JEREMI 1:16 - Boy Lonana

¹⁶ «An ɓakasi gaɗ manda kay boy dla coosira. Asi noyon kiyo. Asi li ɓivun ma ŋgalam kina maŋ loogi suu ɦawana. Asi goɓ kaŋga fok sunda asi laɗ u kosira.

JEREMI 1:16 Iomraidhean Croise

2 MULINA 22:17

Kay ana asi noyon kiyo. Asi ŋgal mbitla his jivira ni maŋ loogi suu daŋŋa. Asi ɓalakan hurun ki u sun masira asi laɗ u bik kosira. Yaanda tli kura eg li nammawa, ndaɗ ka tew oloɗi.

2 DLAŊ MULINARA 15:2

Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

2 DLAŊ MULINARA 28:2

Nam li dlara ni ko muli suu Israelna lira na. Nam li tokolla maŋ Baal lay.

2 DLAŊ MULINARA 34:25

Kay asi noyon kiyo, hin ŋgal mbitla his jivira ki ni maŋ loogi suu ɦawana. Asi ɓalakan hurun ki u sunda asi laɗ u bik kosira. Yaanda hin ndi kay li namma ni ko ndal kura na ka heɓbi.

2 DLAŊ MULINARA 7:19

Na may lini aŋ taŋga, aŋ hinin gaɗ manda ki mbuɗ iriŋ ki u dlara daŋga, hin dlara an miniɗta kiyo, lini aŋ tuɗ sun ni loogi suu daŋŋa goɓ ga fokosiya,

EZAYI 2:8

Mbas masira oy ki u dlara fulina. Asi goɓ ga fok tlesuu asi minisi u kosina, goɓmi fok tlesuu kosi minisina.

EZAYI 37:19

Asi ŋgalasi loosina ki duk kura lay, na may loogi asina ni ka Lo ma gasinaɗi. Asina ni tlesuu sana lasi u komma ɦawaa, ni guna ugi ɦinira. Kay ndaɗta muli suu Asirina ɓalakasi kiyo.

EZAYI 44:15

Guna ni maŋ sana a ŋgalla, nam ŋgalamu, hol tamu, nam ŋgalam a yi funa, u gu namma tok nam ceɗ lona goɓ kaŋga fokomu. Nam mbuɗum a fulna, goɓ yam ki ga fokomu.

EZAYI 65:3

Ni suu ka ɓalakan hurun tew tewna, asi li ɓivunna ha ki ŋgoo hu zi fulina, asi ŋgal mbul ma hisna ni kay givin ma togolla ma mini u birikka.

JEREMI 10:15

Ni dlara bay uɗta, ni tlesuu luuna hu buu ma kaɓakŋa ni asi hin miɗ kiyo.

JEREMI 10:3

Na may gaɗ masira uɗ kaɗi. Gu ma kaam ay ki duk gurana, sa li sun guna ceɗem tam ki jivina.

JEREMI 11:12

Ҥoŋzi ma Yudana u suu Yerusalemma hin tuɗ joɓ njunda ay eg loogi suu asi lasi ɓivun ma ŋgalam kina. Na may asi ka ndak a suɗusi ki hu li ma dla cora mba kasinaɗi.

JEREMI 11:17

Ni Yawe, ma Saɓakŋa Kom Belna, sa pakŋa mbaak dla cora ay kakŋi kay dla cora suu Israelna u suu Yudana laɗta. Asi li cora egem u ɓivun ma asi ŋgalam maŋ Baalna.

JEREMI 15:6

Ndak noyon ki ni ndaku. Yawe di na. Ndak ɦan ŋgorok wa, an tli kon kolo kak a cak ki ni na may. An ɦuɗ buuna fok ŋgol cocoo.

JEREMI 16:11

Na ɗaŋŋi aŋ hin dasiya, «Ni kay ana somoyogi noyon kiyo. Yawe di na. Asi liŋ tuɗ ki u loogi suu daŋga a goɓosira, goɓ kaŋga fokosi lay. An tanda asi noyon kiyo, haɗ manda lay asi vaɗ ka kasiɗi.

