2 DLAŊ MULINARA 5:12 - Boy Lonana

¹² Suu deera vi Levi suu gi soolla ni Azaf, Heman, Yudutum u goryosi lay u suu daŋ suu hu dee masirana lay, cuk tasi ni baraw dlemba dereŋga. Asi ka njaari u diŋŋa, diffa u diŋ ma zewem bolowna, njaari ii u maɗiina keŋ givin ma togolla na. Muli suu li ɓivunna ka njaari egesi hu na tok. Asi ni kis duk dok-mba'. Asi ni suu wi yal bu tokolomma may.

2 DLAŊ MULINARA 5:12 Iomraidhean Croise

1 DLAŊ MULINARA 13:8

David u suu Israelna halaŋ luu njoŋŋa fok Lona, gi soolla may, bu diŋŋa u diŋ ma zewem bolowna may, dadarina may, tlesuu bu suu daŋŋa u tokolomma may.

1 DLAŊ MULINARA 15:24

Suu li ɓivunna Sebaniya, Yasafat, Nataneyel, Amasay, Zekari, Benaya u Eliyezer bu tokolomma fok Zandukka vi Lonara. Obed-Edom u Yeliya ni suu gol u Zandukka.

1 DLAŊ MULINARA 15:27

David cuk efodna tamu. Suu li ɓivun suu tli Zandukka kasina lay, suu gi soolla u Kenanya, sa ŋgol ma fok suu tli tlenana. David gaɓ magaara gaɗta kelem kay efodna may.

1 DLAŊ MULINARA 23:30

Asi li kaki maɗii tew tew a ŋga Yawe geleɗem may. Asi li fiɗigi ni na lay.

1 DLAŊ MULINARA 23:5

Suu juɓ u vun zira 4,000 may. Suu geleɗ Yawe u tlesuu bura suu David di kasi ana, nam minisi a geleɗem u wanna.

1 DLAŊ MULINARA 6:33

Gorsesi suu Levina mbaasi ay ki hu sunda hu Ziŋ Lonara.

1 DLAŊ MULINARA 6:39

Gola ni li ma asi kak huna, ko asi ka irisi hu kaŋ masina hu ndaŋga masirara na, goryoŋ Aaronna ni hu deera vi Kehatta na, kay ana asi ni suu ŋgaɓpa mba kasi jewna.

2 DLAŊ MULINARA 29:25

Nam cuk njaf suu vi Levina kalafi hu Ziŋ Yawera ni u tlesuu bura zeɗ zeɗ diŋŋa u gi dadarina ko ndal David dira na, u dira vi sa ma jok vun Lona, Natan u Gad, sa vi mulna ma wi dlara li ha fokkana. Kay gaɗ ndaɗta col ay ni ko Yawe fun suu mam suu jokom vunumma.

2 DLAŊ MULINARA 29:26

Hu li ma njaf suu vi levina fi liisi ki u tlegeyesi halaŋ suu David lasi kana, muli suu li ɓivunna njaa ki u tokolomma may.

2 DLAŊ MULINARA 7:6

Muli suu li ɓivunna col ki hu liisi ma sunda halaŋ. Njaf suu vi Levina ka u tlesuu bura kosi may a geleɗ Yawera, tle asina lasi ka ni mulna David a geleɗ Yawera ana, «Kay ɗegee mamba ha ni na din din.» Hu li ma David ŋga Lona u tle asina ni muli suu li ɓivunna bu tokolomma gaw may. Suu Israelna halaŋ yow ki kolo u sesiya.

SOOLLA 149:3

Ko asi ŋgaam sem u njoŋŋa, asi bu diŋŋa u dadarina.

SOOLLA 50:1

Soolla vi Azaf. Lo ma kay loogina halaŋŋa, Yawe, nam ɓakka, nam yi suuna halaŋ, suu u maɗiinana ta ta suu u fiɗiginana.

SOOLLA 62:1

Soolla vi sa ma fok suu gi soollana, soolla vi David, gaɗ ni Yedutun.

SOOLLA 68:25

Haa, Lona suuna halaŋ wi saɓak ma aŋ su kay suunana wa, asi wi ki ana aŋ kal hu Ziiŋŋa wa, mul manna.

SOOLLA 88:1

Soolla vi sa ma fok suu gi soollana, soolla haɗta vi goryoŋ Korena, gaɗ u diffa u suu vi Heman ma Ezrana.

SOOLLA 92:3

A di ki kay ɗegee maŋga hu maɗiira day, kay jivi maŋga hu njeŋgera halaŋ.

WIRA ŊGAYRA 15:6

Suu sunda huulona suu kiɗisiyana suu tuguɗira cora kiɗisiyara kosina sel ay ki hu Ziŋ Lonara. Asi baraw ma haɓagina cuki tasi weleɗ wilik wilik, u gandi ma lor egemma njuni payasiya.

WIRA ŊGAYRA 19:8

Haɗ voɗta ndaɗ cuk baraw ma jivi ma weleɗ cocona taɗu.» Baraw ma jivina ko sunda ɗegeera vi suu vi Lonna na.