2 DLAŊ MULINARA 26:5 - Boy Lonana

⁵ Hu li ma Zakari ka iiri tuna ni nam hal Lona cocoo. Nam ka haɗam kay ɗegeera laɗ u Lonara. Hu li ma nam ka kaki ɗegee u Lonana ni Yawe ɦam tlena cocoo.

2 DLAŊ MULINARA 26:5 Iomraidhean Croise

URA TIN AYRA 41:15

Faraw di Yosef ana, «Doyra danu, sa ndaki a ganda uɗ ki kaɗi. An hum ana cuɗuŋ vun doyra wani aŋ ndak a gaɗ uɗ kiyo.»

URA TIN AYRA 41:38

Faraw di suu mamsina ana, «Hin fay ki sa ma Musukka vi Lona kam ko namma nana su?»

2 MULINA 15:34

Nam li ni dlara ii Yawe jivira. Nam li dlara ni ko ndal bum Azariya na dege dege.

1 DLAŊ MULINARA 22:11

«Cecem wanda ɗaŋŋi ko Yawe li u aŋu, goronna, a aŋ min zira maŋ Yawe, Looŋŋa, u heɓpa ko nam ɓak ki kaŋga na.

1 DLAŊ MULINARA 22:13

Na ɗaŋŋi sun maŋga hin tuɗ foko lini aŋ gol u gaɗ ndaɗta a takaɗ ki kiɗiki, gaɗta u vun ma Yawe ɦam ka maŋ Moiz kay suu Israelnana. Li saɓaki, ɦiŋŋi, li ndaaɗi.

2 DLAŊ MULINARA 14:6

Nam di suu Yudana ana, «Miniygi ɦoŋzina, gaygi gulumunna ki kamu. Miniygi zira fiyekka vun grekŋa duk vun grekŋa ki u cokorom kawina. Mbassa cemi ka koɗ taɗu kay aygi hal Yawe Looygina. Aygi halamu, nam ɦaygi koɗ tara hu lina wa halaŋ.» Asi min zina ki halaŋ ko asi minda na may.

2 DLAŊ MULINARA 15:2

Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

2 DLAŊ MULINARA 24:2

Joas li ni dlara ii Yawe jivira hu li ma mul ma li ɓivunna, Yoyoda, ka iiri tuna halaŋ.

2 DLAŊ MULINARA 25:8

Li ni asi tuɗ uŋ wa ni aŋ tuɗ duu vaŋ ta ta may, Yawe hin mbuɗuŋ seŋ maŋira fok suu babali maŋsina. Kay Lona dew ni sa ma ɦal saɓakŋa a su kay suunana. Nam dew ni sa ma hiniŋ ki ko suu babali maŋsinana lay.»

2 DLAŊ MULINARA 26:4

Oziyas li dlara jivi ii Yawera ni ko ndal bum Amasiyas lira na olo.

2 DLAŊ MULINARA 27:6

Yotam saɓakam ɦuɗ ha ni fok na ɗow ɗow kay nam tuɗ ɗegee ii Yawe Loommara.

2 DLAŊ MULINARA 29:1

Ezekiyas kak mulna na ni basaɗam ki ni dok-mba' yam vadl. Nam ti mulla hu Yerusalemmi basara dok-mba' yam dleeŋe. Sem sum ana Abiya. Ndaɗ ni goŋ Zakarira.

2 DLAŊ MULINARA 32:30

Ezekiyas gi voɗ mbo ma ay hu lokka Gihonda tuɗum a ɓaɗam ay ki ga hu Ҥoŋzi Davidna ni namu. Ezekiyas dlara nam laɗta bel ni nam faɗu.

SOOLLA 1:3

Sa namma ni ko gu ma pii doŋ lummana na, nam vuɗ vuɗummi hu liim tew tew. Humum ka yak kiɗi lay, dlara nam a laɗta halaŋŋi nam faɗu.

DANYEL 1:17

Doli ɗaŋŋi maŋ gor suu fiɗi asina Lona ɦasi yalna, haɗasi yalna a wi dlara. Maŋ Danyel may ni nam wi u dlara tak taɗ ii suunara, wi u doyra di suunara ki lay.

DANYEL 10:1

Hu basara hindira Syrus, mul ma Persena dlara tak taɗ ii Danyel ma sem ma geleɗta ana Beltasarna dew. Boy namma ni gasira u ti tara ŋgolla. Nam hum u boy namma, nam wam um ki jivira ni hu takka.

DANYEL 2:19

Na ɗaŋŋi Danyel hin fi u dlara mbuɗ mbuɗ ndaɗta ki u doyra hu senna njeŋgee. Na ɗaŋŋi Danyel hin gi deɓpa maŋ Lo ma kolo huulonana.

DANYEL 5:16

An may ɗaŋŋi hum asi ɓak kaŋ ana aŋ ndak a buɗ u dlara ki lay, gi ii boyna lay. Cecem wanda ni li ni aŋ ndak a ndum ɓii ndaɗta ki may, buɗuɗ uɗ ki may ni, hin ɦaŋ baraw ma gusum loɓma, hin cukuŋ ɦeɗew doonora deleŋu, aŋ hin li a mul ma vi suu sunda vi mulnana.»

Magaara Vi Sa Jok Vun Lona OZE 6:4

An hin laŋŋi nanage, Efrayim? An hin laŋŋi nanage Yuda? Min magira ni ko ndal ɗugulla maɗiira na, ko ndal mbaɗagira jakka na.

SUNDA 20:30

Dukugi tagira lay ni suu ɦiw hin yow kolo a ka boyna, hin viɗ yam suu vina ki usiya.

JOSUWE 1:7

Na daŋ may col saɓaki, so huruŋ eŋ cocoo. Aŋ mba gol taŋ jivi a li u gaɗta halaŋ ta saan ma sunda, Moiz, ɓiiriŋga kara. Viɗ taŋ ki a tuɗ bik njufɗi lay, guluɗi lay kay a li ma aŋ hin tuɗ huna halaŋŋi dla ka suu kaŋgi.

JOSUWE 1:8

Ka magaara gaɗta tuɗ ki funuŋ dayɗi. Aŋ hin hosokoɗ ni faali lay, njeŋge lay. Ni kay a li u tlesuu ɓiiri huruɗna halaŋ. Aŋ li wa na ni aŋ hin fi tlena hu iiri maŋga coco lay, dlara aŋ laɗta halaŋ aŋ ka puk hu taaɗi lay.

SUU KAƁAKŊA 2:7

Hu li ma Josuwe ka iirina ni suu Israelna halaŋ sun Bu Suuna. Suu ŋgolo suu wi dlara mbuɗ mbuɗta Yawe laɗta suu hin ka ŋgoo Josuwe daganna, asi sun Yawe u asi jivi lay.