JEREMI 17:13

Saara vi Israella ana Yawe, suu noyoŋ kina halaŋ zolona casiya. Suu ɦuɗ tasi ki egenna dlara vasi wa, kay ana asi noy ki ni voɗ mbo ma iirina ni Yawe.

JEREMI 18:15

Suu mansina maaran kiyo, tuɗ ŋgal ɓivunna ki maŋ suu sunusi kaɗina, suu daɓasi sesi eg guna hu voɗta lay, hu voɗta vi somoyosi ta jew dayra. Asi tli voɗ ndaɗta may, voɗ mayra huruɗ ka jiviɗira.

JEREMI 19:4

Hu li ma asi noyon ki may, asi ɓeŋ li namma ki u ɓivun ma ŋgalam maŋ loogi suu daŋ suu loɓ tasi ay ka kasiɗi lay, ka kay somoyosiɗi lay, ka kay muli suu Yudanaɗi layna. Asi oy li namma ki u busu kem gorira li va kaɗira.

JEREMI 2:13

Gasi, suu mansina li dla cora yasi ni mba'. Asi noyon an mbo ma iirina kiyo, asi min zul mbona, zul mbo ma ki cooyna, ka vi mbo kolo huruɗɗi.

JEREMI 2:17

Dla ndaɗta li egek na ni kay mege? Ni kay noyra ndak noy Yawe, Lookŋa, ki hu li ma nam ay a sa takak voɗtana.

JEREMI 2:19

Ko cookka lasaku, ko dla cookka gaɗak vunuku. Ko dla cora lasak na ta ta faɗak ki na toŋ, kay noyra ndak noy Bu Suuna, Lookŋa, kira. Gasi, ndak lay ni ka dlak ndaa fokon oloɗi. Yawe Lona, ma Saɓakŋa Kom Belna, di na.

JEREMI 2:28

Loogi suu minisi u konana ni arage? Asi col kolo li ni asi ndak a suɗuk hu li ma ndak ki hahawrana, kay ana loogi maksina mbuɗ ki bolow coco ko ɦoŋziikŋa na ndak Yuda.

JEREMI 4:12

Semeɗ ma saɓakŋa cocona col ay ni egen tanda day. Cecem wanda, an may ɗaŋŋi kaasi ɓakŋa kasiya.

JEREMI 4:28

Ni kay ndaɗta ndaŋgara ka ni hu hahawra. Kolo wanni huulona mbuɗ ki ndufunda kay ana an kaɓakŋa ki kay dla ndaɗta, an vi ki kan a li dla ndaɗta. An hin ka hoŋ vunun ki daganɗi.

JEREMI 44:17

Ami min li ni dlara ami vi vunumi kaɗ a laɗta. Ŋgalami ɓivunna maŋ mul cara kolo huulonara. Ami hin ɦaɗ mbul ma his jivina ko ami li ay hu ɦoŋzi ma Yerusalemma u ma Yudana na. Ami tamira lay, somoyomi lay, muli mamisina lay, suu ŋgolo mami suu sunda lay. Ko ndaɗta na ami fami fu ma tira um hin ki komi lay. Ami kaki u heɓpa ka wami dla co egemiɗi lay.

JEREMI 5:29

Ni an ka ndak a lasi dla cora egesiɗi su? Yawe di na. An ka ndak a sa sugulun u suu co suu ko asi nanaɗi su?

JEREMI 5:9

Ni an ka ndak ɓak u asiɗi su? Yawe di na. An ka ndak sa sugulun u njaf suu ko asi nanaɗi su?

JEREMI 51:17

Gegelay ki mbuɗi ndaari, ki doriya, gegelay ma min a gi u dlara fulina mbuɗ ki zolona, foto tlegeyem halaŋ ki coo, ŋgus ka hurusiɗi.

