DLAŊ LEVIRA 6:3 - Boy Lonana

³ Mul ma li ɓivunna cuk kalasoŋga umu, cuk baraw ma cili u baraw dlemba ŋgolna egem may, nam tok but ma ka hu givin ma togolla ɓali ga u mbulnana kiyo, cukum ki keŋ givin ma togolla.

DLAŊ LEVIRA 6:3 Iomraidhean Croise

KALKIRA 23:4

Lini aŋ fi mbutl ma vi sa ma babali maŋŋa ɗowba kor mamba viɗ kiyo ni, aŋ koɗomma irim ay voo.

KALKIRA 28:42

A baarasi siili masira kira ni, aŋ cilisi kalasoŋga u baraw dlemba, col ha hurusi ta ta tew ay ɓalasiya.

VUN ŊGOLNA 24:28

Di dlara kay ndaraŋ ma vok zina bay waɗ uɗ ki koŋgi. Aŋ min a viɗ taŋ u boy ma aŋ damma su?

VUN ŊGOLNA 30:9

Kay ana hu li ma an hoɓi hoɓmi, tin vunun kaŋgi, hin di ana Yawe Lona ni gege naɗi. Dowba hu li ma an ki haw cocona kal ki a kulla, Suuna hin ŋgulun sem Loonnaɗi may.

JEREMI 5:2

Asi ɓak coco, «U sem Yawe,» sun masira ki ni ɦawaa.

JEREMI 7:9

Na ni agi ndak a li dlara kulna su? Dlara ci maɗna, dlara zoŋga, suurugi suura bay uɗta, ɓivun ma ŋgalam ki maŋ Baalna su? Liŋigi kay cee loogi suu daŋ suu ka saa kagiɗina su?

EZEKIYEL 44:19

Hu li ma asi a cuk ay ki hu vunna kiɗikka ni asi fok baraw ma asi li sunda u namma ha kiyo. Cukum ha hu zira kurufu hu Ziŋ Lonara. Asi cuk baraw ma daŋŋa ay egesiya, ni asi ka paɗ vunusi kay suuna oloɗi.

DLAŊ LEVIRA 1:16

Nam paɗ fefekka ki u tlesuu huruɗna halaŋ cukusi ki keŋ u maɗiina vi givin ma togolla hu li ma asi tok but mbul ma ŋgalam kina, cukum ki huna na.

DLAŊ LEVIRA 16:4

Nam cuk kalsoŋga umu, cuk baraw ma teteɗna, ni njun gandina, njun gadamulla lay, tle asina halaŋ cilini u baraw dlemba. Halaŋ ca ni barawi suu teteɗna. Nam a cukusi tamba ni mbus tam ay ki halaŋ tu wa.

DLAŊ LEVIRA 19:12

Aŋ suu taŋ kay dossa u senɗi, ni aŋ ɓalak ki ni sem Looŋŋa. Ni an, Yawe.

ZAKARI 5:4

Yawe, ma Saɓakŋa Kom Belna, di ana, An gigiɗ ɦawa a ndaɗ tew ziŋ sa kulla a sa suu tam bay gasira tew tewna, ko ndaɗ kak hu ziimu, tamma kiyo, mbalna u gogoyra.

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.