JEREMI 12:1 - Boy Lonana

¹ Aŋ, Yawe, aŋ ɗegeere. Na may an min ɓak u aŋ nde. Gasi, an min ci wayra u aŋ kay dla taa ɦiw. Ni kay me suu dlara vasina dlaasira li eg liiɗ ni ge? Ni kay me suu ci suuna suu dlaasi cona kaki u heɓpa ni ge?

JEREMI 12:1 Iomraidhean Croise

URA TIN AYRA 18:25

Aŋ ka ndak a li naɗi, suu ɗegeena u suu cona aŋ ka ndak a baasi ki ko tasi dewɗi. Aŋ li u suu ɗegeena ko suu cona su? Aŋ ndak a li naɗi. Sa ma kaɓakŋa kay suu kay ndaŋgara halaŋŋa hin li ni u ɗegee mam ndaɗtaɗi su?»

EZDRAS 9:15

Yawe, Lona vi suu Israelna, aŋ ɗegee, hu buu ma karamma gaw, ami fi dla cora gasi ni ko ndal suu usi hinna na. Gola ami fokoŋ u suluk mamina wanna, ko ndaɗta na ni sa ka ndak a col fokoŋgi.»

NEHEMI 9:33

Aŋ taŋga jivi su dlara li egemira halaŋ kay ana aŋ li dlara ni u gasira, may ami tamira li dlara ni u hurumi ma sulukŋa.

JOB 12:6

Suu las ndarayasina laki hu ziisi ni u heɓpa. Suu ŋgel gaɗta vi Lonara laki ni u heɓpa. Gegelay ma mbuɗ tam ko Lona u saɓakamma ni ko ndaɗta na.

JOB 13:3

An may ni min ɓakŋi u ma Saɓakŋa na ɗow, an min doo tanni ko Lona na ɗow.

JOB 24:12

Hu ɦoŋzi ŋgolna suuna ka yoo tasiya. Suu daki u mbilnana ka yi kolo a njunusira. Lona ka caa yam kay cen masiraɗi.

JOB 24:23

Doli ɗini nam ka hinisi laki u heɓpa. Irim ka gol poyra vi suu daŋŋa may.

JOB 8:17

Nam sii sariyam ta ta tew ay ki ga u ɦinira, tuɗ ta ta gol duk ɦinira ay kiyo.

SOOLLA 116:5

Yawe, nam jiviya, ɗegee lay, Looygina ni sa ma wi hahaw suuna.

SOOLLA 119:137

Yawe aŋŋi sa ma ɗegeena, boy ma aŋ damma nam ɗegee lay.

SOOLLA 119:75

Yawe, an wi ana boy ma aŋ damma ni ɗegee, aŋ hoŋon yan ga ni u voɗoɗu.

SOOLLA 145:17

Yawe ɗegee hu dlaamba halaŋ, ɗegee hu sun mamba halaŋ lay.

SOOLLA 37:1

Soolla vi David. Ɓeŋ huruŋ eg suu li dla cora gawɗi, suu ci maɗna aŋ mbuɗ yara egesiɗi.

SOOLLA 37:35

An wi sa ma cona dew tli tam koloo, col tam ki eŋga ko guna na.

SOOLLA 51:4

Mbusun ki ko coonda na mbus ge, ɦokon ki ko suluk manna.

SOOLLA 51:6

An li co ndaɗta ni egeŋ aŋ na dew, an li dlara ka iriŋ jiviɗira. Kay ndaɗta aŋ ɓakŋi u voɗoɗu, ɓak maŋŋa, ŋgul ka huɗi.

SOOLLA 92:7

Sana ni giniŋi ka ndak a wi vaɗi, wiimba ka tuɗ dayɗi, nam ka ndak hum u dlaraɗi.

VUN ŊGOLNA 1:32

Wira ka min a wi vaɗira ci suu giniŋŋa kiyo. Tara ka tuɗuŋ ko dlaɗira ɓalak suu giniŋŋa kiyo.

DI BOLLA 8:14

Dlara ka li kay ndaŋgara tani u ŋga tara ka olo. Suu ɗegeena asi tokosi dlara vi suu conara ni kasi na ɗow. Suu cona asi hin ɦasi dlara vi suu ɗegeenara ki ni kasi na ɗow may. An di ki lay ana halaŋ ca ni ŋga tara ɦawaa.

EZAYI 41:21

Yawe mul ma vi njaf suu vi Yakobma di ana, agi fuli suu vi njaf suu warnana halaŋ mbaagi aya, dagi ci way magira ay kiyo.

EZAYI 48:8

Gasi daŋ may agi humusi kaɗi. Gasi daŋ may agi ka wasiɗi. Gasi daŋ may ay jew day day humugi ay ka ki maliɗi. An wi ki gasi ana agi ni suu ŋgeŋŋa, ay hu sugi day suuna yagi ana suu ci maɗna.

