JEREMI 10:10 - Boy Lonana

¹⁰ Na may Yawe Lona ni gasira, nammi Lo ma iirina, mulna a fafaɗta. Hu li ma hurum mbuɗ yara wa ni ndaŋgara dlakka, suuna ka ndak a col fok yaambaɗi.

JEREMI 10:10 Iomraidhean Croise

URA TIN AYRA 21:33

Abraham pi gu cinda hu Berseba. Hu li namma Abraham gijaŋ cen u sem Yawe, Lo ma Dindinna.

1 MULINA 18:39

Suuna halaŋ wi na ni, goɓ ki kaŋga u vun givisi halaŋ halaŋ di ana, «Yawe ni Lona, Yawe ni Lona.»

1 MULINA 8:60

Ni suuna halaŋ hin wi ki ana Bu Suuna ni Lona, ni nam dew. Lo ma daŋ kaɗi.

1 DLAŊ MULINARA 29:11

Ŋgolla, saɓakŋa, bibiŋilla, mulla ni maŋ aŋ Yawe kay ana tlesuu huulonana halaŋ, tlesuu kay ndaŋgarana halaŋŋi maŋsina. Mulla u ŋgolla kay suuna halaŋga ni maŋ aŋ, Yawe.

2 DLAŊ MULINARA 15:3

Basara ŋgol coco suu Israelna ka wi Lo ma gasinaɗi, ka min a haɗambi lay, gaɗ kaɗi lay.

JOB 9:6

Nam geŋeɗ ndaŋgara hu liiɗ ma ndaɗ tini huna, uɗ mayra ay ŋgaari ga eŋga geŋeɗ ki bel bel.

SOOLLA 10:16

Yawe ni mulna a fafaɗta, suu bay vina sa ha ka egem oloɗi.

SOOLLA 100:3

Wagi ki ana Yawe ni Lona. Nam laygi ni namu, aygi ni mamu, suu mamsina ni yoori suu ka hu katlaŋ mambana.

SOOLLA 100:5

Kay Yawe nam jiviya, ɗegee mamba ka ni tew tew, gasi mamba ka din din a fafaɗta.

SOOLLA 104:32

Nam gol ndaŋgara na ni ndaɗ dlaka, nam ŋgen ɦinira wa ni ndaɗ ŋgal kiyo.

SOOLLA 114:7

Ndaŋgara, dlak fok Bu Suuna kay nam ka tuɗ aya, fok Lo ma vi Yakobma,

SOOLLA 145:13

Mul maŋga ni mulla din dinda, mul maŋga ka ni hu basara basara halaŋ. Lona ni gasira, ɗegee hu sun mamba halaŋ.

SOOLLA 146:6

Nammi sa ma li huulona u ndaŋgarana, li mbo lum ŋgolna u tlesuu dukumma halaŋ, nammi ma din dinna, ni ma ka gol gasirana.

SOOLLA 18:7

Hu yoo manda ni an yi Yawe, an sawalla kolo eg Lo manna. Ay hu ziimba day nam humun delenu, tii manna tew egemu cuk hurum wa.

SOOLLA 29:10

Yawe kak mulna kay mbo lumma, Yawe ni mul ma din dinna.

SOOLLA 31:5

Aŋ fuɗun ki ko bay ma guni fokonna, kay saɓak manna col ay ni koŋu.

SOOLLA 42:2

Ko ndal dukka na an mbuɗ irin hal li ma yona ka huna, ni na may, iiri manda hoŋ iriɗ egeŋu, Loonna.

SOOLLA 68:11

Mbassa asi ka cuki kaɗ wanda ni maŋga, aŋ Lona miniɗ ni aŋu, u jivi maŋga aŋ miniɗ maŋ suu wi hawra.

SOOLLA 68:8

Lona, hu li ma aŋ kal ki fok suu maŋsina, hu li ma aŋ ka tuɗ ŋgoo hu fulla,

SOOLLA 74:12

Aŋ Lona ni mul manna ay hu jewra day, aŋŋi sa ma su kay suunana dew.

