2 DLAŊ MULINARA 22:5 - Boy Lonana

⁵ Nam humusi gaɗ masira tuɗ ko tam u Joram, mul ma Israelna, ma goŋ Akabma, a tuɗ duu u Hazael, mul ma Sirina, hu Ramot ta Galaadta. Suu Sirina dagam nam Joram ay fun duuna.

2 DLAŊ MULINARA 22:5 Iomraidhean Croise

1 MULINA 22:3

Mul ma Israelna di suu mam suu ŋgolona ana, «Agi wi ana Ramot ta hu Galaadta ni varaygiya, naɗi su? Aygi hin dlak ndaana a tlaɗ ki ko mul ma Sirina ni kay mege?»

1 MULINA 4:13

Goŋ Geberna hu Ramot ta Galaadta, nam ka u dee suu vi Yair ma goŋ Manasena vi zina keŋem hu may. Asi ka ni hu Galaad, mbassa vi suu vi Argobma ka hu may, asi ni hu Basan. Ҥoŋzi ma ŋgolona dok-karkiya gulumunna ki gi kasiya, u vun grekŋa dugi u kawi ma tlawna may.

2 MULINA 3:1

Joram ma goŋ Akabma mbuɗ a mulna kay suu Israelna hu Samari ni hu li ma Josafat, mul ma Yudana, li basara ki hu mulla ni doogo yam kalavandi may. Joram ti mulla ni basara doogo yam mba'.

2 MULINA 8:9

Hazael tuɗ eg Elize. Nam yow njaf tlesuu jivi hu mbas masirana kam halaŋ, yow tlena kay jamballa na dok-fiɗi. Nam mbay, mba col fok Elize dam ana, «Goroŋŋa Ben-Hadad, mul ma Sirina, sunun ay egeŋ dan ana, Na ni an hin kal ki bunsu a garaɗ ki ko tuguɗii ndaɗta su?»

2 MULINA 9:1

Fali taa dew ni Elize yi goo zoŋ maa duk suu jok vun Lona dew ni dam ana, «Min taŋu, tli goo kob ma mbulna koŋ tani, tuɗ hu Ramot ta Galaadta.

2 DLAŊ MULINARA 18:3

Nam hin joɓom ana, «Aŋ min tuɗ u an a ay nda nduguy zi ma Ramot ta Galaadta su?» Josafat hoŋom dira ana, «Ay ki cemi ni dew, suu maŋsina ni suu mansina may, mansina ni maŋsina may. An ndak a tuɗ duuna u aŋu.»

2 DLAŊ MULINARA 18:31

Hu li ma suu ŋgolo suu jaŋ pus pus ma kulumina wi Josafat ay na ni, asi di ana, «Gola cowni, mul ma Israelna.» Asi mba ŋguf ki kam a vamba may ni, Josafat sawalla kolo ana Yawe njunumu, Lona hin hoŋosi irisi ha ki kamu.

2 DLAŊ MULINARA 19:2

Sa ma jok vun Lona, Yehu, ma goŋ Hananina, mba ŋgafam vogom dam ana, «Aŋ a njun u sa ma cona ni ana mege? Aŋ sana ndak a min sa ma ka min Yaweɗina su? Dlara aŋ laɗ ndaɗta, Yawe hurum ki ɓalaki egeŋu.

2 DLAŊ MULINARA 22:6

Nam hoŋ ay mba cil mbilim ki hu Jizreel, mbil ma nam fam ay fun duuna hu Ramot a duu tasi u Hazael, mul ma Sirinara. Akaziya ma goŋ Joramma, mul ma vi suu Yudana, tuɗ ga hu Jizreel a heel Joram ma goŋ Akabma kay tam lam cocoo.

SOOLLA 1:1

Furira ka kay sa ma ka vi vunum u suu li dla coraɗina, ka taɓ tam hu voɗta vi suu li sulukŋaɗi lay, ka kak u suu pan Lonaɗi lay.

DANYEL 5:22

Doli ɗaŋŋi aŋ goromma, Baltazar, aŋ wi dla ndaɗta halaŋ lay ni heɓ huruŋ ka kaŋgaɗi,

MISE 6:16

Aŋ li u gaɗta vi Omrira, u dlara asi laɗ vo hu zina vi Akabpa lay. Agi tuɗugi ni u gaɗ masira, an may ni hin hiniŋ hu li ma hahawra, suu maŋsina hin mbuɗ ki zolona lay. Agi hin fagi ni dla co mayra suu mansina faɗta.