JEREMI 12:7 - Boy Lonana

⁷ An noy ziinda kiyo. An yow kon ki kay tlesuu varanna wa. Ndaɗ ta an miniɗ ɦayra an ɦaɗ ki maŋ suu babali maɗsina.

JEREMI 12:7 Iomraidhean Croise

2 MULINA 21:14

An hin noy u suu man suu hin ndena kiyo. An hin ɦasi ki ko suu babali masisina. Asi hin ki ni a tlesuu ɦurumusi ay ki fun duunana.

SOOLLA 106:40

Huu Yawe ɓeŋ eg suu mamsina, nam ba suu gin a suu mamsinana kiyo.

SOOLLA 78:62

Nam hin suu mamsina suuna casi kiyo, nam mbuɗ hurum eg suu mamsina.

EZAYI 2:6

Bu Suuna, aŋ hin suu maŋsina ki wa, goryoŋ Yakobma, kay asi yow dlara vi suu u maɗiinara ay kasiya. Asi li kumuna ko suu Filistinna na. Ni kay taɓ u gor suu daŋŋara.

JEREMI 11:15

Va ndaɗ mbay lam hu ziindana ni mege ta an miniɗ ɦayra? Dlara ndaɗ laɗta halaŋŋi oyra hu ni dla cora. Na ni tlesuu ɦasi ɦawana u tliw ma ŋgaɗam kina ndak a dikik dla cora ki egek su? Ndak hin suɗ tak ki ko dla cora ni u boy namma su?

JEREMI 14:19

Aŋ noy Yuda ki wa su? Aŋ ka min Siyon oloɗi su? Ni kay me aŋ waɗami u dla cora ka daɓbi lay ni ge? Ami juɓumi ni heɓpa may, ndaɗ ka mbaɗi. Ami juɓ li ma ami a fi garaɗta hurumma may ndaana mbay kamiya.

JEREMI 17:4

Aŋ hin hoŋ mbassa kiyo. Aŋ u dew taŋga hin col ha ki eg jo ma an ɦaŋŋana na day. An hin cukuŋ suu maŋ suu babalira kaŋu. Suu asina mbay ni hu mbassa aŋ ka waɗɗira, kay ana agi cukungi ku yaanda kagi wa, ndaɗ ka ŋgal na gak gak.

JEREMI 22:5

Na may lini agi hum boy namma kaɗi ni, an suu u tanda, Yawe di ana zi namma hin mbuɗ ki ni didiŋga cuk zozoɗta.

JEREMI 23:33

Lini suu asina ɗowba, sa jok vun Lona ɗowba mul ma li ɓivunna joɓoŋ ana, «Nekka vi Yawera ni tarage?» aŋ hoŋosi dira ana, «Agi ni nek ndaɗta. An hin noyogi kiyo.» Di na ni Yawe.

JEREMI 23:39

Na ɗaŋŋi an hin gologi ni u tanda hin cukugi ha ki egen na day. Agi tagira u ɦoŋzi ma an ɦagina ki magi u somoyogina.

JEREMI 51:5

Kay ana mbas masira ki oyra u dla cora eg ma Teteɗ ma vi suu Israelna. Doli ɗaŋŋi sa Israel ɗowba ma Yuda ka ki hini dono ko Loosina Yawe, ma Saɓakŋa Kom Belnaɗi.

JEREMI 7:14

Na ɗaŋŋi zira ka ɓak ki kay senda, ta agi ɦal saaragi kaɗta u li ma an ɦagina ki lay, maŋ somoyogi layna, an hin lasasi ni ko an las Silora na.

JEREMI 7:29

Ŋgaɗagi tlimiɗ yagira ɓivunna, cukuɗ kiyo, gagi soolla hahawra hu voɗta kay ana Yawe noy njaf suu loɓom tam ki cocona kiyo.

EZEKIYEL 24:21

Di suu Israelna ana, Bu Suuna, Yawe, di ana, an min ɓalak Ziinda kiyo, ŋga taagira kay saɓak maginara, furi magira agi laɗ wanda, hurugi ma tini kay iiri magirana. Goryogi suu njufiina u gorɓiina suu agi hinisi hu Yerusalem wanna ŋgewna hin casi kiyo.

Magaara Vi Sa Jok Vun Lona OZE 11:1

Hu li ma Israel ay goo tuna, an miniɗu. An yi goronna ay ki hu Egipte.

Magaara Vi Sa Jok Vun Lona OZE 9:15

Dla coosira halaŋ tak taɗ ay ki hu Gilgal, ay ni hu li namma day an mbuɗ hurun ki egesi cora ni na gaw ni kay dla coosira asi laɗta an hin dikisi ki hu ziinda, an hin ka minisi oloɗi, muli masisina halaŋŋi suu duu u anna.

JOEL 2:15

Buugi tokolomma hu Siyon, mbuɗugi tagi ki jivira u laara lira yagi tokka ɓivunna.

JOEL 3:2

Kay suu sunda njufiina u boyogina lay, hu li namma an hin njay Musuk manda kasiya.

Boy Ma Ayra Ma LUK Ɓiirimma 21:24

Suuna hin casi ki u ɓagina hin yowosi, njayasi ha ki daŋgayna duk njaf suuna zeɗ zeɗ. Suu ɦawana kay to zi Yerusalemma ki ni toy na gak gak bay liisina ndak na baɗi.»

GA 8ATAMBARA 33:12

Kay Benjaminni nam di ana, sa ma Yawe minim cocona, nam mba koɗ tam u ɗigilla, tin saaram kay sa ma ka golom hu buuna tew tewna. Nam koɗ tam duk ɦoŋ ɦini mamba.