SOOLLA 76:7

Hu li ma aŋ su kasina, Lona vi Yakob, kulumi masisina u suu fuli kasina puk gaa, miɗ kiyo.

SOOLLA 76:8

Gasi aŋ ndaki a sa laŋ ndaaraŋu, lini huruŋ ɓeŋ wa ni sa ma ndak a col fokoŋŋa ni gege?

SOOLLA 77:18

Ɗugulla si mbona ay lay, ndak njaɗ lay, mbuuru maŋga tew ki hu lina halaŋ.

SOOLLA 84:2

Ami miniŋ liiŋ ma kakŋa cocoo, Yawe, ma Saɓakŋa Kom Belna.

SOOLLA 9:8

Yawe kak mulla ni a fafaɗta, dlam mamba mulla nam tiniɗ ni a kaɓakŋa.

SOOLLA 90:11

Sa ma ndak a wi saɓak yaaŋga ni gege? Sa ma wi ndaa ma lam koŋŋa ni gege?

SOOLLA 90:2

Jew bay ɦinira li tura, bay aŋ li ndaŋgara tu u tlesuu hu duliyarana tu lay, aŋ ka gak gakŋi Lona.

SOOLLA 93:2

Ay day ta ta cemi dlam maŋga mulla ka tini eŋ gak gak, ha ni na gak gak a fafaɗta aŋ kaa.

SOOLLA 97:4

Weleɗ mamba li kiɗikka ki kay duliyara halaŋ, ndaŋgara waɗ na ni dlak ndaana.

EZAYI 37:17

Tin humuŋu, Yawe, hum haa, mal iriŋ kiyo, Yawe, gola. Hum boy co ma Senakerib dam ma sun suuna ay a ŋgul Lo ma iirina wanna.

EZAYI 37:4

Kala, Yawe, Looŋŋa, hum boy ma sa ma ŋgol kaŋŋa vi suu Asirina ma mul mamma damma ayna wa, sunum ay a ŋgul Lo ma iirina, a kaam ɓakŋa kam kay boy ma co ma nam damma ko Yawe Looŋŋa humba na. Aŋ cenem kay u suu hin ka nde wanna.»

EZAYI 40:15

Njaf suuna halaŋ fok Lona ni ko mbo ma ay hu soona kay cara vunum tol ki ga dewra ɦawana. Suuna ndummi ko gugum ma cuk kolo kay kelewnana ɦawa na. Daara duk mbo ŋgolonara ni ko gu mbalna ɦawa na, nam ndak tlaɗ koloo.

EZAYI 40:28

Agi ka wiɗi su? Agi ka humbi su? Lona Yawe ni sa ma li duliyara halaŋŋa nam ka dindin, nam ka loɓbi, ka mbuɗ maŋiɗi lay, sa ma daŋ ma wam neemba ki kaɗi.

EZAYI 57:15

An Lo ma ay kolo dayna ma ka din dinna di na. Ma ka miɗina, sem ana ma Teteɗna. An ka kaki ni hu li ma teteɗna. May an ka hu sa ma hurum ki teteɗna, sa ma irim ɗilina kay a ɦal iirira maŋ ŋgus mayra hoŋ yaɗ gara, maŋ suu hurusi ka haɗ ɦayna may.

EZAYI 65:16

Gegelay ma min paɗ funna kay ndaŋgara tanina, fammi u sem Lona ma gasina. Gegelay ma min a suu tamma, suu ni u sem Lona ma ɗegeena. Kay ana wihawra li ay jewra maa ki wa. Na daŋ may ndaɗ mbuɗ ha ki ŋgay irin na day.»

JEREMI 23:36

Na ɗaŋŋi kay nekka vi Yawera ni agi yagi sem dla ndaɗta oloɗi. Nekka hin li ni kay gegelay u boy mamma, kay ana agi ɓeŋ boyna vi Yawe, ma Saɓakŋa Kom Belna, Looygina, kiyo.

