JEREMI 11:11 - Boy Lonana

¹¹ Na ɗaŋŋi, Yawe ɓak anaba, an hin mbaasi dla cora ay kasiya, asi hin ka ndak a taɗ tasi kiɗi. Asi hin yan ay ana an mbay njunusiya, an hin ka humusiɗi.

JEREMI 11:11 Iomraidhean Croise

2 MULINA 22:16

Yawe di ana, An hin mbaa yoora kay li namma, kay suu cuki hu li nammana lay. Li dla mayra hu magaara gaɗta ta mul ma Yudana ndumuɗ wanda ki halaŋ.

2 DLAŊ MULINARA 34:24

Yawe ana an hin mbaa dlara yoora ay kay li namma kay suu hu zi nammana lay, a li ki u givun ma ka hu magaara gaɗta ta agi ndumuɗ fok mulna wandara halaŋ.

JOB 35:13

Asi di ni boy ma um kaɗina, ni ma Lona ka humumbina. Ma Saɓakŋa ka vi boy nammaɗi.

SOOLLA 18:41

Suu babali mansina mbuɗ zakaɗasi ki fokon halaŋ, an daɓ suu gonok mansina ki wa.

SOOLLA 66:18

Lini an saa ginni coo ni, Bu Suuna ka humunɗi.

VUN ŊGOLNA 1:28

Asi hin yan lay ni an ka humusiɗi, asi hin halan lay ni, ka fanɗi lay.

VUN ŊGOLNA 29:1

Sa ma so yam ki na so ka hum gaɗta vi saɗina, hin pukŋi cemcem, ka col oloɗi lay.

EZAYI 1:15

Hu li ma agi yow kogi kolo a cenda ni an baa irin kiyo, agi zul cenda coco lay ni an ka humbi. Kogi oyra ni u busuna.

EZAYI 24:17

Agi suu kay ndaŋgarana halaŋ, ndaana, zulla, bayna ka guni fokogiya.

JEREMI 11:14

«Aŋu, tli dlaŋ suu asinara kaŋgi. Yoo taŋ kasiɗi lay, cen kasiɗi lay, kay ana hu li ma asi hin yan an hin ka humbi, hu li ma hahawra mba kasina.»

JEREMI 11:17

Ni Yawe, ma Saɓakŋa Kom Belna, sa pakŋa mbaak dla cora ay kakŋi kay dla cora suu Israelna u suu Yudana laɗta. Asi li cora egem u ɓivun ma asi ŋgalam maŋ Baalna.

JEREMI 14:12

Lini asi li laara lay, an ka humusi tii masinaɗi. Lini asi lan ɓivun ma ŋgalam kina u ma ɦawana lay ni, tle asina hurun ka vasiɗi. An hin casi ki u ŋgewra u baktara u tuguɗi bora.»

JEREMI 14:2

Yuda ka tiira, ɦoŋziiɗna ɓeŋ ki wa, nam mbuɗ ki ndufunda, ndaɗ ki kaki kaŋgaa, col ki kolo. Yerusalem tiira.

JEREMI 15:2

Lini asi joɓoŋ anaba, «Ami tuɗ ni arage?» Ni aŋ hoŋosi dira anaba, «Yawe ɓak ana, Maŋ maɗna, sa ki maŋ maɗna na. Maŋ ŋgewra, sa ki maŋ ŋgewra na. Maŋ mayra, sa ki maŋ mayra na. Maŋ mbaɓura, sa ki maŋ mbaɓura na.»

JEREMI 18:11

Cecem wanda aŋ tuɗ di suu Yudana u suu Yerusalemma, Yawe ɓak ana, «An hin tinigi dla cora kagiya. An hin faɗ vun dlaanda ki egegiya. Gegelay hom dla coomba ki gasi, mbuɗugi tuɗ magira jiviya, mbuɗugi dlaagira agi laɗta ki jiviya.»

