halaŋ asi ka vi taa na dewɗi su?

SUNDA 7:51

«Agi suu yagi kaɗina, njun hurugiya, ŋgel humugi ki kay yira vi Lona. Tew tew ni agi ka hum vun Musuk Lonaraɗi, ko somoyogi na may.

HEBRENA 12:25

Gologi tagi jivi ɗaŋ humugi vun sa ma ɓakagina. Suu hum vun sa ma gaɗasi kaŋga kay ndaŋgara tani kay tlesuu kolo huulona kaɗina, suɗ kaki ko daŋgaynaɗi. Lini aygi hoŋoygi ki dagani ka hum vun sa ma ka ɓakaygi ay kolo daynaɗi, ni aygi ka suɗ kiɗi.