JEREMI 4:2

Lini ndak suu tak u iirira vi Yawera ni u gasira, ɗegeera u jivira, na ɗaŋŋi njaf suuna hin fi heɓpa u semu. Asi hin fi ŋgara ni umu.

JEREMI 4:24

An gol ɦinira, ndaɗ dlakka. Ҥinira halaŋ ki bulumiya.

JEREMI 50:46

U tlira tli Babilonda ni ndaŋgara dlakka. Njaf suuna tii ŋgol cocoo.

JEREMI 51:29

Ndaŋgara dlakka gijaŋ luu njoŋŋa hu li ma ɓak ma vi Yawe ma kay Babilonna gijaŋ lirana, mbuɗ mbassa Babilonda ki li ma ki kiɗik ma hahawra, suu hurumma ki ciya.

DANYEL 4:3

An ɦal voɗta ana mbaan suu wi dlara hu Babilonna ay fokon halaŋ, a asi buɗun u doy ndaɗta kiyo.

DANYEL 4:34

Cecem wanda, an Nabukodonosor, an ŋgaamu, yam semu, goɓ mi Mul ma Kolo Huulonana, kay ana sun mamba halaŋŋi gasira, dlaamba halaŋŋi ɗegeera, nam hin hoŋ suu ŋga tasi ŋgayina ki kaŋgaa.»

DANYEL 6:26

Na ɗaŋŋi mulna Dariyus ɓii maŋ suuna halaŋ, njaf suuna u dee vunusi kay yam ndaŋgara halaŋ, «ko heɓpa li u agi ŋgolo.

DANYEL 6:27

An ɦal voɗta u dlara an laɗ hu mul mandara halaŋŋi suuna li ndaana u Lo ma vi Danyelna, kay nammi Lo ma iirina, nam ka ni a fafaɗta. Mul mamba hin li ni na gak gak daɓpa vi duliyara.

DANYEL 7:14

Asi hin ɦam saɓakŋa, bibiŋilla u mulla. Suuna halaŋ, njaf suuna u dee vunusi halaŋ sunumu. Saɓak mamma ni saɓak ma a fafaɗta hin ka daɓ kiɗina, mul mamba ni mul mayra hin ka bulum kiɗira.

JOEL 2:11

Hu li ma Yawe ka tak voɗta maŋ suu mam suu duuna. Suu mam suu duuna bolow cocoo, saɓak ɦay lay humum boy mamma lay. Buu ma vi Yawena ŋgolo, dlam ti ta cocoo, sa hin vi tam hu buu nammana ni gege?

MISE 1:4

Ҥinira law ki kaŋga u semu, zulla ŋgolora tos ki ko daɓaŋga kura lawaɗ kira na, ko yo ma ay kolona ɓaɗ ay kaŋgara na.

NAHUM 1:5

Ҥinira ŋgolora dlak komu, ɦinira gorira law ki lay. Yam ndaŋgara dlak kom lay, yam ndaŋgara u suu kaɗna halaŋ dlak komu.

NAHUM 1:6

Sa ma hin fi saɓakŋa a col fokomma ni gege? Sa ma hin col fokom a duu u nam hu li ma nam ki mbuɗi yarana ni gege? Yaamba sulul ni ko ku zinana, gogoyra loɗ ha ki fokom lay.

HABAKUK 3:10

Ҥinira waŋ na ni, li ndaana, voɗ mbo ma jakka, zul yona wak voɗta, nam maɗ kom kolo huulona.

HABAKUK 3:6

Nam cola, nam ŋga bubu ndaŋgara. Nam gol irim na ni suuna mbuɗ ndaana. Ҥini mayra didinda wak kiyo, ɦini mayra dadayra law ki lay. Li namma ni voɗomba dadayra.

MALASI 3:2

Sa hin vi tam juɓ buu ma nam hin mbana ni gege? Sa hin col kolo fokom hu li ma nam hin kal ay ki kiɗikŋa ni gege? Kay ana nammi ko ndal ku mayra yoo tlenara na, ko ndal suu li sun barawina mbususi kira na.

