JEREMI 1:17 - Boy Lonana

¹⁷ Aŋ may ni, aŋ hin njun u furuŋu, col kolo ɓakasi dlara an daŋgara, hinisi a asi su kaŋgi. Li ka naɗi ni an hin su kaŋ fokosi may.

JEREMI 1:17 Iomraidhean Croise

1 MULINA 18:46

Ko Yawe Lona ka baari kay Eli. Nam min tam mboɗ liŋŋa fok Akab tuɗ tewem ki ta ta hu Jizreel.

2 MULINA 1:15

Sa sunda huulona vi Yawe di Eli ana, «Ɗiŋ ha ki ga u namu. Li ndaaɗi.» Eli ɗiŋ ay ki kaŋga, tuɗ eg mulna u namu.

2 MULINA 4:29

Elize di Gehazi ana, «Njun gandi maŋŋa huruŋu. Tlan tokolo manda koŋ, tuɗa, lini aŋ ŋgaf sa voɗwa ni gam deɓbi. Lini sa gaŋ deɓe ni, aŋ humbi. Aŋ tuɗ gaŋ tokolo manda kay vok goona.»

2 MULINA 9:1

Fali taa dew ni Elize yi goo zoŋ maa duk suu jok vun Lona dew ni dam ana, «Min taŋu, tli goo kob ma mbulna koŋ tani, tuɗ hu Ramot ta Galaadta.

JOB 38:3

Min taŋ, col ko sa njufna na, an min joɓoŋu aŋ hoŋon dira aya.

KALKIRA 3:12

Nam dam ana, «An ka u aŋu, gola ni va ma hin tak ki ana, An ka u aŋu, sunuŋ ay ni anuna. Hu li ma aŋ cuk suu Israelna ay ki hu mbassa Egiptera wa ni, agi hin mba sunun an Loogina kay ɦini ndaɗta tani.»

KALKIRA 7:2

Dlara an daŋgara halaŋ aŋ hin daɗ kini ndaɗu. Wayaŋŋa Aaron, hin ɓak ha ki maŋ Faraw may, a nam hin suu Israelna cuk ki hu mbas mamba.

JEREMI 1:18

An tanda karam an mbuɗuŋ ki ni li ma saɓakŋa, mbal kawina, gulumun walakka. Iriŋ tinira kay mbassa u dlaɗ halaŋ. Iriŋ tinira kay muli suu Yudana kay suu ŋgolo mam suu sunda kay muli mam suu li ɓivunna, kay suu mam suu duuna lay.

JEREMI 17:18

Ko zolona li kay suu lasanna, li kan anɗi, ko dla cora ndi ni kasiya ndi kan anɗi. Mbaasi buu ma cona ay kasiya, casi ki u koŋ ma waɗ eŋ cocona.

JEREMI 23:28

Sa ma jok vun Lona ma doyra damma njaɗ ni vun doy mamba. Na may sa boy manna komma ɓakam ki eg liim na ɗegee. Va ma duk ɦoŋ barra u ii wana na ni mege? Di na ni Yawe.

JEREMI 26:12

Jeremi di maliyaŋ ndaŋgara u suuna halaŋ ana, «Yawe sunun ay ana an ɓak boy namma ki kay Zi ndaɗta u ɦoŋzi namma, ni dlara agi humuɗta.

JEREMI 26:2

Yawe ɓak anaba, aŋ col fun Zira vi Yawera ɓak suu hu ɦoŋzi ma Yudana suu mbay goɓ kaŋga hu Zira vi Yawerana halaŋ, dasi boy ma an daŋŋa ha masina ki halaŋ hin maa kiɗi.

JEREMI 36:8

Baruk ma goŋ Neriyana li dlara sa jok vun Lona, Jeremi, dambara eg liiɗ na ɗegee. Nam ndum boy ma ɓiiri hu magaa ɓakkana hu Ziŋ Lonara ni Boy ma vi Yawena.

YOORA 3:57

Aŋ ɦuɗ taŋ ay hu buu ma an yaŋŋa di ana, Li ndaanaɗi.

JONAS 3:2

«Col kolo, tuɗ hu Ninive, ɦoŋzi ma ŋgolna, tuɗ dasi boy ma an hin daŋŋana.»

Boy Ma Ayra Ma LUK Ɓiirimma 12:35

«Lagi tagi jiviya, njunugi hurugiya maaɗi, doogi pindilla kogiya.

SUNDA 20:20

Agi lay wi ana vama a li kaki jiviya ma an ŋgayam ki kaɗi. An dagi boyna ki halaŋ haɗagina ki ni duk suuna lay halaŋ ki hu ziigi vo lay.

SUNDA 20:27

An dagi dlara Lona ŋgaaɗta ki wa, ŋgay va ka huna ewɗi.

1 KORINTNA 9:16

Boy ma Ayra ma an ka damma an ka ŋga tan kambi, li ni nanagelay ni an a li dla ndaɗta, lini an ka di Boy ma Ayraɗi ni yoora mba kanni ndaɗu.

1 TESALONIKŊA 2:2

Hu li ma suuna lasami ay hu Filipi ŋgulumi lay ko agi wira na, Lona hin njunumi ɦami ɦiŋga a dagi Boy mamma Ayra duk ciwayra vi suuna.

1 PIYER 1:13

Kay ndaɗta tinigi saa magira kay a li sunda, lakagi jek jekee, tinigi saa magira kay ɦala agi hin faɗ falira Yesu hin mba tak tam kira.