JEREMI 12:12 - Boy Lonana

¹² Hu voɗta hu fullara halaŋ suu ci suuna mbay huruɗu. Ŋgew ma vi Yawena ay ii ko hiŋŋa ta ta tew ko ndaŋgara wanda. Heɓpa ka kay sa dew oloɗi.

JEREMI 12:12 Iomraidhean Croise

EZAYI 34:6

Vun ŋgew ma vi Yawena taɓagi u busuna, nam ki hoɓi u mbulna. Busu timigiina u busu ɦugunina u mbul ma kay gilis gamlaginana, kay ɓivun ŋgol ma vi Yawena ka hu Bosra. Ci maɗ ma cocona ka hu mbassa Edomba.

EZAYI 57:21

Loonna di ana, suu li dla cora, heɓpa ka kasiɗi.

JEREMI 15:2

Lini asi joɓoŋ anaba, «Ami tuɗ ni arage?» Ni aŋ hoŋosi dira anaba, «Yawe ɓak ana, Maŋ maɗna, sa ki maŋ maɗna na. Maŋ ŋgewra, sa ki maŋ ŋgewra na. Maŋ mayra, sa ki maŋ mayra na. Maŋ mbaɓura, sa ki maŋ mbaɓura na.»

JEREMI 16:5

Gasi Yawe ɓak anaba, kal hu zira suuna tok tasi huruɗ a tii maɗnaraɗi. Tuɗ tii maɗnaɗi. Saa kay suu asina a lasi dlara jivi egesiɗi, kay ana an hoŋ begera an ɦaɗ maŋ suu asinara ki yowra wa, ɗegeera u heɓba. Yawe di na.

JEREMI 25:11

Mbas ndaɗta u ŋgoloɗ halaŋ hin mbuɗ ki ni jo ma senena, li ma hahawra. Suu huna halaŋ hin li sunda maŋ mul ma Babilonna i basara dok kiɗisiya.

JEREMI 3:2

Tli irik kolo gol ha hu voɗta. Li ma ndak li gawlaŋ ka hurumbina ka ni wan su? Ndak kak kaŋga keŋ voɗta a juɓusira, ko ndal Arabma hu fullara na. Ndak mbuɗ ndaŋgara ki njenje u dla cookka u boy zoŋ makka wa.

JEREMI 3:21

Tiina hin col kolo ŋgolla hu voɗta halaŋ halaŋ. Yira hahawra vi suu Israelna kay asi tli voɗta cora kosi, maa Yawe, Loosina kiyo.

JEREMI 30:5

Yawe ɓak anaba, aygi hum tii ma hahawra. Ni dlara ndaana. Va jivi ka oloɗi.

JEREMI 34:17

Na ɗaŋŋi Yawe ɓak anaba, Agi humun vunun ka kay cukka cuk gorsegina u ndarayagina kira kaɗi ni, an may ni hin vi vunun kagiya, Yawe di na, cagi ki u ŋgewiina, u mayra, tuguɗi bora lay. An hin mbuɗugi ki a va ma tak ma suuna halaŋ u suu muli suu kay ndaŋgarana lay li ndaana komma.

JEREMI 4:27

Yawe ɓak anaba, ndaŋgara halaŋ mbuɗ ki hahawra. Na may an hin ka ɓeŋ lina ki halaŋgi.

JEREMI 46:10

Na may buu namma Bu Suuna Yawe, ma Saɓakŋa Kom Belna, ni buu ma sa sugulna, sa sugulum u suu mam suu babilira. Ŋgewra ci suuna, hoɓ ki u asiya, guruɗ ki u busuɗusi lay. Ni buu ma furira vi Bu Suuna Yawe, ma Saɓakŋa Kom Belna, hu mbassa mbayawnara fun mbo lumma Efratna.

