JEREMI 11:13 - Boy Lonana

¹³ «Loogi maŋsina mbuɗ ki bolow coco ko ɦoŋziiŋŋa na lay aŋ Yuda, otel ma li ɓivun ma agi minimma mbuɗ ki zolona lay. Otel ma ŋgal ɓivunna maŋ Baal huna bolow coco ko voɗ maŋga na lay Yerusalem.

JEREMI 11:13 Iomraidhean Croise

2 MULINA 23:13

Josiyas hawaɗ li ma mulna Salomon minim ha kolo kay ɦinira Conora ii dali vok tam u Yerusalem na gay. Li ma teteɗ namma minimmi, loogina gi ciciwra kolo huulonara, maŋ Astart, lo tamara ta cora vi suu Sidonna, maŋ Kemok, lo ma co ma vi suu Moabma u Milkomma, lo ma co ma vi suu Amonna.

2 DLAŊ MULINARA 28:25

Hu ɦoŋzi ma ŋgolna hu mul mambana halaŋ nam min li ma li ɓivunna maŋ loogi suu daŋŋana ha ki huwa a ŋgalasi mbul ma his jivina. Ɓeŋ huu Yawe, Lo ma vi somoyosina, ki u boy namma.

EZAYI 2:8

Mbas masira oy ki u dlara fulina. Asi goɓ ga fok tlesuu asi minisi u kosina, goɓmi fok tlesuu kosi minisina.

JEREMI 11:17

Ni Yawe, ma Saɓakŋa Kom Belna, sa pakŋa mbaak dla cora ay kakŋi kay dla cora suu Israelna u suu Yudana laɗta. Asi li cora egem u ɓivun ma asi ŋgalam maŋ Baalna.

JEREMI 17:1

Cora vi suu Yudana ki kaŋga ɓiiri u kawina, ki saɓak cocoo. Ndaɗ ki ɓiiri hurusi kurufu u vun kawi ma eŋŋa, ki kolo kay otel masi ma li ɓivunna lay.

JEREMI 18:15

Suu mansina maaran kiyo, tuɗ ŋgal ɓivunna ki maŋ suu sunusi kaɗina, suu daɓasi sesi eg guna hu voɗta lay, hu voɗta vi somoyosi ta jew dayra. Asi tli voɗ ndaɗta may, voɗ mayra huruɗ ka jiviɗira.

JEREMI 19:4

Hu li ma asi noyon ki may, asi ɓeŋ li namma ki u ɓivun ma ŋgalam maŋ loogi suu daŋ suu loɓ tasi ay ka kasiɗi lay, ka kay somoyosiɗi lay, ka kay muli suu Yudanaɗi layna. Asi oy li namma ki u busu kem gorira li va kaɗira.

JEREMI 19:5

Asi mbu lina kolo maŋ Baal a ŋgal goryosi ki a ɓivunna maŋ Baal u kura huwa. Dla ndaɗta an ɓiiriɗ kaɗi, an ɓakaɗ kaɗi lay, saa ndaɗta mba ka kanɗi lay.

JEREMI 2:28

Loogi suu minisi u konana ni arage? Asi col kolo li ni asi ndak a suɗuk hu li ma ndak ki hahawrana, kay ana loogi maksina mbuɗ ki bolow coco ko ɦoŋziikŋa na ndak Yuda.

JEREMI 3:24

Na may zolo ma ay kaygi u goora day na taygi sunda vi somoyoygira kiyo, yoori masi suu gorina u suu ŋgolona lay, goryosi suu njufiina u gorɓiina lay.

JEREMI 3:25

Kakaygi kaŋga u zolo maygina. Nam su ki kaya. Gasi daŋ may aygi li co eg Yawe, Looygina. Somoyoygi lay, aygi lay ay hu goryoygi day ta ta karami aygi humuygi del Yawe, Looygina, kaɗi.

JEREMI 32:35

Asi min otel ma li ɓivunna maŋ Baalna ki hu huɗugumba Ben-Hinnomba a hin ŋgaɗ goryosi suu njufiina u gorɓiina ki maŋ Molek, ŋgalasi ki duk kura, dla ndaɗta aŋ joɓoɗ kaɗi, saara nara ka kan a li dla cora ko wanda na a viɗ Yuda kiɗi.»

JEREMI 44:21

«Ɓivun ma agi ŋgalam hu ɦoŋzi ma Yudana, hu voɗta Yerusalembana agi tagira, somoyogiya, muli magisina, suu ŋgolo magi suu sunda, suu magi suu ɦizina. Ka ni dlara Yawe gi humba kaɗtaɗi su? Boy namma humum gam ay kammi nambi su?

JEREMI 44:5

Asi hum kaɗi lay, tin humusi ka a hom kay suluk masinaɗi lay, seŋ ŋgalla ŋgal ɓivunna maŋ loogi suu daŋŋara kaɗi lay.

JEREMI 48:35

An bulum Moab ki wa, Yawe di na. Suu ki kolo kay lii mbuyna li ɓivun ma ŋgalam ki ŋgalina, ɦal tlena ɦalla ɦawara maŋ loogi masi suu ɦawanana ki lay.

JEREMI 7:9

Na ni agi ndak a li dlara kulna su? Dlara ci maɗna, dlara zoŋga, suurugi suura bay uɗta, ɓivun ma ŋgalam ki maŋ Baalna su? Liŋigi kay cee loogi suu daŋ suu ka saa kagiɗina su?

EZEKIYEL 16:24

Ndak min ziginina ay a li dlara zoŋga, mbu li ma kolo dayna kay a goɓ loogi suu ɦawana ki hu li ma tokka halaŋ.

Magaara Vi Sa Jok Vun Lona OZE 10:1

Israel gugutlu mayra mbiira ɦayra, vuɗ coco ɦay lay. Vuɗuɗ zul ha fok zuli na ɗow ɗow may, ndaɗ zul otel ma li ɓivunna zuli na ɗow ɗow may. Ndaŋga maɗta li tlena coco may, ndaɗ zul gogoyra ceɗta zuli na ɗow ɗow.

Magaara Vi Sa Jok Vun Lona OZE 12:11

An hin ɓak u suu jok vun Lona, an hin tak tlena ki ii suuna cocoo. An hin ɓakagi ndal boy manna ki fun suu jok vun Lona.

Magaara Vi Sa Jok Vun Lona OZE 9:10

An fi Israel ni ko ndal vuɗ gugutlu ma ay ki bagi hu fullana na, ko ndal vuɗ tulum ma famma kolo humum jewna na, an wagi somoyogiya. Asi may ni mba hu Baal Peor mbuɗ tasi ki zolona ni na gaw, asi mbuɗ ki ni suu cona ko ndal va hurusi minimma na.