JEREMI 7:17

Na ni aŋ ka wi dlara asi laɗ ɦoŋzi ma Yudanara, laɗ hu voɗta Yerusalemba.

JEREMI 7:18

Gor kemba yow gu ma sooyna, somoyosi suu njufiina ŋgal kura may, boyogina yaras fuɗta a li komnjoɗina maŋ mulla kolo huulonara. Agi lagi ɓivunna maŋ loogi suu daŋŋa ko ndaɗta na ni agi lagi ni cora egenu.

JEREMI 7:9

Na ni agi ndak a li dlara kulna su? Dlara ci maɗna, dlara zoŋga, suurugi suura bay uɗta, ɓivun ma ŋgalam ki maŋ Baalna su? Liŋigi kay cee loogi suu daŋ suu ka saa kagiɗina su?

EZEKIYEL 16:18

Ndak yow baraw mak ma vunum ɦosi luy luyna baaram ki kay tle asina. Mbul manna u mbitla his jivira ndak tininsina ki fokosiya.

EZEKIYEL 24:14

An, Yawe, di dlara wa. Ni dla ndaɗta hin li ki mbee. An hin laɗ kiyo. An ka hin taa ki bay liɗi. An ka a wi hahaw saɗi, ka hoŋ vunun daganɗi lay. Asi hin kaak ɓakŋa kakŋi kay poy makka u dlaakka cora. Di ni Bu Suuna, Yawe.»

Magaara Vi Sa Jok Vun Lona OZE 11:2

Suu may suu yasina, asi ɦuɗ tasi ki egesi na day. Asi li ɓivunna ni maŋ Baal, ni maŋ fuli suu ceɗesi u kosina asi lasi ɓivun ma ŋgalam ki ŋgalina.

Magaara Vi Sa Jok Vun Lona OZE 8:6

Nam mbay ni hu Israel, sa ceɗ tlena lammi namu, nam ka Lonaɗi. Gasi goo mbutl ma Samarina hin hoŋŋi kamiyamu.

JOEL 2:11

Hu li ma Yawe ka tak voɗta maŋ suu mam suu duuna. Suu mam suu duuna bolow cocoo, saɓak ɦay lay humum boy mamma lay. Buu ma vi Yawena ŋgolo, dlam ti ta cocoo, sa hin vi tam hu buu nammana ni gege?

SUNDA 7:41

Asi min mbutlna gijaŋ li ɓivunna fokommi na gaw. Asi furi kay va ma asi minim u tasirana lay.

GA 8ATAMBARA 28:20

«Lini agi li dla cora, lini agi ka min a li u Yaweɗi, ni nam hin kaagi ɓakŋa kagi ka wagi hahawagi oloɗi, agi mbuɗ lagira ni u ndaana, fagi lassa coco lay, ta ta daɓagi kiyo, ni kay dla cora agi laɗ noyom kira.

GA 8ATAMBARA 31:16

Yawe di Moiz ana, «Gola cemi ni aŋ hin buu ni ga u somoyoŋu, suu asina ca ni hin gi ni jaŋ li dlara gawlaŋŋa, hin tuɗ ki ni u loogi suu vi suu koyogi suu ka hu mbas ndaɗta wanna suu asi hin cuk ha dukusina, asi hin noyon kiyo, hin bulumun galam manda u asira kiyo.

JOSUWE 24:20

Hu li ma agi noy Yawe kiyo hin sun lo ma daŋŋa ni nam hin mbuɗ um kagi lagi dla cora egegi may. Nam hin ŋgalagi kiyo hu li ma nam lagi dlara jivira vam egegi layna.»

WIRA ŊGAYRA 9:20

Suu hin bay ci ko lassa ndaɗta halaŋ, ka hom kay dla cora asi laɗtaɗi, asi ka hin cenda cen fulina u gugunina mini u lorna, u doonora, u kawina, u ɦinira, u guna, tlesuu irisi ka wiɗi, ka humbi, ka tuɗɗi layna.