2 DLAŊ MULINARA 20:9 - Boy Lonana

⁹ Lini dlara hahaw mba kami wa, gaɗta, duuna, mbogomma u may ŋgolla ni ami hin mba ni fun zi ndaɗta, ni ana mba ni fokoŋ aŋu. Kay aŋ tak taŋ ki wa. Hu yoo mamira ami yaŋ, aŋ mbay njunumiya. Aŋ may ni hin humumiya, hin suɗumi kiyo.

2 DLAŊ MULINARA 20:9 Iomraidhean Croise

1 MULINA 8:30

Hum cenda saaŋ ma sunda u suu maŋ suu Israelna ceneŋga haa. Aŋ hum ay ni hu li ma aŋ ka kaki huna, ay kolo huulona, huma, hep huruŋu.

1 MULINA 8:33

«Hu li ma suu maŋ suu Israelna suu babali masisina su kasina ni kayra asi laŋ dla cora egeŋga, lini asi hoŋ ay egeŋu ŋgaaŋ seŋu, cena, joɓoŋ hu zi ndaɗta ni,

1 MULINA 8:37

«Hu li ma may ŋgolla ndi hu mbassa wa, ɗowba himina ndi kay wana soom kiyo, ɗowba baa njeena ti wana kiyo, hu li ma suu gonokka ka las suu Israelna ta ta mba ndukusi hu ɦoŋziisi ma saɓakasi huna, hu li ma dla cora ndi kasira halaŋ ka lina, u gi tuguɗii mayra cora,

2 DLAŊ MULINARA 20:8

Asi hin cuk huwa, hin min li ma li ɓivunna. Asi hin di ana,

2 DLAŊ MULINARA 6:20

Ko iriŋ li ki mali kay ziiŋ ndaɗta faali lay, njeŋge lay kay li ma aŋ di ana aŋ hin tin seŋ huwana. Hum cenda saaŋ ma sunda ka ceneŋ hu li nammara.

2 DLAŊ MULINARA 6:5

Col ay hu buu ma an cuk suu Israelna ay ki hu mbassa Egiptera day ni, an man ɦoŋzi ma ŋgol maa ka duk suu Israelna a min ziinda hu a yan senda tuɗi. An man sa ma daŋ ma a kak mulna kay suu man suu Israelna kaɗi lay.

EZDRAS 10:1

Hu li ma Ezdras ka cen may hom u tiina kay suluk mamma kaŋga goɓi fun Ziŋ Lonara, suu Israelna tokira bolow cocoo. Njufiina u boyogiina kem gorira may tok tasi egem kay ana suuna tii u simina irisi cocoo.

SOOLLA 50:15

Na ɗaŋŋi yan hu li ma dlara faŋŋa, an hin suɗuŋ kiyo, aŋ hin ŋgaan may.

SOOLLA 91:3

Nam suɗuŋ ay ki hu bay ma vi sa ma li lamba ni namu, suɗuŋ ay ki ko tuguɗiira zeɗ zeɗta lay.

KALKIRA 20:24

«Aŋ minin givin ma togolla u ndaŋgara a lan ɓivunna hura, a li ɓivun ma ŋgalam kina u ɓivun ma heɓpa u yoori suu goorina u suu ŋgolona, hu li ma an tak sen huna halaŋ. An hin mbay egeŋu, hin paɗ vunun ki kaŋu.

KALKIRA 23:21

Agi golom jiviya, humugina vunumu, cagi way u nambi, nam ka ndak a siɓ ŋgel vunnaɗi kay sen ka hurumu.

MATIYE 18:20

Lini suu mba' kala, hindi kala, tok tasi u sen wani, an ka dukusi may.»