2 DLAŊ MULINARA 7:16 - Boy Lonana

¹⁶ Cemi ni an man li namma wa, an mbuɗ ziin ndaɗta ki teteɗ kay sen yi ha huna gak gak. Irin u hurun halaŋ ka cuki kay li namma.

2 DLAŊ MULINARA 7:16 Iomraidhean Croise

1 MULINA 8:16

Col ay hu li ma an cuk suu man suu Israelna ay ki hu mbassa Egiptera day, an man ɦoŋzi ma ŋgol ka ki a asi minin zina a an hin tak tan ki irisira tuɗi. May aŋ David an manaŋ ki ni a mul ma fok suu man suu Israelna.

1 MULINA 8:35

«Hu li ma huulona duk ki wa, yo lo ka si kay yam ndaŋgara oloɗi kay ana suuna laŋ dla cora egeŋu, lini asi cen hu li namma, geleɗeŋ seŋu, hom coosira ki may kay aŋ tinisi dlara hahawra kasira ni,

1 MULINA 8:44

«Lini suu maŋsina hin tuɗ a duu u suu babali masisina hu li ma aŋ dasi ana asi tuɗ huwana, lini asi cen Yawe kay li namma ma aŋ sunusi huna, kay ɦoŋzi ma aŋ manamma u zira an miniɗ wan a yaŋ seŋ hura ni,

1 MULINA 8:48

Lini asi hoŋ ay egeŋ u hurusi halaŋ u saa masisra halaŋ hu mbassa asi ha ki hu duk suu babali masisinara, lini asi ka cen ay egeŋu, pereɗ irisi ay hu mbas masira, mbassa aŋ ɦaɗ ka maŋ somoyosira, hu ɦoŋzi ŋgol ma aŋ manam kina u zira an miniɗ a yaŋ seŋ hura ni,

1 MULINA 9:3

Yawe hin dam ana, «An hum cenda u joɓpa aŋ joɓondawa. Zira aŋ miniɗ ndaɗta an mbuɗuɗ ki teteɗ wa, a sen hin yi ha huruɗ ni na gak gak. Irin u hurun halaŋ ka cuki kay Zi ndaɗta.

2 MULINA 21:4

Nam min otella maŋ loogi suu daŋŋa hu Ziŋ Yawera zeɗ zeɗ. Ta Yawe u tamba di ana, «Hu Yerusalem an hin tin senni huwa.»

2 DLAŊ MULINARA 30:8

«Cem wanda soogi yagi ki ko ndal somoyogi na oloɗi. Baaragi kogi fok Yawe. Mbaagi ay hu ziim ma nam mbuɗum ki teteɗ a fafaɗta wanna. Sunugi Yawe, Loogina, kay a nam vaɗ hurum ma ɓeŋina ki egegiya.

2 DLAŊ MULINARA 6:20

Ko iriŋ li ki mali kay ziiŋ ndaɗta faali lay, njeŋge lay kay li ma aŋ di ana aŋ hin tin seŋ huwana. Hum cenda saaŋ ma sunda ka ceneŋ hu li nammara.

2 DLAŊ MULINARA 7:12

Yawe tak tam ki irim duk njeŋgera dam ana, «An humuŋ cen maŋga wa. An man li namma ni an tanda a li ma li ɓivunna.

2 DLAŊ MULINARA 7:15

Cem wandara irin ki maliya, humun ka tini ta a hum cenda hu li nammara.

2 DLAŊ MULINARA 7:17

Aŋ may ni lini aŋ tuɗ fokon jivi ko ndal buŋ David lira na, li u dlara an daŋgara halaŋ, aŋ golon gaɗ manda u dlara an miniɗta jivi may ni.

SOOLLA 132:13

Kay Yawe manni Siyon, nam min a li ziimma ni huwa.

SOOLLA 132:14

«Siyon ɦinni a liin ma koɗ tara a fafaɗta, an hin kakŋi huwa, an minni zi namma.

ZAKARI 3:2

Sa sunda vi Yawe di Satanna ana, «Ko Yawe seŋeŋ vunuŋ kiyo, Satan. Gasi ko Yawe seŋeŋ vunuŋ kiyo, nam ma ŋgaɓ Yerusalem kina. Kay sa namma ni ko vun gu ma tlam ay ki duk kurana naɗi su?»

MATIYE 3:17

Della ɓak ay kolo huulona ana, «Wanni goron ma an minimma. Nam irin jivi ɦay.»

GA 8ATAMBARA 12:21

Lini li ma Yawe Loogina manam a tii sem hurumma ha ki eg ɦoŋziigina day ni, agi ndak ŋgaɗ mbutlina u timigiina u ɦugunina hu ɦoŋziigina tlesuu Yawe Loogina ɦagisinana, li ko ndal an dagira na may. Agi ndak komosi ha hu ɦoŋzi magina ko agi minda na.

GA 8ATAMBARA 16:11

Ni hu li ma Yawe Loogina manam tin sem huna, agi hin laɗ u furira fok Yawe Loogina u goryogi suu njufiina u gorɓiina u suu sun magi suu njufiina u boyogina u njaf suu vi Levi suu cuki dukugina, koyogina gor suu kuyuna u boyogi suu dono suu dukugina halaŋ.

KOLOSNA 2:9

Hu li ma Lona gi Kristu ki a sana ni kay nam tamba ka hurum hu gaw may.