2 DLAŊ MULINARA 5:2 - Boy Lonana

² Salomon tok suu ŋgolona ay egem halaŋ, muli suu fok dee suu Israelna halaŋ, goryoŋ muli suu basi suu Israelna halaŋ kay a tli Zandukka Galamba vi Yawe ay ki hu Ҥoŋzi Davidna ma asi yam ana Siyonna.

2 DLAŊ MULINARA 5:2 Iomraidhean Croise

2 SAMUEL 5:7

David tli ɦoŋzi ma saɓak Siyonna kiyo. Ni Ҥoŋzi Davidna.

2 SAMUEL 6:12

Asi mbay di mulna David ana, «Yawe paɗ vunum ki kay ziŋ Obed-Edomma u tlesuu varamma halaŋ kay Zanduk Lonara.» David tuɗ ɗaŋŋi tli Zanduk Lonara ay ki hu ziŋ Obed-Edomma tuɗuɗ ki hu Ҥoŋzi Davidna u furira.

1 DLAŊ MULINARA 15:1

David min ziginina kam hu ɦoŋziimma. Nam min lina ki kay Zandukka vi Lonara, vaɗ mbutluɓma kaɗu.

1 DLAŊ MULINARA 15:12

Nam hin dasi ana, «Agi ni suu ŋgolo suu fok suu vi suu Levina. Mbuɗugi tagi ki teteɗ, agi u gorsegina, hoŋogi Zandukka vi Yawe, Lo ma vi suu Israelnana, ki hu li ma an miniɗna kaɗna.

1 DLAŊ MULINARA 15:25

Na ɗaŋŋi, David suu basi suu Israelna u suu ŋgolo suu fok suu buɓ buɓma tuɗ u furira a hoŋ Zandukka Galamba vi Yawera ay ki hu ziŋ Obed-Edomma day.

1 DLAŊ MULINARA 15:3

David tok suu Israelna halaŋ hu Yerusalem a tli Zandukka vi Yawera, tuɗuɗ hu li ma nam minim ki kaɗna.

1 DLAŊ MULINARA 16:1

Asi kal Zandukka ay hin tiniɗ hu mbutluɓma David minim kaɗna hu dukka gayra. Asi hin li ɓivun ma ŋgalam ki ŋgalina u ɓivun ma heɓ dukka fok Lona.

1 DLAŊ MULINARA 24:31

Asi lay ni li ŋgaɓpa ni ko gorsesi suu goryoŋ Aaronna li fok mulna David, Sadok, Ahimelek u suu ŋgolo suu fok suu li ɓivunna suu vi Levina na, dee suu vi mulnana u suu vi wayam ma toɓonana may.

1 DLAŊ MULINARA 24:6

Semaya, goŋ Nataneyelna, sa wi magaara duk suu Levina, ɓiirisi sesi kaŋga hu magaara fok mulna, fok goryoŋ mul ma li ɓivunna, Sadok u Ahimelek ma goŋ Abiyatarna u suu ŋgolo suu fok suu li ɓivunna u suu vi Levina, dee ta dew asi li ŋgaɓpa kaɗ maŋ Elazar, ta hiŋga olo, hu li ma asi ŋgaɓ ta dewra maŋ Itamar ni na dew daŋ.

1 DLAŊ MULINARA 26:26

Selomit u gorsem ma yasi ki kay a gol u tlesuu teteɗ suu vi mulna David suu fok suu hu dee masirana, asi ni suu ŋgolo suu fok suu buɓ buɓma, suu kis kisna, suu ŋgolo suu fok suu asgaanana.

1 DLAŊ MULINARA 28:1

David tok muli suu fok suu Israelna hu Yerusalem halaŋ, suu hu njaf suunana u suu hu dee suunana suu li sunda vi mulnna, suu fok suu buɓ buɓma, suu fok suu kis kisna u suu kay begera u yoori suu vi mulnana u goryomu, suu fokomma, suu duuna u suu dlasi ŋgolona halaŋ.

2 DLAŊ MULINARA 1:4

Kay Zandukka vi Lonara David tlaɗ ay hu Kiryat Yearim, tuɗuɗ ha ki vo Yerusalem. Nam tuɗ tiniɗ hu liiɗ ma miniɗna kaɗna hu mbutluɓma.

2 DLAŊ MULINARA 5:1

Hu li ma Salomon daɓ sun Ziŋ Yawera ki daɓmi, nam hin mbaa tlesuu bum tinisi ka ki maŋ Yawena ay kiyo. Doonora, lorra u tlesuu daŋŋa zeɗ zeɗ. Nam mba cukusi ki hu zira gol begera hu Ziŋ Lonara.

2 DLAŊ MULINARA 5:12

Suu deera vi Levi suu gi soolla ni Azaf, Heman, Yudutum u goryosi lay u suu daŋ suu hu dee masirana lay, cuk tasi ni baraw dlemba dereŋga. Asi ka njaari u diŋŋa, diffa u diŋ ma zewem bolowna, njaari ii u maɗiina keŋ givin ma togolla na. Muli suu li ɓivunna ka njaari egesi hu na tok. Asi ni kis duk dok-mba'. Asi ni suu wi yal bu tokolomma may.

SOOLLA 2:6

Nam di ana, «An mbuɗ mul manna ki teteɗ ni anu, tinim kay ɦinira Siyon, ɦini mayra teteɗta ɦini manda.»

SOOLLA 87:2

Lona min vun grek ma Siyonna su zi ma vi Yakobma halaŋ.

DLAŊ LEVIRA 9:5

Tlesuu Moiz joɓosina halaŋ asi mbaarasi ay ki fun Mbutliɓ ma tokka. Ŋgoo dagan suu tokina halaŋ ɦuɗ tasi aya, yow ki kolo u sesi halaŋ fok Yawe.

NDUMBA 10:33

Asi yow ha u ɦinira vi Yawera, tuɗ ta ta buuna hindi, Zandukka Galamba vi Yawera ka tuɗ fokosi hu buu ma hindi namma may, a takasi li ma asi hin vi ziisi huna.

NDUMBA 10:36

Hu li ma asi tin Zandukka ga wa ni Moiz di ana, «Yawe hoŋ ay duk suu maŋ suu Israel suu ka ndumɓina.»