JEREMI 11:10 - Boy Lonana

¹⁰ Asi hoŋ tasi ki hu suluk ma vi somoyosi ma ka min a humun boy mannaɗina. Asi may ɗaŋŋi liŋ tuɗ ki u loogi suu daŋŋa a goɓosiya. Suu Yudana u suu Yerusalemma may ni buɗ galamba an vaɗ u somoyosira kiyo.

JEREMI 11:10 Iomraidhean Croise

SOOLLA 78:57

Asi ɦuɗ tasi ki eg Lona day ko somoyosi li ay jewra na may, asi hoŋ ki dagan ko mbuurura suuna munuɗ ha kira na.

EZAYI 24:5

Ndaŋgara mbuɗ ki njenjera ni ko sem suu ka tuɗ kaɗna kay asi ŋgel gaɗta, asi mbuɗ gaɗta ɦasirara ki zeɗ, asi bus galam mayra din din u Lonara kiyo.

JEREMI 13:10

Suu may suu co suu ka min a humun boy mannaɗina, tuɗ fok u su vunna, liŋ ki u loogi suu daŋŋa a goɓosira. Asi mbuɗ ki cora ko gandi namma ka jivi oloɗira na.

JEREMI 17:23

Asi may ni hum kaɗi, tin humusi kaɗi lay. Asi so delesi ki eŋga ka min a humbi lay, ka vi u gaɗtaɗi lay.

JEREMI 22:9

Asi hin hoŋdira ana, «Ni kay noyra asi noy galamba duk tasi u Yawe Loosina kiyo tuɗ goɓ kaŋga fok loogi suu daŋŋa lasi ɓivunna mayra.»

JEREMI 31:32

Ndaɗ hin li ki zeɗ u mayra an vaɗ u somoyosi hu li ma an vasi kosi a kalasi ay ki hu mbassa Egiptera. Asi may ni ɓeŋen galam manda kiyo. An may ni ka ni malaŋ zina varasiya. Yawe di na.

JEREMI 44:16

«Gasi daŋ may aŋ dami boy namma ni u sem Yawe may, ami ka humuŋgi.

JEREMI 44:5

Asi hum kaɗi lay, tin humusi ka a hom kay suluk masinaɗi lay, seŋ ŋgalla ŋgal ɓivunna maŋ loogi suu daŋŋara kaɗi lay.

JEREMI 7:28

Aŋ dasi ɗaŋ, gologiya, suu ka hum vun Yawe, Loosinaɗina, ka li u gaɗ mambaɗina, gasira viɗ ki wa, ndaɗ bulum ki funusi wa.

JEREMI 9:6

Na ɗaŋŋi Yawe, ma Saɓakŋa Kom Belna, ɓak anaba. An hin yoorosi kiyo, hin saa kasiya. Aa, an a kaɓakŋa ni kay dla cora vi suu mansinara.

EZEKIYEL 16:59

«Bu Suuna, Yawe, di ana, an hin lakŋi ko ndak lira na may. Ndak gol dla mayra givunna ka jiviɗi, bulum galamba an vaɗ u ndakka kiyo.

EZEKIYEL 44:7

Agi cukugi koyogi suu ɗiwisi bay cawra kalafi hu Ziinda mbuɗungi Ziinda ki njenjera. Agi ɦangi tiinna, mbulna u busuna kiyo ana, galam manda u agira ɓalak kiyo. Ni u dla coogira agi laɗ zeɗ zeɗta.

EZEKIYEL 5:6

Cemi ni Yerusalem hin ci wayra u dlara an daɗta. Li dla cora su njaf suu may suu ɦawana, ŋgelen gaɗ manda su mbassa daŋga ŋguy kaɗta. Asi hinin dlara an daɗta kiyo, tuɗ ka u gaɗ manda ɗegeeɗi.

Magaara Vi Sa Jok Vun Lona OZE 6:4

An hin laŋŋi nanage, Efrayim? An hin laŋŋi nanage Yuda? Min magira ni ko ndal ɗugulla maɗiira na, ko ndal mbaɗagira jakka na.