JEREMI 47:6

Ni dla co me nage, ŋgew ma vi Yawe na. Na ni aŋ hin seŋ taŋ duk koɗ taŋ ɗaŋ ki su? Kal ki hu ziiŋu. Seŋ taŋu, colla.

JEREMI 48:2

Moab seɗ ma tiina daɓ ki wa. Ay hu Hesebon asi li yal ma tii maɗna kaɗu. Tuɗuygi bulumuygi njaf suu asina kiyo. Ndak Madmen lay ni mbuɗ ki seŋŋira na yerek yerek. Ŋgewna ka ciɗik seku.

JEREMI 8:15

Ami juɓummi ni tara fanira, may va jivi kaɗi. Aygi juɓuygi li ma aygi garaɗ ki wa ni, ndaana hin mbay ni namu.

YOORA 3:17

Aŋ dikin ki day eg li ma heɓma an maa jivira ki wa.

EZEKIYEL 14:17

«Ɗowba an di ana suu duuna cuk kay mbas ndaɗta, an di ana ŋgewna kal hu mbas ndaɗta ci suu warna u yoorina kiyo.

EZEKIYEL 21:28

Suu vo hu Yerusalemma gol dla ndaɗta ni ko ndal ka boyna na, kay galam mayra asi vaɗ ki u suuna zeɗ zeɗta. Na may ni mul ma Babilonna hin gasi humusi kay coosira asi laɗ ndaɗta, kay coosi ndaɗta asi hin tuɗ ki mbaɓura komu.

EZEKIYEL 21:4

Suu warna halaŋ hin wi ki ana gi ku ndaɗta ni an Yawe. Ku ndaɗta ka tewɗi.»

EZEKIYEL 21:8

Aŋ di kay ndaŋgara Israella ana, Yawe di ana, an hin mbay kaku, hin paɗ ŋgew manna kiyo. An hin ci suu ɗegeena u suu cona kiyo.

EZEKIYEL 21:9

Hu li ma an a ci suu ɗegeena u suu cona kira ni, ŋgew manna an paɗam ay ki hu ziimu, hin ci suu warna ki ni halaŋ, col ha dali ta ta mbayawi.

EZEKIYEL 5:2

Hu li ma buu maŋ ma ŋgaamma daɓ wa ni, aŋ ɓorowoɗ iriɗ duk hindi, keŋ ma hindina aŋ ŋgal tlimiɗ ndaɗta duk gayra huɦoŋzina. Aŋ yow keŋ ma hindi ma hin cuki mbana, kaasi ki uŋgewna ŋguy ki kay yam ɦoŋzina na cutl, u keŋ ma hindi ma hin koŋ daganna aŋ cukuɗ kolo duk semeɗna. Ŋgew namma an hin hoŋosina ni kasiya.

DLAŊ LEVIRA 26:33

Agi tagira may ni an hin dikigi ki duk njaf suu daŋŋa, suuna hin mun duuna u agiya, ɦoŋzi magina hin mbuɗ ki ni bagira, zina halaŋ hin hawaɗ kiyo.

AMOS 9:4

Lini asi cuk tasi morɓiina fok suu babali masisina lay ni, an hin ɦal voɗta ha casi ki u ŋgewra. Irin hin li tinira kasi na ta, ka lasi dlara jivi egesiɗi may, lasi ni dla cora na ɗow.

SOFONI 2:12

Agi suu Kusna lay, yara hin cagi lay.

GA 8ATAMBARA 32:42

Ŋgew manna hin tini tliw suuna. An hin guruɗ mbuuru manda ki u busu suuna, busu suu casina u busu suu vasi daŋgaynana. Ŋgew manna hin kaasi yam muli masisina kiyo.»

WIRA ŊGAYRA 6:4

Kulum ma hiŋŋa kal ay kiyo tam tlawi, sa ma fuli kamma saɓak ma tin duuna kay ndaŋgara halaŋŋi komu, kay a suuna ci tasi kiyo. Kommi ŋgew ma ŋgolna.