JEREMI 1:19 - Boy Lonana

¹⁹ Asi hin duu u aŋu, na may asi ka ndak a laŋ va egeŋgi.» Yawe di ana, «An ka u aŋ a buɗuŋ kira.»

JEREMI 1:19 Iomraidhean Croise

SOOLLA 129:2

Ay u zoŋ tan day ni tew tew asi ka duu u anu, na may asi ka ndak a su kanɗi.

JEREMI 1:18

An tanda karam an mbuɗuŋ ki ni li ma saɓakŋa, mbal kawina, gulumun walakka. Iriŋ tinira kay mbassa u dlaɗ halaŋ. Iriŋ tinira kay muli suu Yudana kay suu ŋgolo mam suu sunda kay muli mam suu li ɓivunna, kay suu mam suu duuna lay.

JEREMI 1:8

Aŋ li ndaa saɗi. An ka u aŋ a buɗuŋ kira. Yawe di na.»

JEREMI 11:19

Anni ko goo timii ma lalamma na, tuɗum hu li ma ŋgaɗtara na. An ka wi ana dla cora asi laɗta ni kan layraɗi. «Kaaygi ŋgusna ki u mbiirim egemu, kaaygina ki hu mbassa vi suu iirinara. Ka sa yam sem oloɗi.»

JEREMI 11:21

Na ɗaŋŋi Yawe ɓak eg suu Anatotna, suu min a caŋ kina, di ana, «Ɓakagi boyna ha ki u sem Yawe oloɗi, li ka naɗi ni aŋ hin miɗ ki komiya.»

JEREMI 18:18

Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»

JEREMI 2:1

Yawe ɓakan boy mamma ana,

JEREMI 20:10

An hum boy ma tiitara ma suuna ɓakamma. Suuna halaŋ halaŋ ki mbuɗi ndaana. «Gagina um kiyo.» «Gasi daŋ may ami gam um kiyo.» Banayan suu minin ɦayna halan cemmi ni dlaanda cora na ɗow. «Kala nam hin viɗ tam u nuh nuh mamba hin ndi kaŋga ami hin faɗ vun dla ndaɗta kiyo, sa sugulumi ki may.»

JEREMI 20:11

Na may Yawe ka u an ko ndal sa duu ma saɓak cocona na. Suu lasanna hin puk kaŋgaa, hin ka ndak ki fun dlaasiraɗi. Zolona hin casiya. Asi hin ka ndak a li vaɗi. Asi hin mbuɗ ki zolona a fafaɗta, hum sa hin ka maa dla ndaɗta kiɗi.

JEREMI 26:8

Hu li ma Jeremi daɓ boy ma Yawe sunum ay kam a dam maŋ suuna halaŋŋa ki may ni, muli suu li ɓivunna u suu jok vun Lona u suuna halaŋ vi Jeremi dam ana, «Aŋ ɓak ki ni dla maɗaŋu.

JEREMI 30:11

An ka u aŋ a buɗuŋ kira. Di na ni Yawe. An hin ci njaf suu an njayagi ha ki dukusina ki halaŋ. Na may aŋ wani an ka caŋ kiɗi. An haɗaŋŋi a aŋ hum u gaɗta ka hin ta jak kiɗi.

JEREMI 39:17

Hu buu namma ni an hin buɗuŋ ki may. Di na ni Yawe. Sa hin ka ɦaŋ ki maŋ suu aŋ lasi ndaarasinaɗi.

JEREMI 42:11

Lagi ndaa ko mul ma Babilon ma agi li ndaana komma oloɗi. Lagi ndaa kom oloɗi, Yawe di na, kay ana an ka u agi a buɗugi kira a ɓaɗagi ay ki ko saɓak mammara.

JEREMI 46:28

Aŋ saan ma sunda Yakob li ndaaɗi. Yawe di na. An ka u aŋu. An ci njaf suu an manaŋ ay ki dukusina ki halaŋ halaŋ. Na may aŋ wanni an ka caŋ ki koɗi. An haɗaŋ a aŋ li u gaɗta ka hiniɗ jak ki kaŋgi.

DANYEL 3:25

Mulna hoŋ dira ana, «Gologi an ka wi suuna fiɗi ki buɗiya, ka tuɗ duk kura ndaɗ ka kaasi tasi mbilɗi lay, sa ma u asi a fiɗirana tam ko ndal ta goŋ looginana na.»

NDUMBA 14:9

Lagi yara u Yawe na ɗowɗi, lagi ndaa ko suu hu mbas ndaɗtanaɗi lay. Suu asina hin laygi tina ni asiya, asi ki ni ii faɗta, li ma asi a ŋgay hurum kaɗi. Yawe ka u aygiya, lagisina ndaarasiɗi.»

SUNDA 26:17

An min a buɗuŋ ki ko suu Juifna ko suu an min a sunuŋ egesina lay.

JOSUWE 1:9

An daŋ ana col eŋŋe, so huruŋu, ni ka an daŋ mayɗi su? Dlak ndaaɗi, ɓik vun dikiŋgi lay. Kay Yawe, Looŋŋa, ka u aŋ hu li ma aŋ hin a tuɗ huna halaŋ.»