DI BOLLA 2:3 - Boy Lonana

³ An ɦal tan ana an gol jivi ci summa ki tuwa. An min a li ko suu puluɗina na, a wi dlara suu warna ka laɗ jivi kay ndaŋgara tani wandara. May ni an min gol tan jivi tew tew ka hin a tliwin su kanɗi.

DI BOLLA 2:3 Iomraidhean Croise

URA TIN AYRA 47:9

Yakob hoŋom dira ana, «Basaɗanda ka poy kay ndaŋgara ki cani kis duk dok-hindi. Basa manda hu ndaŋgara ka ŋgolɗi lay, ka kan jiviɗi lay, basaɗan tew ka ko mayra vi somoyonda naɗi.»

JOB 14:14

Kay sana miɗ ki wa ni hin hoŋ iiri olo su? Buu maa an buurum hu sun mandana halaŋ an juɓmi sa ma mbuɗunna.

SOOLLA 104:15

Sum veŋŋa ka furi huu suu warna, mbulna ka lasi ti ma jivina. Funa kay a ɦasi saɓakŋa may.

VUN ŊGOLNA 20:1

Sum veŋŋa ni va ma pan suuna. Ergena mbuɗuŋ sa ma hoo vunna. Sa ma hin tam a guruɗ u tle asinana ka wi dlaɗi.

DI BOLLA 1:17

An saa hurun ana an a do u yalna u wira ki may, do u laɓara u puluɗta ki may. Lay ni an hin wi ki ana halaŋ cani jak ki ni u semeɗna ɦawaa.

DI BOLLA 10:19

Ti ma jivi ma tinim fokoy na ɦikŋa furi huuna. Sum ma camma mbuɗ sana ay coco may. Tle asina jak ca ni fasi ni u gursura.

DI BOLLA 12:13

Gola ni vunun ma ndi gana. Va ma sa warna a lamma ni nam hum u Lona, li u gaɗ mamba may.

DI BOLLA 2:24

Va ma daŋ ma jivi kay sana hu duliyara ni kaɗi. Ni kay a ti may, ci may, wi jiv sun mamba nam laɗta. An wi ana, halaŋ ca ni col ay ni hu duk ko Lona dew.

DI BOLLA 5:18

Lini Lona ɦal ɦiza maŋ sana, nam ɦam saɓak ma ti u bege mam ndaɗtana may. Nam fi keŋ mamma kay loɓom ma nam loɓma may, ni nam furiya. Li wa na ni ɦalla vi Lonara.

DI BOLLA 6:12

Sa ma wi dlara ndak sana ki jivi hu iiri mamba nde hu duliyara wandara ni gege? Iiri ndaɗta jak ki ni semeɗna ɦawa na. Ɗowba sa ma ndak a di sana kay dlara hin li ka ŋgorom dagan miɗ mammara ni gege?

DI BOLLA 7:18

Mariyaɗ ni aŋ li u gaɗ ndaɗta jak bel, kay sa ma li ndaa Lonana lasi ki ni bel.

DI BOLLA 7:25

An so hurun coco a wi u dlara kiyo, a laɗta lay, halaɗ uɗ ki coco may. A wi ki ana huu ma cona ni puluɗta. Ndaɗta ni ko sa ma yam ki ɓalakina na.

DI BOLLA 8:15

An may ni ka furira coco kay va ma vi sa warna ma kay ndaŋgara tanina ni ti may, ci may, hin furi may. Ni va ma nam ka fam u sun mamba nam laɗta kay a juɓ buu mam ma Lona ŋgaamma kay ndaŋgarana.

MATIYE 6:24

«Sa ndak ka li sunda fok mulina mba'ɗi. Nam li min ma hiŋŋa ni hin maa ki dew. Nam li ɗegee u maa dew ni hin noy ma hiŋŋa may. Agi ndak a sun Lona may, gursura may na jakgi»

EFESNA 5:18

Guruɗugi tagi u summaɗi, kay dla ndaɗta ndak a tuɗugi hu poyra cora, hoɓogi ni u Musuk Lonara na ɗow.

SUU KAƁAKŊA 9:13

Gugutluna hoŋosi dira ana, An ndak a noy sumun ma furi loogina u suuna ɦayna ki kay a kak ŋgolla kay ŋgusugina su?

1 SAMUEL 25:36

Abigal hoŋ ay vo vi Nabal. Gola ni nam ka li luuna, luu ma gasi ma vi mulnana. Nabal hurum ki oyra u furira. Nam guruɗ tam ki na tagalas. Ndaɗ neem yam ka kay vaɗi ta ta ŋgarpiiri.