JEREMI 19:15

Na ɗaŋŋi Yawe, ma Saɓakŋa Kom Belna, Lona vi Israel ɓak anaba, an hin mbaa suuna ay kay ɦoŋzi namma, kay suu ŋguy kamma lay dla cora an min a laɗ egesira kay ana asi so delesi kiyo, ka min humun boy mannaɗi.

JEREMI 19:3

Aŋ dasi ana, humugi boy ma vi Yawena haa, muli suu Yudana u suu Yerusalemma. Yawe, ma Saɓakŋa Kom Belna, Lona vi Israel, di anaba, «An hin mbaa dla cora ay hu li namma, gegelay ma hum dla ndaɗta na humma hin viɗ kiyo.

JEREMI 23:12

Na ɗaŋŋi voɗ masira mbuɗ ki goloɓoɗta. Asi viɗ tasi ki duk li ma ndufunna. Asi puk kaŋgaa. An mbaasi dla cora ay kasi hu basara asi hin ɓak dlaasira kira. Di na ni Yawe.

JEREMI 25:35

Li ma ŋgayra ka kay suu taa suuna oloɗi. Li ma koɗ tara ka kay suu malayaŋ yoorina oloɗi.

JEREMI 35:17

Na ɗaŋŋi Yawe ma Saɓakŋa, Lona vi suu Israel, ɓak anaba, An hin mba dla cora ay kay suu Yudana u suu hu Yerusalemma u bolowoɗ halaŋ ta an vi kan a lasira egesira. Kay ana an ɓakasi cocoo asi humun kaɗi, an yasi coco lay asi hoŋ dira kaɗi lay.»

JEREMI 36:31

An hin li yara u namu, u suu mam suu sunda lay, u njafam lay kay maɗ ma asi camma, an hin cukusi suu hu Yerusalemma ay kasi u suu Yudana, dla cora an di ana an lasira egesira halaŋ kay asi humun kadi.»

JEREMI 6:19

Ndaŋgara hum haa, an hin mba dlara hahawra ay kay suuna, ni vuɗ dlaasira cora. Asi ka gol tasi jivi kay dlaandaɗi. Gaɗ manda asi ka li uɗɗi lay.

YOORA 2:22

Aŋ hin yi suuna ko ndal hu buu ma luuna na. Suu ŋguy kan mbuɗun ndaanana, hu buu ma yara vi Yawena sa hin ka hin iiriɗi, ka suɗɗi lay. Suu an haɗasina, wulusina, sa babali manna daɓasi kiyo.

EZEKIYEL 14:3

«Goŋ sanna, suu asina fokoŋ ca ni fuli masisina vi hurusi kurufuwa. Asi gi ki fokosi ni va ma daɓasi sesi a asi li cora na. Na ni an hin a hin tan a asi joɓon gasi may su?

EZEKIYEL 7:5

Bu Suuna, Yawe, di ana, «Hahawra sa waɗ ka ɦoyɗira, hahawra ŋgola ka mbaya.

EZEKIYEL 8:18

An may ni hin li dlara ni u hurun ma ki ɓeŋina. An ka wi hahaw saɗi. An hinni hahaw sa ka irin oloɗi. Asi hin tiira, may ni an ka humusi tii masi nammaɗi.»

AMOS 5:19

Ni ko ndal sa warna liŋ ki ko dlonara na, bosokona hin ŋgafamu. Nam kal vo varam kal ni ɦek kom ay eg gulumunnara na, nam guyna eɗem may.

MISE 3:4

Hu li ma asi hin tii ha eg Yawena nam hin ka hoŋosi diraɗi, nam hin ŋgay tam ki irisi hu li namma, kay suluk ma asi lamma.»

ZAKARI 7:13

Ni na may Yawe, ma Saɓakŋa Kom Belna, di ana, «An yasiya, asi humun kaɗi. Ni na may asi yan wanni an humusi kaɗi may.

1 TESALONIKŊA 5:3

Hu li ma suuna mbuɗ di ana heɓpa kaa, ya ka oloɗina ni, buu ma ɓalakka hin mba kasina, ni ko ndal cara huruɗ taɗ a vuɗta na li ma asi suɗ ki hurum kaɗi.

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.