2 DLAŊ MULINARA 6:5 - Boy Lonana

⁵ Col ay hu buu ma an cuk suu Israelna ay ki hu mbassa Egiptera day ni, an man ɦoŋzi ma ŋgol maa ka duk suu Israelna a min ziinda hu a yan senda tuɗi. An man sa ma daŋ ma a kak mulna kay suu man suu Israelna kaɗi lay.

2 DLAŊ MULINARA 6:5 Iomraidhean Croise

1 MULINA 8:16

Col ay hu li ma an cuk suu man suu Israelna ay ki hu mbassa Egiptera day, an man ɦoŋzi ma ŋgol ka ki a asi minin zina a an hin tak tan ki irisira tuɗi. May aŋ David an manaŋ ki ni a mul ma fok suu man suu Israelna.

2 MULINA 21:4

Nam min otella maŋ loogi suu daŋŋa hu Ziŋ Yawera zeɗ zeɗ. Ta Yawe u tamba di ana, «Hu Yerusalem an hin tin senni huwa.»

1 DLAŊ MULINARA 17:5

Kay ana an kak ay ka hu ziɗi col ay hu buu ma an sel suu Israelna ay kina ta ta karami. Na may ni an jok ay hu mbutluɓma ni na jok jok, jok hu ziginina ni na jok jok.

2 DLAŊ MULINARA 12:13

Mulna Roboam kak eŋ coco hu mul mamba hu ɦoŋzi ma Yerusalemma. Nam kak a mulna na ni basaɗam ki ni dok-fiɗi. Nam hin ti mulla ni basara doogo yam kiɗisiya may hu ɦoŋzi ma Yerusalemma. Ni ɦoŋzi ma Yawe manam ki duk suu Israelna halaŋ a tin sem huna. Roboam sem sum ana Naama. Ndaɗ ni goora Amonda.

2 DLAŊ MULINARA 20:8

Asi hin cuk huwa, hin min li ma li ɓivunna. Asi hin di ana,

2 DLAŊ MULINARA 20:9

Lini dlara hahaw mba kami wa, gaɗta, duuna, mbogomma u may ŋgolla ni ami hin mba ni fun zi ndaɗta, ni ana mba ni fokoŋ aŋu. Kay aŋ tak taŋ ki wa. Hu yoo mamira ami yaŋ, aŋ mbay njunumiya. Aŋ may ni hin humumiya, hin suɗumi kiyo.

2 DLAŊ MULINARA 30:8

«Cem wanda soogi yagi ki ko ndal somoyogi na oloɗi. Baaragi kogi fok Yawe. Mbaagi ay hu ziim ma nam mbuɗum ki teteɗ a fafaɗta wanna. Sunugi Yawe, Loogina, kay a nam vaɗ hurum ma ɓeŋina ki egegiya.

2 DLAŊ MULINARA 33:4

Nam min givin ma togolla ki hu Ziŋ Lonara ni u li ma Yawe di ana, «Sen hin hu ɦoŋzi ma Yerusalemma ni a fafaɗtana.»

2 DLAŊ MULINARA 33:7

Nam cuk tlesuu fulina suu asi ceɗesina ki hu Ziŋ Lonara. Doli ɗini Lona di David u goromma Salomon ana, «Hu zi ndaɗta u ɦoŋzi ma Yerusalemma halaŋ an hin tin sen hu ni a fafaɗta.

2 DLAŊ MULINARA 6:20

Ko iriŋ li ki mali kay ziiŋ ndaɗta faali lay, njeŋge lay kay li ma aŋ di ana aŋ hin tin seŋ huwana. Hum cenda saaŋ ma sunda ka ceneŋ hu li nammara.

2 DLAŊ MULINARA 6:4

Nam hin di ana, «Gi deɓ Yawe Lona vi suu Israelna ma ɓak maŋ bun David u vun tambana ma u kom tamba hin li dla ndaɗta ki mayna.

2 DLAŊ MULINARA 6:6

Na may an man ɦoŋzi ma Yerusalemma a sen yi huwa. An hin man David a mul ma Israelna fok suu mansina.

2 DLAŊ MULINARA 7:16

Cemi ni an man li namma wa, an mbuɗ ziin ndaɗta ki teteɗ kay sen yi ha huna gak gak. Irin u hurun halaŋ ka cuki kay li namma.

EZDRAS 7:16

Ko ndaɗta na doonora u lorra aŋ hin fasi ay hu ɦoŋzi ma bagi ma hu Yerusalemma u tlesuu suuna ɦasi ɦalla ɦawarana ko suu li ɓivunna u suuna yowosi mbasi ay hu Ziŋ Lonara Yerusalem.

KALKIRA 20:24

«Aŋ minin givin ma togolla u ndaŋgara a lan ɓivunna hura, a li ɓivun ma ŋgalam kina u ɓivun ma heɓpa u yoori suu goorina u suu ŋgolona, hu li ma an tak sen huna halaŋ. An hin mbay egeŋu, hin paɗ vunun ki kaŋu.

KALKIRA 23:21

Agi golom jiviya, humugina vunumu, cagi way u nambi, nam ka ndak a siɓ ŋgel vunnaɗi kay sen ka hurumu.

DANYEL 9:19

Bu Suuna, hum haa, Bu Suuna, ɦami gira, Bu Suuna, min taŋu li dlaaŋga, juɓbi, ni kaŋ aŋ taŋga Loonna, kay ana seŋ ka yi hu ɦoŋziiŋŋa kay suu maŋŋa.

ZAKARI 3:2

Sa sunda vi Yawe di Satanna ana, «Ko Yawe seŋeŋ vunuŋ kiyo, Satan. Gasi ko Yawe seŋeŋ vunuŋ kiyo, nam ma ŋgaɓ Yerusalem kina. Kay sa namma ni ko vun gu ma tlam ay ki duk kurana naɗi su?»

GA 8ATAMBARA 12:11

Ni hu li ma Yawe Loogina manam u tamba a sem tii ki huna. Agi tuɗ u tlesuu an dagi ana agi tuɗ u asiyana halaŋ, ɓivun ma ŋgalam ki ŋgalina, ɓivun magi ma kay tagina, ɦal magira ɦawara, megelay ma agi manam u min magira a ɦam ki maŋ Yawe Looginana.

GA 8ATAMBARA 12:5

Agi hin halammi hu li ma Yawe Loogina hin manam duk njafagi halaŋ a tin sem huna, a kakŋi hu lay, ni agi hin tuɗ ni hu li namma.

1 SAMUEL 10:24

Samuel di suuna halaŋ ana, «Agi wi sa Yawe manamma ɗaŋ su? Sa ko nam na ka duk suunaɗi.» Suuna halaŋ li furira, yi kolo u delesi eŋga ana, «Kak a fafaɗta mulna.»

1 SAMUEL 15:23

Na may yara lira ŋgol su kaboy ma kaamma, ciwayra su kumu ma vamma kay ana aŋ noy boy ma vi Yawena kiyo. Nam noyoŋ ki may, aŋ ka mul oloɗi.»