DI BOLLA 3:7 - Boy Lonana

⁷ Buu dew a haa kira, buu dew a ɗeera may. Buu dew ma seŋ tara, buu dew ma ɓakŋa may.

DI BOLLA 3:7 Iomraidhean Croise

URA TIN AYRA 37:29

Ruben hoŋ ay mba gol hu goloŋga na ni, fi Yosef ka huɗi, nam haa baraw mamma tamma kiyo.

URA TIN AYRA 37:34

Nam haa baraw mamma tamma kiyo, njun baraw bolna hurumu. Nam buu coco a li hahaw goromara.

URA TIN AYRA 44:18

Yuda ɦuɗ tam eg Yosef dam ana, «Sa ŋgolna huruŋ ɓeŋ k saaŋ ma sunda min a daŋ boyna nde kay aŋŋi ko Faraw na.

URA TIN AYRA 44:34

An ndak hoŋ vo bay goona unni lini nanage? Ҥawaa an ka wi hahawra vi bunda u irin oloɗi.»

2 SAMUEL 1:11

David kaw baraw mamma na ni, ɦaaram ki gaw. Suu umma halaŋŋi li na lay.

2 SAMUEL 3:31

David di Joab u suu mamsina halaŋ ana, «Haragi barawi magisina kiyo. Cukugi baraw bolla egegiya, a tiirigi u yoo tara fok Abner.» Mulna David tuɗ ha ŋgoo dagan maɗamu.

1 MULINA 21:27

Hu li ma Akab hum boy namma na ni, nam haa baraw mamma kiyo, cuk baraw bolna egemu, li laara may. Nam buu ni u baraw bolna egemu, tuɗ ni na suɗu suɗu ka tin sem kaŋga eŋgi lay.

2 MULINA 18:36

Suuna halaŋ laki ni ɦawa na en ka dam vaɗi kay mulna dasi ki ana, «Agi ka hoŋom diɗi.»

2 MULINA 5:7

Hu li ma mulna ndum magaa ndaɗta ndummi, haa baraw mam ma tamma ki di ana, «Anni Lona a ndak ci sana ki ci ni, hoŋ dliɗim layra su? A nam hin sunun sana ay ana suɗum ki ko tuguɗii busuna ni nanage? Agi wi ki ana nam halanni a honira ɦawaɗi su?»

2 MULINA 6:30

Hu li ma mulna hum boy namma na ni, nam haa baraw mamma kiyo, a nam ki kolo kay gulumunnara ni suuna halaŋ wi ki ana nam cuk baraw bolna egemu.

ESTER 7:4

Gasi daŋ may ni ami ay ki ni gusiya, an u suu mansina. A kiriɓimi kira, a cami kira a bulumumi kira. Gasi daŋ may li ni ami ay ki ni gusi ko ndal mborɓogina na, ko suu li sunda maŋ suunana na ni, an hin seŋ tanu kay ana las ndaɗta ni asi ka ɓeŋ hu mulna kiɗi.»

JOB 2:13

Asi lak ga egem duk ndaŋgara ta ta buuna kiɗisiya. Sa ka dam vaɗi lay, kay asi wammi nam mbuɗ ki irisi hahaw cocoo.

SOOLLA 39:2

An di ana, «Hu poy manda ni an ŋgom tanu, ko boy ma co kal ki fununɗi, lini an ŋgaf u sa ma co wa ni, an vi vununu, ka dam boyɗi.»

DI BOLLA 3:6

Buu dew a hal ayra, buu dew a ba ha kira may. Buu dew a ɗokka, buu dew a ba kira may.

EZAYI 36:21

Suuna halaŋ laki ni ɦawa na en ka dam vaɗi. Kay mulna dasi ana sa hoŋom diɗi.

JEREMI 36:24

Asi mbuɗ ka ndaaɗi, asi haa barawi masisina ka kiɗi, mulna u tamba lay, suu mam suu ŋgolo suu sunda sa na dew lay ni li ndaa kaɗi hu li ma asi hum boy namma ki na halaŋ halaŋŋa.

JEREMI 8:14

Ni kay me aygi kakaygi na en ka mbusuguygiɗi may nige? Tokogi tagiya. Kalaygi hu li ma saɓakŋa mbusuguygi oloɗi. Kay ana Yawe, Looygina, doroygi ki ana aygi mbusukgi nam ɦaygi yo ma co ma ci suuna a cira. Gasi, aygi ki suluk fok Yawe.

YOORA 3:28

Nam ndak kak ki keŋ na en hu li ma Yawe min ana nam tlamuna.

JOEL 2:13

Yoorogi hurugi na ɗow, haragi barawi magisinaɗi, hoŋogi ay eg Yawe Loogina. Nam ka tew tew u heɓpa hurum ka ɓeŋ zak zakgi, ɗegee cocoo. Nam yoo tam kay dla cora ɦay.

AMOS 5:13

Gola ni kay ndaɗta, hu li ma sa dlara vamma seŋ tamu, kay ana ni li ma hahawra.

AMOS 8:3

Suu gi soolla hu zirana hin oy hu buu namma. Yawe, Loonna, di na. Suuna bolowo hin miɗ kiyo, vun suuna hin seŋ ki hu lina bel.»

MISE 7:5

Agi vagi u sa ma hu dee magiranaɗi, agi ɦagi tagi ki maŋ sa ma banagiɗi. Fok ca mayra ka koɗ taɗ koŋga, gol taŋ jivi u dla mayra kal ay ki funuŋga.

SUNDA 4:20

Ami tamira ka ndak a tin vunumi kay va ma ami wam u irimi lay, humum u humumi laynaɗi.»

SUNDA 9:39

Piyer vi yam kaɗi gi tam usi zak gaw. Nam mba tew egesi tew ɗaŋŋi asi tuɗum hu zira ha kolo kay ndaraɗtara. Boyogi suu donona halaŋ tok ay egem a tiina. Asi takam barawi suu Dorkas li ha cilisi hu li ma ndaɗ ha iiri tuna.

1 SAMUEL 10:16

Sol di bum mbana ana, «Nam ɓakami ay ki jivira ana fi korra wa.» Na may kay boy mulla ni nam ɓakam dlara Samuel daɗta kaɗi.