MATIYE 16:16

Simon Piyer dam ana, «Aŋŋi Sa Lona Fuurumma, Goŋ Lo ma iirina.»

MATIYE 26:63

Yesu seŋ tamu, dam ka dukgi. Mul ŋgol ma li ɓivunna dam olo, «An joɓoŋ ha ni u sem Lo iirina, dami ay gige. Aŋŋi Sa Lona Fuurumma ma Goŋ Lonna su?»

Boy Ma Ayra Ma JAŊ Ɓiirimma 17:3

Iirira ka daɓ kiɗira ni ana asi waŋ ana, aŋŋi Lo ma gasina dew, wi Yesu Kristu ma aŋ sunum ayna may.

SUNDA 14:15

«Banayamina agi lagi na ni mege, ami ni suuna ɦawa ko agi na may, ami mba dagi Boy ma Ayra a agi hinigi fuli suu asina kiyo, mbuɗugi irigi eg Lona ma iirina na ɗow. Ma li huulona li ndaŋgara li lum ŋgolna u tlesuu hurumma halaŋ.

GA 8ATAMBARA 32:4

Nammi Ҥinina, sun mamba halaŋ u voɗoɗu, Voɗ mamba tuɗta halaŋŋi ɗegee. Ni Lo ma ɗegeena, dlara guni ka hurumbi. Nammi gasi u ɗegee.

GA 8ATAMBARA 5:26

Sa war ma hoy hum del Lona ko ami humuɗ wanda na, ɓak ay duk kura sa namma hin kak iiri may ni kaɗi.

1 TESALONIKŊA 1:9

Asi ɓak kagi kay vira agi vami ami ay varagira, agi hin ɓivunna maŋ fulina, pereɗ irigi eg Lona ma iiri ma gasina a sunumba.

1 TIMOTE 1:17

Mul ŋgol ma didinna ma miɗɗina, ma sa ka wam u irimbina ni Lona dew, geleɗta u ŋgolla ni mamba a fafatɗa Amin.

1 TIMOTE 6:17

Gaɗ suu ka ɦizi hu duliyara tanina asi ŋga tasiɗi, dasi ana asi tin saa masira kay ɦizza bay gasira ndaɗtaɗi, tiniɗ ni kay Lona ma ɦaygi tlena ndakaygi ki halaŋ a aygi mba lak u furira.

HEBRENA 10:31

Sana a ndi ki kaŋga ko Lona ma iirina ni loɓ cocoo.

JOSUWE 3:10

Agi hin wi ki ana Lona ma iirina ka dukugiya. Nam hin dikigi suu Kanaanna, suu Hetna, suu Hivna, suu Perizna, suu Girgasna, suu Amorna u suu Jebusna ha ki fokogiya.

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.

WIRA ŊGAYRA 20:11

Ŋgoo dagan an wi dlamba haɓpa mulla ta ŋgolla, sa ma kaki kaɗna ndaŋgara u huulona yow liŋŋa fokomu, sa ka wasi u irim oloɗi.

SUU KAƁAKŊA 5:4

Yawe, hu li ma aŋ kal ay ki hu Seirna, Hu li ma aŋ tuɗ ki hu sene ma Edomma, ndaŋgara dlak cocoo, huulona si mbona lay, ɗugulla si mbona cocoo.

1 SAMUEL 17:26

David di suu coli egem tok tokŋa ana, «Hin li ni me maŋ sa ma hin ci sa ma Filistin namma ki may, bulum zolo ma vi suu Israelna ki may nage? Sa namma ni gege, gasi daŋ may sa ma Filistin ma ɗiwim bay cawra ma hal suu vi Lo ma iirina a duuna nige?»

1 SAMUEL 17:36

Saaŋ ma sunda ci dlona ki u ŋguuna. Sa ma Filistinna ma ɗiwim bay caw namma hin li ni ko tle asina na may, kay ana nam hal suu vi Lo ma iirina a duuna.»