JEREMI 11:20

Yawe, ma Saɓakŋa Kom Belna, aŋ sa ti mulla u ɗegeerana, aŋ sa wi huu suuna u saarasi layna. An hin wi dlara aŋ hin lasira egesira kay ana an hin tanni hu duk koŋu.

JEREMI 12:6

Gorseŋŋa lay, suu varaŋŋa lay, gasi asi lay gaŋ uŋ kiyo. Gasi asi lay sekeŋ suuna kaŋ bolowo, cukusi kay ceereŋu. Ne taŋ u asiya. Hu li ma asi ɓakaŋ jivira nana.

JEREMI 3:20

Na gasi daŋ may ko ndal cara kaboyna eg njufuɗ, poy u tasira na, agi kaan gii boyna egenu, suu Israelna. Yawe dina.

JEREMI 3:7

An joɓ tan ana, lini ndaɗ li dla ndaɗta ay kiwa halaŋŋi ndaɗ hin hoŋ ay egenu. Na may ndaɗ hoŋ ay ka egenɗi. Wayaɗta, Yuda ta kaboyna, waɗ lay.

JEREMI 32:16

Ŋgoo dagan hu li ma an ɦal magaara gussa maŋ Baruk ma goŋ Neriyana, an cen Yawe dam ana,

JEREMI 5:11

Gasi asi panan u dla cora ɦay. Suu Israelna u suu Yudana lay. Yawe di na.

JEREMI 9:2

Sinisi ni ko ndal gu mbuurura ganira na. Sunda asi laɗ hu mbassara ni kaboyna, ka gasiraɗi. Asi li dla cora kay taɗ na gak gak. May an wanni asi ka wanɗi. Yawe di na.

YOORA 1:18

Nam ɗegee, Yawe, ni kay ana an li ka u gaɗ mambaɗi. Humugi ha halaŋ halaŋ suu mansina. Gologi tiitaanda. Gorɓii mansina u gor njufii mansina tuɗ ki mbaɓura wa.

EZEKIYEL 18:25

Agi hin di ana, Voɗta vi Bu Suunara ka jivi oloɗi. Humugi haa, agi suu Israelna, voɗ manda ka jiviɗi ni ndaɗ na ɗow su? Voɗ magira ka jiviɗi ni ndaɗ na ɗow.

DANYEL 9:14

Yawe vi dla co ndaɗta komu, hin mbaaraɗ ay kamiya, kay Yawe, Loomina, nam ɗegee hu dlaamba nam laɗta bel, may ami humum delem kaɗi.

DANYEL 9:7

Ɗegeera ni maŋ aŋ Bu Suunara, zolona ka kami hu buu namma, kay suu hu Yudana, suu hu Yerusalemma, kay suu Israelna halaŋ, suu tokŋa u suu ha ki dayna lay, kay yam mbassa halaŋ hu li ma aŋ dikisi ha ki kay cora asi laɗ egeŋga.

Magaara Vi Sa Jok Vun Lona OZE 6:7

Asi may ni, ko ndal suuna calaɗ kay vi vunnara na, gola ni boy ma asi gan un ki u namma.

HABAKUK 1:4

Na ɗaŋŋi gaɗta hin heɓ kiyo, sa ma ɗegeena hin ka wi buuna u irimbi. Hu li ma sa ma cona ɓak mamma li ki jivira su ma ɗegeena, ma ɗegeena dlaamba hu buu namma ki bulumiya.

SOFONI 3:5

Yawe ka hu ɦoŋzina, nam li ɗegeera, ka li coɗi. Maɗii tew tew nam ka kaɓakŋa, hu buuna tew tew nam ka li va ma coɗi. May sa ma cona ka wi zolonaɗi.

MALASI 2:17

Agi loɓogi Yawe ki u ɓak magi ma bolowna. Agi di ana, «Ami loɓom ki ni u mege?» Dira agi di ana, «Gegelay ma li cora jivi ii Yawe, nam furi kay suu li ko ndaɗta nana.» Ɗowba agi di ana, «Lo ma min li ɗegeera arage?»

MALASI 3:15

Cecem wanda, agi ndak li furira kay suu li dla cora, suu li dla cora zul ni zuli na ɗow ɗow, li ni asi ganyam Lona, asi hin suɗ ki lay.»

GA 8ATAMBARA 32:4

Nammi Ҥinina, sun mamba halaŋ u voɗoɗu, Voɗ mamba tuɗta halaŋŋi ɗegee. Ni Lo ma ɗegeena, dlara guni ka hurumbi. Nammi gasi u ɗegee.