Magaara Vi Sa Jok Vun Lona OZE 6:7

Asi may ni, ko ndal suuna calaɗ kay vi vunnara na, gola ni boy ma asi gan un ki u namma.

Magaara Vi Sa Jok Vun Lona OZE 7:16

Li ni asi hoŋ aya ni, ka hoŋ ay ni egenɗi, asi ni ko ndal gu mbuurura eŋeɗ kaɗira na. Muli masisina hin casi ki u ŋgewra, ni kay dla cora vunusi daɗta, asi hin san usi hu mbassa Egiptera.

DLAŊ LEVIRA 26:15

lini agi noyon gaɗ manda kiyo, lini agi ka min a li u kaɓak mannaɗi, lini agi hin dlara an miniɗta ki wa ni, kay ndaɗta agi bulum galam manda an vaɗ u agira ki wa.

SOFONI 1:6

An hin bulum suu ɦal ŋgorosi maŋ Yawe ka pereɗ irisi ay egembi layna kiyo, ka halambina, ka joɓom va kombi layna.

ZAKARI 1:4

Lagi dlaŋ somoyogiraɗi, asi suu jok vun Lona ay jewna dasi ana, Yawe, ma Saɓakŋa Kom Belna, di ana, hoŋogi ay ɗaŋ, hinigi voɗ magira cora u dlagira cora kiyo, may asi hum kaɗi, tin saarasi ka kanɗi lay, Yawe di na.

ZAKARI 7:11

Na may asi tin humusi ka kay boy nammaɗi. Asi yow pel bikisi koloo, ŋgel humusi ki ka hum boy nammaɗi.

ZAKARI 7:13

Ni na may Yawe, ma Saɓakŋa Kom Belna, di ana, «An yasiya, asi humun kaɗi. Ni na may asi yan wanni an humusi kaɗi may.

GA 8ATAMBARA 31:16

Yawe di Moiz ana, «Gola cemi ni aŋ hin buu ni ga u somoyoŋu, suu asina ca ni hin gi ni jaŋ li dlara gawlaŋŋa, hin tuɗ ki ni u loogi suu vi suu koyogi suu ka hu mbas ndaɗta wanna suu asi hin cuk ha dukusina, asi hin noyon kiyo, hin bulumun galam manda u asira kiyo.

GA 8ATAMBARA 9:7

Humugi maa kiɗi, humugi mba gagi ana, agi ɓeŋ huu Yawe Loogina ay ŋgoo bagi hu fulla, col ay hu buu ma agi cuk ay ki hu mbassa Egiptera day ta ta hu li ma agi mba tanina, agi ay ni suu gonokka u Yawena.

HEBRENA 8:9

Galamba ndaɗta hin ka a li ko mayra an vaɗ u somoyosira naɗi, hu li ma an taɗasi ay ki a hin ndaŋgara Egipte kina. Asi min vi ka u galamba an vaɗ u asiraɗi, Bu Suuna di ana an ka yoo tan kasiɗi.

SUU KAƁAKŊA 2:11

Suu Israelna li dlara ka ii Yawe jiviɗira, asi gijaŋ a sunni Baalgina.

SUU KAƁAKŊA 2:17

Suu masi suu kaɓakŋa lay ni asi ka humusi vunusiɗi, kay asi tin irisi ki ni u loogi suu ɦawana na ɗow, goɓosi ni asiya. Asi viɗ tasi ki na zak, hin voɗta somoyosi tlaɗta kiyo. Somoyosi hum ay ni gaɗta vi Yawera. Asi may ni ka min a li ko asi naɗi.

SUU KAƁAKŊA 2:19

Na may hu li ma sa ma kaɓakŋa namma miɗ ki wa ni asi hoŋ hu dlaasira cora gaw, co sura vi somoyosira olo. Asi tuɗ irisi u loogi suu ɦawana sunusi lay, goɓ ga fokosi lay. Hu poy masira ni va ma asi saŋam ka na dewɗi.

1 SAMUEL 15:11

«An hom kay dlara an mbuɗ Sol ki mulnara kay ana nam noyon ki, van boy manna ka kambi.» Samuel hahawra vamu, nam yi Yawe kolo u delem eŋga njeŋgee.