JEREMI 10:16 - Boy Lonana

¹⁶ Sa li jivira maŋ Yakobma ka naɗi. Nammi sa li tlena halaŋŋa. Israel ni deera hin yowom joomba. Yawe, ma Saɓakŋa Kom Belna, ni semu.

JEREMI 10:16 Iomraidhean Croise

SOOLLA 119:57

Yawe, dlaanda an daɗ kiwa ni kay a li u boy maŋara.

SOOLLA 135:4

Kay Yawe man Yakob ni namu, suu Israelna ni suu mamsina.

SOOLLA 142:5

Gol iriŋ bik njufu, sa ma wan ay kaɗi, li ma an ŋgay tan hu kaɗi, sa ma caa yam kay iiri manda kaɗi lay.

SOOLLA 33:6

Yawe li huulona ni u boy mamma, u tlesuu huulona halaŋŋi u Musuk ma kal ay ki funumma.

SOOLLA 73:26

Lini tan mbuɗ maŋi lay, hurun mbuɗ maŋi lay, aŋ, Lona, ni saɓakanu, ni vaan ma an famma.

SOOLLA 74:2

Gi humuŋ ay kay suu maŋ suu aŋ manasi ay ki fok jew dayna, njaf suu aŋ mbuɗusi ki a maŋsinana, ɦinira Siyon ta aŋ cuk ziiŋ kaɗta.

KALKIRA 19:5

Wan dara ni lini agi humun delenu, li u galam manda an vaɗ u agira may ni, duk suuna halaŋ agi hin kini a suu mansina. Kay ana ndaŋgara halaŋŋi varanu.

KALKIRA 34:9

Nam di ana, «Lini an fi gasi jivira iriŋ wa ni ɦii, Bu Suuna, tuɗ ay dukumiya, kay suuna ca ni yasi eŋ cocoo. Na may aŋ bulumumi dla coomira kiyo. Aŋ mbuɗumi ki a suu maŋsina.»

VUN ŊGOLNA 16:4

Yawe li dlaamba halaŋŋi u min mamba. Hu buu ma hahawra vi suu cona lay.

EZAYI 19:25

Asi hin yi sem Yawe, ma Saɓakŋa Kom Belna, ana, «Gi deɓ Egipte suu mansina, Asiri ni sunda an laɗ u bik konda, Israel ni suu mansina.»

EZAYI 45:7

An li kiɗikka ni anu, ndufunda laɗ ni an lay. An mba furira, hin mba hahawra ni an lay. An Yawe li dla ndaɗta halaŋŋi anu.

EZAYI 47:4

Sa ma buɗumi ay kina sem ana Yawe, ma Saɓakŋa Kom Belna, ma Teteɗ ma vi suu Israelna.

EZAYI 47:6

An hurun ɓeŋ ay eg suu mansina, An mbuɗ suu mansina ki zolona. An hiniŋsina ki aŋ lasasiya. Aŋ wasi hahawasi ka na ndeɗi lay. Aŋ las suu maarina lay, golosi kaɗi.

EZAYI 51:15

Anni Yawe, Looŋŋa, anni sa ma sulul mbo lum ŋgolna ay kolona, sen ana Yawe, ma Saɓakŋa Kom Belna.

EZAYI 54:5

Kay sa ma mbuɗ tam a njufukŋa sem ana Yawe, ma Saɓakŋa Kom Belna, ma Teteɗ ma vi suu Israelna, ni sa ma buɗuŋ ay kina. Yam ana, Lo ma kay ndaŋgara belna.

JEREMI 10:12

Sa ma li ndaŋgara u saɓak mammana, ma min duliyara u yal mammana, ma u wiimba li huulona mayna,

JEREMI 10:6

Sa ko ndal aŋ na kaɗi, Yawe. Aŋ ŋgolo, seŋ ŋgolo u saɓakam may.

JEREMI 31:35

Yawe ma tin faɗta a ɓo lina faalina, tilna u ciciwra u gaɗ masira kay a ɓo lina njeŋgera, ma pereɗ mbo lum ma ŋgolna irim kolona, ni bil mbo lum ma ŋgolna, ɓak ana, «Yawe, ma Saɓakŋa Kom Belna ni senu.»

JEREMI 32:18

Aŋ sa li oora kay njaf suuna bubma, may aŋ hin warak suluk ma vi somoyoŋ gorrana ki kay goryosiya, Lo ma ŋgolna, ma saɓakŋa ma duuna. Yawe, ma Saɓakŋa Kom Belna, ni semu.

JEREMI 33:2

Na ɗaŋŋi Yawe ma li tlena, Yawe ma minisi asi col eŋgana, sem ana Yawe.

JEREMI 46:18

An ka iiriya, mul ma sem ana Yawe ma Saɓakŋa kom Belna. Ko ndal ɦinira yaɗ ana Tabora duk ɦinira na, ko ndal Karmel duk mbo lum ma ŋgolnara na an hin mbaya.

JEREMI 50:34

Na may sa njun kasina saɓak cocoo, Yawe ma Saɓakŋa kom Belna, ni semu. Nam li yara kay dlaasira cocoo a mbassa hoŋ fi heɓpara a hin viɗ suu Babilonna kira.

JEREMI 51:19

Begera vi suu Israelna ka ni ko asi naɗi. Nammi sa li tlena belna, Israel ni mbassa hu joommara, Yawe ma Saɓakŋa Kom Belna, ni semu.

YOORA 3:24

An joɓ tan ana va konna ni Yawe. Ni kay ndaɗta an hin tin hurunni kamu.

AMOS 4:13

Na ɗaŋŋi gola, sa min ɦinirana, sa li semeɗnana, sa ka tak dlara maŋ sa warna a nam laɗta, sa hu li ma ndufunna nam li kiɗikka layna, sa tuɗ kolo kay lii mbuy ma kay ndaŋgarana, nam yi sem ana Yawe, Lo ma Saɓakŋa.

ZAKARI 2:12

Yawe, ma Saɓakŋa Kom Belna, ma sunun ay u saɓakŋa kay suu ɦurumugi kina, ɓak ana, gasi sa ŋgenegina, ŋgenenni wawal irinu.

GA 8ATAMBARA 32:9

Yawe man suu Israelna ki ni a suu mamsina nam ka golosiya, Yakob ki ni a joomma.