JEREMI 12:13 - Boy Lonana

¹³ Asi zaa wa blena kaŋgaa, hin feɗ ni wayra. Asi loɓ tasi kiyo, hin ka fi va huɗi. Mbuɗugi ki zolona u tlesuu agi fasi asina, ni kay yara vi Yawera ŋgolla.

JEREMI 12:13 Iomraidhean Croise

SOOLLA 78:62

Nam hin suu mamsina suuna casi kiyo, nam mbuɗ hurum eg suu mamsina.

EZAYI 55:2

Agi bas gursura ki kay ti ma ka hoɓogiɗina ni kay mege? Gagi zamalagi ki kay tlesuu ka a hoɓogiɗina ni amege? Humugi haa, humungi vunun haa, tagi tlesuu jivina na ɗow, tlesuu a lagi tagi furira.

JEREMI 17:10

An, Yawe, sa wi saa suuna, wi dlara hurusira lay, kaɓakŋa kay gegelay ni u dlaamba u sunumba nam laɗta.

JEREMI 4:26

An gol na ni, mbas mayra bubura ɦayra mbuɗ ki fulla. Ҥoŋzina halaŋ ki ŋgaliya, ni ko yara vi Yawera.

JEREMI 9:5

Dlara yara ha kay taɗu. Ganyamba ha kay taɗu. Asi ka min a wanɗi. Yawe di na.

Magaara Vi Sa Jok Vun Lona OZE 8:7

Asi zaa kaŋga ni semeɗna, asi hin feɗ ni babaana may. Wa ma bay yam iinana hin ka luɗ fuɗɗi, lini fuɗta ka na nde lay ni suu koyogina taɗ ki ni asiya.

DLAŊ LEVIRA 26:16

«Gola ni dlara an hin lagira egegira. An hin gagi dlara ndaana kagiya, gagi tuguɗiira kagiya, tuguɗii mayra irigi ka wi oloɗira, ta cagi ki maɗnara lay. Agi zaa wana hu sene magina lay ni ka fambi, suu babali magisina hin feɗem ki ni asiya.

DLAŊ LEVIRA 26:20

Agi hin loɓ tagi a li sunda ki ni ɦawaa, ndaŋgara ka jiv wana oloɗi, ŋgusugi suu hu mbas magirana ka vuɗ oloɗi lay.

MISE 6:15

Aŋu, aŋ hin zaa tlena kaŋgaa, hin ka fi va a feɗɗi. Aŋu, aŋ hin em conora hin ka fi mbul ɦuɗi, aŋ hin soo veŋŋa kiyo, hin ka cambi.

HABAKUK 2:13

Boy namma col ay ka ni ko Yawe, ma Saɓakŋa Kom Belnaɗi, su? Suuna loɓ tasi ni maŋ kura, njaf suuna li cora eg tasi ni ɦawaa.

Magaara Vi Sa Jok Vun Lona AGE 1:6

Agi zaa tlena kaŋga ŋgol coco may hin feɗ ni ew ɦawaa, agi ti tlena may hayagi ka hoɓbi, agi ci lay, ka furiɗi. Agi cukugi barawna egegi lay, tagi ka gi kuɗi lay, begera vi sa tli mboomma tuɗ ni hu mbumbura uɗ ki cooyra.

Magaara Vi Sa Jok Vun Lona AGE 1:9

Agi juɓ ay ŋgol coco may feɗ va ka ŋgolɗi. Hu li ma agi tuɗum ha vo varagina an fo musukun kamu. Ni kay mege? Yawe, ma Saɓakŋa Kom Belna, di na ni kay ziinda to ki kaŋgara, agi gegelay tin saarammi kay ziimu.

ROMMA 6:21

Agi hin fi me u sunda zolo ta agi laɗ ay jew ndaɗta ge? Sun ndaɗta tuɗuŋŋi hu miɗna.

GA 8ATAMBARA 28:38

«Agi zaa tlena hu senena cocoo may agi ka feɗ va gaaraŋ ay huɗi, kay jeena ti tlena kiyo.