DLAŊ LEVIRA 2:1 - Boy Lonana

¹ «Hu li ma sana min a li puura maŋ Yawe u njaf wana ni, nam yow fuɗta nde, vooɗ mbulna kaɗu, cuk mbitla his jivira duk may.

DLAŊ LEVIRA 2:1 Iomraidhean Croise

WIRA ŊGAYRA 8:3

Sa sunda huulona ma daŋŋa mba col hu givin ma togolla, tassa ma ŋgal tlesuu his fayatna huna tam u lor komu. Asi ɦam tlesuu ŋgal fayatna cocoo, nam tuɗ ŋgalasiya. Nam tuɗ ŋgalasi na ni u cenda vi suu vi Lonna halaŋ, ni hu givin ma togolla tam u lor fok dlamba mulla.

EZAYI 66:20

Suuna hin mbaaragi gorsegi suu ay ki hu li ma daŋŋana aya, mbaarasi ay ko poora na maŋ Yawe. U kulumina u pus pusna u tlena gani kolo kay kulumina, lay ma buuna lay, koro ma Makkana u jamballa, mbaaasi eg ɦini manda teteɗta. Ko ndal suu Israelna ɦal tlena ay man ŋgoo bagi hu fullara na may.

DLAŊ LEVIRA 9:17

Nam li puura u njaf wanara, yow fuɗta duk kom na dew, ŋgalaɗ kay givin ma togolla, ni ɓivun ma ŋgalam kina, ko nam li puura maɗii tew tewra na.

Magaara JUD Ɓiiriɗta 1:20

Agi banayanna tuɗugi fok u viigi ta teteɗta, cenegi u saɓakŋa vi Musuk Lonara.

NDUMBA 7:19

Ҥalla nam ɦaɗta ni tassa doonora nekem ii sikle 130, u ŋgal doonora nekeɗ ii sikle 70, ni u sikle hu Mbutluɓ ma Teteɗna, asi jakŋi oyosi ay ki u fuɗta yarasi u mbulnara a li puura,

1 JAŊ 2:27

Lini agiya ni Yesu sunugi Musuk mamba ay kagiya, Musuk mamba hurugi may ni agi ka hal sa a takagi dla oloɗi, Musukka takagi dlara ki ni halaŋ, dlara ndaɗ haɗagirara ni gasi, kaboyna ka huɗi ni kay ndaɗta agi vagi vun haɗta vi Musuk Lonara taɓagi hurugi dew u Kristu.

1 JAŊ 2:20

Lini agiya ni agi fi Musuk Lonara ta Kristu sunuɗ ayra hurugiya agi wi gasira ni kay ndaɗta.

Boy Ma Ayra Ma JAŊ Ɓiirimma 6:35

Yesu dasi ana, «Anni fu ma iirina, sa mba egenna mayra ka cam oloɗi, sa tin hurum kanna laara hin ka cam oloɗi lay.

MALASI 1:11

Kay ana col ay maɗii day ta ta tew u fiɗigina ni anni ma ŋgolna duk suuna. Hu lina halaŋ li ɓivun ma ŋgal tlena ni u senu, u tlesuu jivi suu ɦasi ayna, kay ana anni ma ŋgolna duk suuna, Yawe, ma Saɓakŋa Kom Belna, di na.

JOEL 2:14

Sa wi ana nam li ka yoo tam tu olona ni gege, ŋgoo dagan wanni nam hin hin paɗvun mamma kay ɦalla ɦawara u ɓivun ma lira maŋ Yawe Loogina.

NDUMBA 7:13

Ҥalla nam ɦaɗta ni tassa doonora nekem ii sikle 130, u ŋgal doonora nekem ii sikle 70 may, ni u sikle hu Mbutluɓ ma Teteɗna, asi jakŋi oyosi ay ki u fuɗta yarasi u mbulnara a li puura,

KALKIRA 29:2

Hin tli wa blena bay kuffa dukumma may, li komnjoɗi ma bay kuffa zuɓulum u mbulna u komnjoɗi ma gorina yamam mbulna kamu. Aŋ lasi ni u fuɗ waleerana.

JOEL 1:9

Ҥalla ɦawara u ɓivunna ki bulumi hu zira vi Yawera. Muli suu li ɓivunna u doona egesiya, suu sunda vi Yawe lay.

DLAŊ LEVIRA 5:11

«Lini sana saɓakam ka a fi gugukka mbaraɗi lay ni, nam ndak ɦal fuɗta ay u tassa ma kelewna fiɗi, ni a ɓivun ma bulum cora kina. Nam ka vo mbul kay fuɗtaɗi, ka cuk mbitla his jivira dukgi lay, kay ni ɓivun ma bulum cora kina.

NDUMBA 8:8

Asi vi bolo mbutlna dew u tlesuu ɓivunna um halaŋ, fuɗ mayra yarasi u mbulnara, aŋ hin vi bolo mbutl ma mbana irim may, a li ɓivun ma bulum cora kina.

NDUMBA 18:9

Gola ni keŋ tlesuu aŋ a yowosi ki hu ɓivun ma teteɗ ma asi mbay a ŋgalam kina, tlesuu ka ŋgalasi kiɗina ni ana puura ta lam u fuɗtana, ɓivun ma bulum cora kina halaŋ, u ɓivun ma min duk ɦoŋgana, tlesuu asi ɦansina ay asina halaŋ, tlesuu teteɗ asina ni maŋ aŋu u goryoŋu.

NDUMBA 28:5

Kay puura u njaf wana, yow fuɗta kelewna hindi, vo mbul conona duk litir dew u nus may.

NDUMBA 29:18

Ҥal tlesuu li puura u njaf wana ay uwa, u sum veŋŋa may. Kay bolo mbutlugina u gamlagina u gor timigiina lay, ko agi li day dayra na.

EZAYI 43:23

Agi mbaaran timigii suu ŋgal a ɓivunna kaɗi lay, agi ŋgaan ka u ɓivun magi ma agi lammaɗi lay, an may ni ka vagi ɦal magira tinaɗi may, ka fuurugi u mbul ma his jivinaɗi may.

DLAŊ LEVIRA 6:7

«Gola ni yal ma li ɓivun ma njaf wana, goryoŋ Aaronna tak ɓivun ma namma fok Yawe, hu givin ma togolla.

DLAŊ LEVIRA 9:4

Vi bolo mbutlna u gamla timiina a li ɓivun ma mbaa heɓpa fok Yawena u puura u njaf wa ma yarasi u mbulnana may, kay Yawe hin tak tam ki karam irigiya.»

DLAŊ LEVIRA 14:10

«Hu buu ma kalavandina ni nam yow gor timigii suu njufiina mba' suu bay ŋgulla egesina u goo timiira basaɗaɗ ki dewra dew may ni ta ŋgul ka egeɗɗira, ɦal fuɗta u kelewna dleeŋe a li puura njaf wana ni ta yarasi u mbulnara, ɦal mbulna u nus litirna may.

DLAŊ LEVIRA 24:7

Aŋ tol mbul ma his jivina kay komnjoɗiina dew dew bel u mbul namma hin ŋgalam hu li ma ŋgal mbul ma his jivina a gi humba ni nam tok.

EZEKIYEL 46:20

Nam dan ana, «Gola, ni li ma muli suu li ɓivunna zal tliw ma li ɓivunna ha huna, ɓivun ma bulum cora kina u ɓivun ma lam u minda vi sanana. Asi ka kalasi ay ki hu kaana ii bunsuɗi, ni kay a mbuɗ suuna halaŋ ki teteɗta.»