2 DLAŊ MULINARA 9:4 - Boy Lonana

⁴ Ti may ma mbay kaŋga fokom kay tabullana, li ma suu mam suu sunda bu huna yal ma vi suu mam suu sundana suu sunda baraw ma ta suu sunda suu mbaa tina ay kay tabulla u tlesuu cirana, ndaɗ wi mulna kal ay ki kolo hu Ziŋ Yawera na, saara su ki kaɗ cocoo. Ndaɗ mbuɗ ni ko ndal miɗira ɦawa na.

2 DLAŊ MULINARA 9:4 Iomraidhean Croise

1 MULINA 10:5

ti ma kay tabul mambana, li ma suu sun mamsina buu huna, njaf yoori mam suu vo varamma, baraw ma cuki ta suu mam suu li sundana, ɓivun ma nam lam a ŋgalam hu li ma ŋgal ɓivunna hu Ziŋ Yawerana, dla ndaɗta su ki kaɗ cocoo.

1 MULINA 5:2

Hu buu ma dewna ni Salomon ti ni fuɗ saytokka ɦarira ni ii kelewna buɓ buɓ dleeŋe ta ki tegeɗiira ni kelewna 18.000 may.

1 MULINA 5:3

Bolo mbutlugi suu ɗoorina doogo, mbutli suu ɦawana dok-mba' may, timigiina kis, tlesuu daŋŋa ni ndumusi ka huɗi, gi laffa u dukgina ndumusi ka dukgi, ugi layagina lay ka huɗi.

2 MULINA 16:18

Kay a gol ii mul ma Sirina ni nam to li ma kurufu mini ma uɗ ha kalafi hu Ziŋ Yawera hu buu ma vi Lonna kiyo, hin li ma mulna kal ha huna ki ii bunsu na may.

1 DLAŊ MULINARA 9:18

Ta ta karam lay ni ka col fun ziŋ mulnana maɗiina ni asi suu col fun kaana ni goryoŋ Levina.

2 DLAŊ MULINARA 23:13

Ndaɗ gol iriɗ ha na ni wi mulna ka ki coli kolo kay vun zira. Mulina u suu bu tokolomma ka njaari egem na tok. Suuna halaŋ ka furiya. Asi bu tokolomma may. Suu bu tlena bu gi dadari masisina may, ka tuɗ fok suu geleɗ mulnana. Ataliya haa barawi maɗsina ki, oo uɗ kolo di ana, «Duuna. Duuna.»

2 DLAŊ MULINARA 9:3

Ca mulla Sabara hum boy ma yal coco ma vi Salomonna. Ndaɗ golom ziimba jivi coco ta nam miniɗta may.

2 DLAŊ MULINARA 9:5

Ndaɗ hin di mulna Salomon ana, «Dlara an humuɗ ay kaŋ hu mbas manda kay boy ma aŋ damma u yal maŋŋara ni gasi daŋ may.

NEHEMI 1:11

Ha, Bu Suuna ko humuŋ li tini a hum cenda vi suu maŋ suu sunda suu ka u furira laŋ ndaaraŋŋa. Ҥal voɗta maŋ saaŋ ma sunda a fi u dlaamba karami, hinim nam fi heɓpa fok sa namma.» Na ɗaŋŋi anni sa ɦal tlesuu tira maŋ mulnana.

SOOLLA 119:81

An loɓ ki coco ko juɓpa an ka juɓuŋ suɗ maŋgara. An saa ni kay boy maŋŋa.

SOOLLA 143:7

Yawe, hoŋon dira ay zak, musukun ka oloɗi. Ŋgay taŋ ki irinɗi, li ka naɗi ni anni ko suu cuk ki ga hu zulla na.

VUN ŊGOLNA 9:5

«Mbaagi aya tagi kay tabul manda, cagi sum veŋ ma an lamma may.

SOOLLA VI SALOMON 5:8

Agi gorɓii suu Yerusalemma an suurugiya, lini agi famu, lini agi ŋgaf u galanna wa, dam ana an ka halam cocoo, kay an minim ɦay.

EZEKIYEL 44:3

Na may mulna, kay nammi mulna, hin kak hu vun namma kay ti funa fokonda. Nam kal ay hu ni ii vun ma keŋ zira ŋgolla na. Nam hin hoŋ ki bunsu ni hu voɗ ndaɗta lay.»

EZEKIYEL 46:2

Mulna kal ha hu vun ma ii ŋgoona, ha fun zira ŋgolla hu li ma nam kak huna na. Nam col vun goŋga u semu, mul ma li ɓivunna lam ɓivun ma ŋgal kina u ɓivun ma taɓ duk ɦoŋga kamu. Nam goɓ ga fok Lona u hurum halaŋ fun zira ŋgolla, ŋgoo dagan nam hin hoŋ ay kiyo, na may vun namma sa ka dugum oloɗi ta ta fiɗigiya.

DANYEL 10:17

Ni nana sa sunda vi Malanna hin di Malanna ana an cecemmi saɓakan ka na ndeɗi lay, musukun ka na ndeɗi lay ni ge?»

MATIYE 6:29

Salomon tlena kom coco, baraw mamma jivim tew ka u ɓo tle asinaɗi lay.

Boy Ma Ayra Ma LUK Ɓiirimma 12:37

Furira kay suu asina kay mul masina mba fasi iiriya. An dagi ha ni gasira nam u tamba hin min tamu ɦasi li kakŋa, tuɗ yow funa aya, cukusina fokosiya.

WIRA ŊGAYRA 1:17

An wam wi ni ndi kaŋga fokom ko miɗira na. Nam tin kom ma njufna kan dan ana, «Li ndaaɗi, an ni ura tin ay jewra u daɓpa daganda lay.

WIRA ŊGAYRA 3:20

Huma, an ka coli a daɓ vun zira, lini sa humun delenu ni, mal vun zira kiyo an kal varamu, ti funa u namu, nam hin ti u an may.