JEREMI 12:16 - Boy Lonana

¹⁶ Lini asi haɗ tuɗta jivira wa ko suu mansina na, suu tasi u sen ana, «Bu Suuna ka iiriya,» ko asi haɗan suu mansina a suu tasi u Baalla na may ni, asi hin cuk ziisi duk suu mansina.

JEREMI 12:16 Iomraidhean Croise

SOOLLA VI SALOMON 1:8

«Lini ndak ka wiɗi ni goora jivi ɦayra gi tak ay kay sem timigiina, tuɗ gor ɦuguni maksina ay eg zira vi sa ma taa yoorina na tok.»

EZAYI 2:3

Suuna bolowo hin yow kolo di ana, «Mbaygi aya ɗiŋiygi kolo kay ɦinira vi Yawera, hu zi ma vi Lo ma vi Yakobma. Nam hin takaygi voɗ mamba, aygi hin tuɗ hu voɗ ndaɗta.» Na daŋ may gaɗ ndaɗta col ay ni hu Siyon, boy ma vi Yawena col ay ni hu Yerusalem.

EZAYI 42:6

Ni an Yawe, an yaŋŋi u gasira, an vaŋ koŋ kolo wa, an ka goloŋu, a aŋ faɗan vun galam manda an vaɗ u njaf suu warnara kiyo, aŋŋi sa ma hin takasi kiɗikka kina.

EZAYI 45:23

An suu tan ki ni u tanda tok di ana, va ma kal ay ki fununna ni va ma gasina, an di ni boy ma sa ka guri umbina. Vun gif suuna halaŋ hin goɓ ki kaŋga fokonu, vun suuna halaŋ hin mba suu tasi ki fokonu.

EZAYI 49:6

Nam dan ana, «An yaŋ a saan ma sunda ni ka kay a mbaa njaf suu vi Yakobma, a suɗ ki ni suu Israelna holɗi. An manaŋ ay ki ni a kiɗikka fok njaf suuna halaŋ. Kay ana suɗ manda li ha ki ni kay yam mbassa halaŋ halaŋ.»

EZAYI 65:16

Gegelay ma min paɗ funna kay ndaŋgara tanina, fammi u sem Lona ma gasina. Gegelay ma min a suu tamma, suu ni u sem Lona ma ɗegeena. Kay ana wihawra li ay jewra maa ki wa. Na daŋ may ndaɗ mbuɗ ha ki ŋgay irin na day.»

JEREMI 16:19

Yawe, saɓak manna u ŋgusu ma kanna, liin ma ŋgayra hu li ma wihawra. Suuna hin mbay ni egeŋu, suu ay keŋ ndaŋgara day dayna hin di ana, va ma somoyomi fam hu ɓorowna na ni dla cora kaboyna. Dlara ganyamba sa ka li sun u ndaɗɗira.

JEREMI 18:8

Lini suu asina hom ko dla cora an tinisira kasirawa ni, an hin ka lasi dla cora an a lasira gin egesira oloɗi.

JEREMI 3:17

Hu li namma ni asi hin yi Yerusalem ana, «Dlamba mulla vi Yawera.» Njaf suuna halaŋ hin hoŋ irisi ay kaɗu kay sem Yawena ma ɦam ki maŋ Yerusalemma. Asi hin ka su vunna u yasira eŋga kal ki na nderaɗi.

JEREMI 4:2

Lini ndak suu tak u iirira vi Yawera ni u gasira, ɗegeera u jivira, na ɗaŋŋi njaf suuna hin fi heɓpa u semu. Asi hin fi ŋgara ni umu.

JEREMI 5:2

Asi ɓak coco, «U sem Yawe,» sun masira ki ni ɦawaa.

JEREMI 5:7

Duk dla cora ko wanda na ɗaŋŋi hin ɦak gira ni nanage? Goryok noyon kiyo, asi suu tasi u sem loogi suu ɦawana lay. An ɦasi tlena halaŋ, na may asi li zoŋga, asi zuɗ tasi fun ziŋ gawlaŋgara.

JEREMI 6:16

Yawe ɓak anaba, Cologi hu voɗta na jol a halagi lina. Joɓogi kay voɗta suu jewna tlaɗta, voɗta heɓpa huruɗta ni tarage, agi hin tlaɗu. Agi hin fi li ma agi kak u heɓpana. May ni asi di ana, «Ami ka tuɗ huruɗɗi.»

SOFONI 1:5

An hin bulum suu goɓ kaŋga kay mbura kolora fok ciciwra, faɗta, u tilna kiyo, u suu goɓ kaŋga fok Yawena lay, suu hin suu tasi u sem loosina, Melekŋa, lay.

ZAKARI 1:6

Na ni boy manna u gaɗ manda suu an hinisi ka maŋ suu man suu sunda suu jok vun Lona tewegi somoyogi kaɗi su? Na daŋŋi asi hoŋ aya, di u vunusi ana, Yawe, ma Saɓakŋa Kom Belna, col a lasaygi ni kay voɗ maygira u tuɗ maygira cora, nam lasaygi ni na.»

ZAKARI 2:11

Tuɗuygiya, Siyon, pii kiyo, ndak mayra ha ki kaki hu Babilonda.

ROMMA 11:17

Suu Israelna ni ko gu conora sana zumuɗ uɗta na, gorgor koɗ ma ɦiw ay ki kaaya, aŋ sa ma ka hu njafna vi suu Juifnaɗina aŋŋi gorgor cono mayra daŋga paɗ fun ndarayaɗnara, aŋ ki cecemi taɓi u ndaɗ cono mayra sana zumuɗ uɗta dew.

ROMMA 14:11

Kay magaara di ana, «Bu Suuna di ana an ka iiriya, suuna halaŋ hin mba goɓ vun givisi kaŋga fokonu, vun suuna halaŋ hin di ki u vunusi kolo a ŋga Lona.»

1 KORINTNA 3:9

Ami ni suu li sunda ko tami u Lona, agi ni senena vi Lona. Zii minina vi Lona may.

JOSUWE 23:7

Kalagi ka vi suu ɦawa suu hin cuki keŋegi ca canaɗi, yagi sem loogi masisina funugiɗi, suu tagi u loogi masisinaɗi lay, sunusiɗi lay. Goɓogi ga fok loogi masisinaɗi ɗay.

RUT Magaara Njaɗ Dlara vi Rut 3:13

Ndak buu gaa fo maɗiira ki tuwa, lini nam ɗumuk wa ni jivi may, lini nam ka minɗi ni an hin vak may. Yawe ka dukuya ndak buura fo maɗiira ki tuwa.»