JEREMI 1:15 - Boy Lonana

¹⁵ An hin yi njaf muli suu ii ko ma mbayawna u deeresi halaŋ. Yawe di na. Asi mbaya, gegelay tin dlam mamba mulla vun grek ma vi Yerusalemma, irisi tini kay gulumun ma ŋguy kaɗna na ɗow, irisi tini kay ɦoŋzi ma Yudana na ɗow.

JEREMI 1:15 Iomraidhean Croise

EZAYI 22:7

Mbassa jivira Yudara halaŋ oy ki u kulumi suu taɗ pus pusna, suu ha fuli hurusina col ki fun zina dew dew halaŋ.

JEREMI 10:22

Asi hum vunna ka ɦuɗ aya, dla cora ŋgolla mbay hu mbassa mbayawra a mbuɗ ɦoŋzi ma Yudana ki hahawra, li ma bayakka mol huna.

JEREMI 10:25

Aŋ hin yaaŋga li ni kay suu ka waŋgina kay suu ka yaŋ seŋgina, kay asi kul tlena vi Yakob kiyo. Asi cam kiyo. Asi daɓam dlam kiyo. Asi yowom tlegeyem kiyo.

JEREMI 13:20

Tli iriŋ kolo gol haa, asi ka mbay mbayawi, yoori suu varaŋŋa ni arage? Timigii maŋ suu ŋgaaŋŋa ni arage?

JEREMI 25:28

Lini asi ka min vaŋ va cira koŋgi, ka min a cambi ni aŋ dasi ana, «Yawe, ma Saɓakŋa Kom Belna, ɓak anaba, agi hin cam mbee lay.

JEREMI 25:9

An ɦal voɗta maŋ suu mbayawna halaŋ asi mbay kagiya. Yawena di na. An yi Nabukodonosor, mul ma Babilonna, saan ma sunda, an mbaasi ay kay mbas ndaɗta kay suu huruɗna kay njaf suu keŋesina halaŋ lay. An ɗogosiya an mbuɗusi ki a li ma suuna tii tii ma hahawra hurumma mbuɗum ki jo ma senena.

JEREMI 33:10

Na ɗaŋŋi Yawe ɓak anaba, hu li ma agi ɓak kam ana ni didiŋga jona suuna ka huɗi lay, mburina ka huɗi layra, hu ɦoŋzi ma Yudana, hu voɗta hahawra Yerusalem ta suuna ka tuɗ huruɗ oloɗi lay, suu kaki huna u mburina lay, asi hin hum olo,

JEREMI 34:1

Yawe ɓak boy mamma maŋ Jeremi hu li ma Nabukodonosor mul ma Babilonna u suu mam suu duuna halaŋ, suu muli suu kay mbassa nam ti mulla kaɗta halaŋ, suuna halaŋ tli Yerusalem u ɦoŋzi ma ŋguy kaɗna halaŋ halaŋ may.

JEREMI 34:22

An hin ɦal voɗta, Yawe di na, asi hin mbay duu u ɦoŋzi namma, asi hin ŋguyum ki na cutl, hin tlamu, hin ŋgalam kiyo, ɦoŋzi ma Yudana an hin mbuɗum ki li ma hahawra, li ma suu war ka huɗina.

JEREMI 39:3

Sa ŋgol asgaa ma vi mul ma Babilonna mbay kak ki kolo kay li ma ŋgolna. Nergal-Saresser, Samgar-Nebo, u Sar-Sekim, sa ŋgol ma gol u suuna hu taraŋgana. Nergal-Saresser sa ma mulna vi vunum u namma, u suu asgaa suu fok ŋgol asgaanana halaŋ halaŋ.

JEREMI 4:16

Neegi suuna, neegi Yerusalem. Suu duuna col ay hu mbassa dayra ka mbaya. Asi ka yi ay kolo a duu u ɦoŋzi ma Yudana.

JEREMI 4:6

Yagi yira hahawra ha ii ko ma vi Siyonna na. Tuɗugi kak u ŋgusuna. Cologi duk hu voɗtaɗi. Ni hahawra an ka mbaaɗ ay ii ko ma mbayawnara ni dla cora ŋgolla.

JEREMI 43:10

Aŋ hin dasi olo ana, Yawe, ma Saɓakŋa Kom Belna, Lona vi Israel, ɓak ana, an hin sun hal saan ma sunda Nabukodonosor mul ma Babilonna. An hin kakam mulna kolo kay gogoyra aŋ tosoɗ kaŋgara. Nam hin pi mbutluɓ mamma ni hu li namma.

JEREMI 44:6

Na ɗaŋŋi yaanda mba kasiya. Kura ko wanda na. Ndaɗ ŋgal ɦoŋzi ma Yudana u voɗta Yerusalemba kiyo. Asi mbuɗ ki ni didiŋga hu jonara, li ma hahawra. Ni dlara ka cecem wanda daŋ may.

JEREMI 46:24

Egipte mayra jivira zolona ka caɗu. Ndaɗ ki hini maŋ suu mbayawna.

JEREMI 5:15

An hin mbaagi suuna ay kagi agi suu Israelna, suu ay dayna. Yawe di na. Suu ka gasiɗina, suu u gu ma basina, suu aŋ ka wasi vun masinaɗi layna, suu aŋ ka wasi dlaasiraɗi layna.

JEREMI 6:22

Yawe ɓak anaba, suuna mbay hu mbassa ii ko ma mbayawna na. Suuna ŋgolo yow ay kolo u keŋ ndaŋgara ma daɓ ayna.

JEREMI 9:11

Lini sana wi yali ni, nam huma, ɓak dlara vun Bu Suuna dambara kiyo. Ni kay me mbassa ɓeŋeɗ ki nige? Ŋgalaɗ ki ko fulla sa ka jak huɗira na nige?

YOORA 5:11

Asi buu u boyogi suu vi ndarayasinana hu Siyon. Asi ɓeŋ gorɓiina ki hu ɦoŋzi ma Yudana.

EZEKIYEL 32:30

«Suu ŋgolo suu ay hu mbassa mbayawra ka hu lay, suu Sidonna ka hu lay, asi ni suu ay jew suuna li ndaana ko saɓak masina cocona. Cemi ni asi ka oloɗi. Asi cuk ga hu lina vi suu miɗina u suu ɗiwisi bay cawra dew, asi dlaɓ hu zulla u suu casi ha fun duunana dew. Asi cuk hu zulla u zolo masi namma halaŋ.

JOEL 2:20

Sa ma col ay mbayawna an ɦuɗum ha ki egegi na day. An dikim ha ki hu fulla kay ndaŋgara sooyra. Sa fokom a golomma ha ki hu mbo lumma ŋgolna u maɗiina. Sa ŋgorom a golomma ha ki hu mbo lumma ŋgolna u fiɗigina. Hisna hin cola, lina hin mbuɗ ki hissa. Gasi nam li tlesuu ŋgolona ni namu.»

ZAKARI 6:6

Kulumi suu pupusna njuni kelesi tasi warna tuɗ hu mbassa mbayawra. Suu tasi haɓagina tuɗ ha kay ceeresiya. Suu tasi ndalina tuɗ ni hu mbassa dalira may.