JEREMI 10:6 - Boy Lonana

⁶ Sa ko ndal aŋ na kaɗi, Yawe. Aŋ ŋgolo, seŋ ŋgolo u saɓakam may.

JEREMI 10:6 Iomraidhean Croise

2 SAMUEL 7:22

Olo aŋ ŋgolo, Bu Suuna Yawe, sa ma ko aŋ na kaɗi. Lo ma ko aŋ na kaɗi, ni aŋ na dew daŋ u tlesuu ami humusi u hum tamira wanna.

1 DLAŊ MULINARA 16:25

Kay ana Yawe ŋgolo, ndaki a suuna geleɗemu, nam saɓak cocoo, ŋgol suu loogi suu daŋŋa halaŋ.

NEHEMI 4:14

Hu li ma agi hum del tokolomma wa ni, tokogi tagi ay egen tani. Looygina hin duu kaygiya.»

NEHEMI 9:32

«Cecem wanda Loomina, Lo ma ŋgolna, ma saɓak ma suuna lam ndaaramma, ma tuɗ u galamba fok u ɗegeerana, aŋ gol dlara mba egemira iriŋ ko dlara goora naɗi, eg muli mamisina lay, eg suu malayaŋ ziimina lay, eg muli mami suu li ɓivunna lay, eg suu mami suu jok vunnana lay, eg somoyomi lay, eg suu maŋsina halaŋ col ay eg muli suu Asirina day ta ta karami.

SOOLLA 145:3

Yawe nam ŋgol cocoo, ndaki kay a sa ŋgaamu, ŋgol mamba su ki kay suu warna.

SOOLLA 147:5

Bu Suuna maygina nam ŋgol cocoo, saɓak ɦay lay, neemba ka daɓ kiɗi.

SOOLLA 35:10

Tanda halaŋ ka di ana, «Yawe, sa ma ko aŋ nana ni gege? Aŋ suɗ sana ki ko ndaram ma saɓak suumma, suɗum ki ko suu hal a yowom tlegeyem kina.»

SOOLLA 48:1

Soolla vi goryoŋ Korena.

SOOLLA 96:4

Kay Yawe dlam ŋgol cocoo, ndaki a sa ŋgaam daŋ may, nam ŋgolo, su kay loogi suu daŋŋa halaŋ.

KALKIRA 15:11

Yawe, duk loogina halaŋ ma ko ndal aŋ nana ni gege? Sa ma ki teteɗ ko aŋ nana ni gege? Ma ndaki a li dlara mbuɗ mbuɗta nana ni gege?

KALKIRA 8:10

Asi yow maɗ luuna ha ki ni na yow yow, mbassa Egiptera halaŋ mbuɗ his cocoo.

KALKIRA 9:14

Kay wanda ni an sun dla cora ay ni kaŋ taŋga may, kay suu sun maŋsina may kay suu maŋsina halaŋ lay. Kay a aŋ wi ki ana sa ma ko ndal an na ka ga kay ndaŋgara taniɗi.

EZAYI 12:6

Gagi soolla furira agi suu cuki hu Siyonna, kay ma teteɗ ma vi suu Israelna nam ŋgol cocoo, nam ka dukugiya.

EZAYI 40:18

Agi hin ŋga Lona ko tammi u mege? Va ma agi colom a tli tam u Lonana ni mege?

EZAYI 40:25

Lona di ana, agi hin ŋgaan fun tanni u mege? An tli tanni u mege?

EZAYI 46:5

Agi hin ŋgaanni u gege? An tli tanni u ge daŋge? Sa ma tli tam ko ndal an nana ni gege?

EZAYI 46:9

Humugi gagi kay dlara li ay ki fok jewra. Na daŋ may an ni Lona, Lo ma daŋ kaɗi. Va ma ŋgaa ko tam u an Lona kaɗi, tlena halaŋ ki ni ɦawaa.

JEREMI 10:16

Sa li jivira maŋ Yakobma ka naɗi. Nammi sa li tlena halaŋŋa. Israel ni deera hin yowom joomba. Yawe, ma Saɓakŋa Kom Belna, ni semu.

JEREMI 32:18

Aŋ sa li oora kay njaf suuna bubma, may aŋ hin warak suluk ma vi somoyoŋ gorrana ki kay goryosiya, Lo ma ŋgolna, ma saɓakŋa ma duuna. Yawe, ma Saɓakŋa Kom Belna, ni semu.

DANYEL 4:3

An ɦal voɗta ana mbaan suu wi dlara hu Babilonna ay fokon halaŋ, a asi buɗun u doy ndaɗta kiyo.

DANYEL 4:34

Cecem wanda, an Nabukodonosor, an ŋgaamu, yam semu, goɓ mi Mul ma Kolo Huulonana, kay ana sun mamba halaŋŋi gasira, dlaamba halaŋŋi ɗegeera, nam hin hoŋ suu ŋga tasi ŋgayina ki kaŋgaa.»

MALASI 1:11

Kay ana col ay maɗii day ta ta tew u fiɗigina ni anni ma ŋgolna duk suuna. Hu lina halaŋ li ɓivun ma ŋgal tlena ni u senu, u tlesuu jivi suu ɦasi ayna, kay ana anni ma ŋgolna duk suuna, Yawe, ma Saɓakŋa Kom Belna, di na.

1 KORINTNA 8:6

Irigi aygi ni ay wi ana Lona ni dew, Buy ma li tlena belna, aygi kak iiri ni um nam lay, Bu Suuna ni dew, Yesu Kristu tlena halaŋ ka ni kom namu, aygi kak iiri ni um lay.

GA 8ATAMBARA 32:31

Suu duu asina lay wi ki ana fuli masina ka saɓakgi. Asi ka ko ndal Lo ma vi suu Israelna naɗi.

GA 8ATAMBARA 33:26

Sa ma tli tam ko Lona na kaɗi. Nammi sa ma ka njunugina. Nammi sa ma calaɗ huu lona aya mba kay ɗugulla lay ni u saɓak mamma.