DI BOLLA 3:4 - Boy Lonana

⁴ Buu ma tiina dew may, buu ma sanda ni dew may. Buu ma yoo tara ni dew, buu ma luu njoŋŋa ni dew may.

DI BOLLA 3:4 Iomraidhean Croise

URA TIN AYRA 21:6

Sara di ana, «Lona mbuɗun dlaanda ki sanda furira, gegelay ma humun dlaandana hin sana.»

2 SAMUEL 6:16

Doli ɗini hu li ma Zanduk Yawera kal ay ki hu Ҥoŋzi Davidna, Mikal ta goŋ Solla tin iriɗ ay ki ii zira. Ndaɗ wi mulna David weɗ koloo, luu njoŋŋa fok Yawe, huruɗ ɓeŋ ki egemmi na gaw.

SOOLLA 30:11

Humunu, Yawe, wan hahawanu. Yawe, mbay njununu.

SOOLLA 30:5

Agi suu ɗegeena ŋgaagi Yawe, geleɗemu takam sem ma teteɗna kiyo.

KALKIRA 15:20

Miriyam, cara jok vun Lona, wayaŋ Aaronda, tli dadarira koɗu, boyogina cuk ay ki uɗ halaŋ halaŋ, gi soolla, luu may.

DI BOLLA 3:5

Buu ma gik gogoyra ni dew, buu ma vaa gogoyra ayna ni dew may. Buu ma furi mbokŋana ni dew, buu ma ka min mbokgina ni dew may.

DI BOLLA 7:14

Lini dlara halaŋ ka tuɗ jiviya ni furuyuygiya, lini dlara halaŋ ka tuɗ coo ni, saaraygi may. Lona sun jivira u cora ay halaŋ, sana ka ndak a waɗ uɗɗi, ka wi va ma hin li ka ŋgorommaɗi lay.

EZAYI 40:1

Ɗiligi irigiya, ɗil irigiya, suu mansina, Loogina di na.

EZAYI 40:2

Di suu Yerusalemma, dasi ana buu masi ma wihawra hin daɓa, dla coosira warak ki wa, an hin ɦasi warak masina u tanda, asi fi warakŋa sesi mba' mba' ko Yawe kay dla coosira.

MATIYE 11:17

ana, Ami ŋguruɗ diffa, agi luu njoŋŋa kaɗi. Ami tiira, agi yooromi kaɗi lay.

MATIYE 9:15

Yesu dasi ana, «Suu mba vogodona li lakira hahawra u njuf cara kaki egesina su? Falira njuf cara kaɗira, asi hin li laara tuwa.

Boy Ma Ayra Ma LUK Ɓiirimma 1:58

Suu maɗ suu hu zina u somoyoɗ hum ana Elisabet vuɗ wani, asi taɓ li furira u ndaɗu kay goo ma Lona u jivi mamba ɦaɗna na.

ROMMA 12:15

Lagi furira u suu ka furina, tiirigi u suu ka tiina.

2 KORINTNA 7:10

Yoo mayra eg Lonara ni jok iirira ki zeɗ, tuɗ sana hu suɗta, sana ka ndak a saa kaɗ oloɗi. Yoora hu ndaŋgara ni tuɗ sana hu miɗna.

Magaara JAK Ɓiiriɗta 4:9

Lagi hahawra, tiirigiya, yoorogi tagiya, mbuɗugi san magira ki tiina, furi magira jok ki yoora may.