JEREMI 11:7 - Boy Lonana

⁷ An fi tan u somoyogi ay hu buu ma an cukusi ay ki hu mbassa Egiptera day karami, an vi vunun u asiya loɓ ka ki dukgi. Hoŋosi dira tew tew ana, humungi delenu.

JEREMI 11:7 Iomraidhean Croise

2 MULINA 17:13

Yawe ne yam suu Israelna ki coco fun suu jok vun Lona zeɗ zeɗ. Suu Israelna u suu Yudana halaŋ ana, «Humugi u gaɗ manda u gaɗta an dagira ay ki jew maŋ somoyogira, an hin hoŋ dagira magi agi tagira olo, fun suu man suu sununna, suu jok vun Lonana.»

2 DLAŊ MULINARA 36:15

Yawe, Lo ma vi somoyosina, ma hurum oy u minda coco eg suu mamsina u Ziŋ Lonara layna, cukusi suu vun sunda ay egesi bolow zeɗ zeɗ coco a asi mba ɓakasi dlara nam dasira ayra.

KALKIRA 15:26

Nam dasi ana, «Anni Yawe, Loogina. Lini agi hum unu, lini agi li dlara an miniɗta, lini agi vi u gaɗ manda halaŋŋi, an ka tinigi tuguɗira an tiniɗ ay kay suu Egiptena wanda kagiɗi. Kay anni Yawe ma garaɗagi kina.»

JEREMI 11:4

Ta an ɓakaɗ dlaɗ ay maŋ somoyogi hu li ma an cukusi ay ki hu mbassa Egiptera, hu li ma kura cocona. Humungi delenu, takangi dlara an ɓakagirara ki kiɗiki. Na ɗaŋŋi agi hin mbuɗ ki suu mansina may. An hin mbuɗ ki Loogina may.

JEREMI 25:3

Ay hu basara doogo yam hindira vi Josiyas, goŋ Amonna, mul ma Yudana, ta ta hu buu ma tew ki basara dok-mba yam hindira, Yawe ɓakan boy mamma. An ɓakagi seŋ ka dukgi, may agi humun kaɗi.

JEREMI 25:4

Yawe sunugi suu mam suu jokom vunumma ki egegi halaŋ, asi ɓakagi ta ta lay agi hum kaɗi. Agi tin humugi ka a humbi.

JEREMI 31:32

Ndaɗ hin li ki zeɗ u mayra an vaɗ u somoyosi hu li ma an vasi kosi a kalasi ay ki hu mbassa Egiptera. Asi may ni ɓeŋen galam manda kiyo. An may ni ka ni malaŋ zina varasiya. Yawe di na.

JEREMI 32:23

Asi tuɗ hu mbas ndaɗta hin kak huruɗu. Na may asi humuŋ deleŋ kaɗi lay, gaɗ maŋga lay. Asi tuɗ ka uɗɗi. Asi min ka a li dlara aŋ dasi ana asi laɗuraɗi halaŋ. Ni kay ndaɗta aŋ mbaasi dla cora ay kasi halaŋŋi na.

JEREMI 34:14

«Tew ki fun cokira basara kiɗisiyara ni gegelay duk hoŋogi ni hin gi wayam ma Hebre ma gus tam ki komma. Nam hin li mbaɓura fokoŋŋi basara karkiya, ŋgoo dagan aŋ hin gamu.» Na may somoyogi hum boy namma kaɗi, asi hin humusi kaɗi lay.

JEREMI 35:14

Doora Yonadab ma goŋ Rekabma doorogi ki kay sum veŋŋa a camba hiniɗ ka maŋ goryomba asi hum uɗ ɦay. Asi ci sum veŋŋa kaɗi ta ta karami, hummi u gaɗta vi busi ŋgolora. Na may an ɓakagi ta ta lay ni agi humun kaɗi.

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

JEREMI 7:13

Doliɗi ni cecem wanda ko agi li dla co ndaɗta ki halaŋ lay ni, Yawe di na, an ɓakagi tew tew lay agi hum kaɗi ni, an yagi ni agi hoŋon dira kaɗi lay.

Magaara Vi Sa Jok Vun Lona OZE 4:1

Humugi boy ma vi Yawena haa, goryoŋ Israelna. Yawe ka li ɓakŋa u suu hu mbassana, kay ana dlara gasira u minda kaɗi lay, wira wi Lonara ka hu mbassa oloɗi.

Magaara Vi Sa Jok Vun Lona OZE 5:1

Humugi dlara wanda haa, agi muli suu li ɓivunna, tinigi humugi jiviya suu Israelna. Suu vi mulnana tinigi humugi jiviya. Agi ni suu a kaɓakŋa u ɗegeera na, doli ɗaŋŋi agi ni ko ndal daw ma gunum hu ɦoŋzi ma Mispana na, ko ndal bay ma gunum kolo kay yam ɦinira Taborra na.

ZAKARI 1:4

Lagi dlaŋ somoyogiraɗi, asi suu jok vun Lona ay jewna dasi ana, Yawe, ma Saɓakŋa Kom Belna, di ana, hoŋogi ay ɗaŋ, hinigi voɗ magira cora u dlagira cora kiyo, may asi hum kaɗi, tin saarasi ka kanɗi lay, Yawe di na.

EFESNA 4:17

Gola ni va ma an col a dam u sem Bu Suuna poyogi ko suu bay vina tuɗ u saa masira cora na oloɗi.

GA 8ATAMBARA 30:20

Ni u minda min Yawe Looginara, humum vunumu, njun tagi ni egemu. Ni agi hin lak iiriya, buu magina ɦuɗ foko, hu li ma agi hin cuk hu mbassa Yawe vi vunum u somoyogi Abraham, Isaak u Yakob kaɗta.

GA 8ATAMBARA 4:6

Agi gol haɗ ndaɗta jiviya li uɗ may. Ni boy ma hin mbuɗugi neey may, mbeleŋ coco ii suuna mayna, asi hin ɓak kagi ana, «Suu bolow coco asina wanni yal ɦay, asi mbeleŋ coco lay.»

GA 8ATAMBARA 5:29

Lini asi min gasi a lan ndaaranu, a li u gaɗ manda hu buuna tew tew may ni, kay jivi masira kay goryosi lay ha na gak gak.

GA 8ATAMBARA 6:2

Agi lagi ndaa Yawe Lo maŋŋa, agi tagira u goryogiya u gor ŋgologi magisina lay. Kay ana hu buuna halaŋ agi hum u gaɗta, yalna u nera an haɗagira wanda. Kay a buu magina ɦuɗ fok ŋgol kay ndaŋgara may.

GA 8ATAMBARA 8:6

Agi gol gaɗta vi Yawe Looginara jiviya, tuɗugi ni hu voɗ mamba, lam ndaaram may.

2 TESALONIKŊA 3:12

Su asina ami min dasi u sem Bu Suuna Yesu Kristu ana, asi li sunda tew tew a fi tiisina kay tasiya.

1 SAMUEL 8:9

Cecem wanda ɗaŋŋi aŋ humusi vunusiya. Na may na aŋ hinisi bay neesiɗi. Aŋ haɗasi dla mayra mul ma hin kak kasina hin lasira egesira.»