JEREMI 11:8 - Boy Lonana

⁸ Na may asi hum kaɗi. Asi tin humusi kaɗi lay. Gegelay su vunna ki u yasira eŋga ka haɓbira. Na lay ni an li dlara an ɓakaɗ kay galambara egesiya, ta an ɓakasi ana asi takaɗ ki kiɗikira asi hin takaɗ ka ki kiɗiki lay.»

JEREMI 11:8 Iomraidhean Croise

NEHEMI 9:26

«Na may asi mbuɗ ki honira, li yara u aŋu. Asi noyoŋ gaɗ maŋga ki ŋgoorosi dagan na day, asi ci suu jokoŋ vunuŋ kina, suu neesi ana asi hoŋ egeŋuna kiyo. Asi li suluk ma ŋgolona egeŋ cocoo.

NEHEMI 9:29

Aŋ neesi ana asi hoŋ ay eg gaɗ maŋga lay ni. Asi u yasira eŋga li ni dlaasira, ka hum u gaɗ maŋgaɗi. Asi li sulukŋa eg gaɗ maŋga, sana ndak a li uɗ hin kak iirira. Asi yow jiirisiki kolo na heeŋ, so delesi ki may, ka min humbi.

JEREMI 13:10

Suu may suu co suu ka min a humun boy mannaɗina, tuɗ fok u su vunna, liŋ ki u loogi suu daŋŋa a goɓosira. Asi mbuɗ ki cora ko gandi namma ka jivi oloɗira na.

JEREMI 3:17

Hu li namma ni asi hin yi Yerusalem ana, «Dlamba mulla vi Yawera.» Njaf suuna halaŋ hin hoŋ irisi ay kaɗu kay sem Yawena ma ɦam ki maŋ Yerusalemma. Asi hin ka su vunna u yasira eŋga kal ki na nderaɗi.

JEREMI 31:32

Ndaɗ hin li ki zeɗ u mayra an vaɗ u somoyosi hu li ma an vasi kosi a kalasi ay ki hu mbassa Egiptera. Asi may ni ɓeŋen galam manda kiyo. An may ni ka ni malaŋ zina varasiya. Yawe di na.

JEREMI 32:23

Asi tuɗ hu mbas ndaɗta hin kak huruɗu. Na may asi humuŋ deleŋ kaɗi lay, gaɗ maŋga lay. Asi tuɗ ka uɗɗi. Asi min ka a li dlara aŋ dasi ana asi laɗuraɗi halaŋ. Ni kay ndaɗta aŋ mbaasi dla cora ay kasi halaŋŋi na.

JEREMI 34:14

«Tew ki fun cokira basara kiɗisiyara ni gegelay duk hoŋogi ni hin gi wayam ma Hebre ma gus tam ki komma. Nam hin li mbaɓura fokoŋŋi basara karkiya, ŋgoo dagan aŋ hin gamu.» Na may somoyogi hum boy namma kaɗi, asi hin humusi kaɗi lay.

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

JEREMI 35:17

Na ɗaŋŋi Yawe ma Saɓakŋa, Lona vi suu Israel, ɓak anaba, An hin mba dla cora ay kay suu Yudana u suu hu Yerusalemma u bolowoɗ halaŋ ta an vi kan a lasira egesira. Kay ana an ɓakasi cocoo asi humun kaɗi, an yasi coco lay asi hoŋ dira kaɗi lay.»

JEREMI 38:20

Jeremi dam ana, «Sa hin ka ɦaŋ kiɗi, hum del Yawe u dlara an daŋgara aŋ hin kak jiviya, hin suɗ ki lay.

JEREMI 44:16

«Gasi daŋ may aŋ dami boy namma ni u sem Yawe may, ami ka humuŋgi.

JEREMI 44:17

Ami min li ni dlara ami vi vunumi kaɗ a laɗta. Ŋgalami ɓivunna maŋ mul cara kolo huulonara. Ami hin ɦaɗ mbul ma his jivina ko ami li ay hu ɦoŋzi ma Yerusalemma u ma Yudana na. Ami tamira lay, somoyomi lay, muli mamisina lay, suu ŋgolo mami suu sunda lay. Ko ndaɗta na ami fami fu ma tira um hin ki komi lay. Ami kaki u heɓpa ka wami dla co egemiɗi lay.

JEREMI 44:5

Asi hum kaɗi lay, tin humusi ka a hom kay suluk masinaɗi lay, seŋ ŋgalla ŋgal ɓivunna maŋ loogi suu daŋŋara kaɗi lay.

JEREMI 7:13

Doliɗi ni cecem wanda ko agi li dla co ndaɗta ki halaŋ lay ni, Yawe di na, an ɓakagi tew tew lay agi hum kaɗi ni, an yagi ni agi hoŋon dira kaɗi lay.

JEREMI 7:24

Na may asi hum kaɗi, na lay asi tin humusi kaɗi. Asi li ni dlara u min masirara kay yasira eŋga. Asi hin dlara ɦan hurusira tani ɦanni ŋgorosi na ɗow.

JEREMI 7:26

Na may asi humun kaɗi. Asi tin humusi kaɗi, asi so yasi kiyo. Asi ki suluk su somoyosiya.

EZEKIYEL 20:8

Na may asi hin hoŋ li yara u an na ɗow, ka min a humun vununɗi. Sa min ka a cuk fuli mam suu ay kom asina kiɗi. Asi hin fuli vi suu Egiptena ka kiɗi. An hin di ana an mba kuluɓ yaanda kasiya. An hin takasi yaanda ay ki ni hu mbassa Egiptera gaw.

ZAKARI 1:4

Lagi dlaŋ somoyogiraɗi, asi suu jok vun Lona ay jewna dasi ana, Yawe, ma Saɓakŋa Kom Belna, di ana, hoŋogi ay ɗaŋ, hinigi voɗ magira cora u dlagira cora kiyo, may asi hum kaɗi, tin saarasi ka kanɗi lay, Yawe di na.

ZAKARI 7:11

Na may asi tin humusi ka kay boy nammaɗi. Asi yow pel bikisi koloo, ŋgel humusi ki ka hum boy nammaɗi.