2 DLAŊ MULINARA 20:7 - Boy Lonana

⁷ Lona, aŋ dik suu hu mbassa wanda ki hu li ma suu maŋ suu Israelna mba na ni ka aŋgi su? Aŋ ɦal mbas ndaɗta ki a fafaɗta maŋ banaŋŋa Abrahammi ka aŋgi su?

2 DLAŊ MULINARA 20:7 Iomraidhean Croise

URA TIN AYRA 12:7

Yawe tak tam ii Abram dam ana, «An hin ɦaŋ mbas ndaɗta ni maŋ njafaŋu.» Abram min givin ma togolla maŋ Yawe hu li ma nam tak tam irim huna.

URA TIN AYRA 13:15

Ndaŋgara aŋ waɗ wanda halaŋ an hin ɦaŋga ni maŋu u njafaŋ halaŋ a fafaɗta.

URA TIN AYRA 17:7

An hin vi Galamba u aŋu, u njafaŋ ma hin ka ŋgoroŋ daganna lay, u deeresi zeɗ zeɗ halaŋ, hin li ni Galamba dindinda. An hin li ni a Looŋŋa, Lo ma vi njafaŋ ma ka ŋgoroŋ daganna lay.

2 DLAŊ MULINARA 14:11

Yawe dik suu Etiyopina ki fok Aza u suu duu suu Yudana. Asi pii liŋŋa fokosiya.

2 DLAŊ MULINARA 20:8

Asi hin cuk huwa, hin min li ma li ɓivunna. Asi hin di ana,

NEHEMI 9:8

Aŋ fam iriŋ ɗegee hin vi galamba a ɦam mbassa vi suu Kanaanna, suu Hitna, suu Amorna, suu Perizna, suu Jebusna, suu Girgasna a ɦaɗ ki maŋ njafamba. Aŋ li ko aŋ ɓak ki u vunuŋu kay aŋ ɗegeere.

SOOLLA 44:2

Ҥi, Lona, ami hum ki u humumiya, kay dlara aŋ laɗ ay jew u somoyomira, somoyomi haɗamira ka lay.

SOOLLA 44:3

Aŋ u taŋga dikisi suuna ki fokosiya, aŋ cuk suu maŋsina ki hu mbas masira. Aŋ ba njaf suu daŋŋa ki halaŋ, na may suu maŋsina aŋ zulusi ni zuli na ɗow.

SOOLLA 80:8

Lona ma Saɓakŋa Kom Belna, hoŋomi ay balamamiya, tak kiɗik maŋga ay kamiya, suɗumi kiyo.

KALKIRA 20:2

«Anni Yawe, Lo maŋŋa, ma kalaŋ ay ki hu mbassa Egiptera, ay ki hu mbaɓura.

KALKIRA 33:2

An hin sun sa sunda huulona ha fokoŋu, An hin dik suu Kanaanna, suu Amoreenna, suu Hetna, suu Perizina, suu Hivna u suu Jebusna.

KALKIRA 6:7

«An hin mbuɗugi ki ni a suu mansina, an hin li ni a Loogina may. Agi hin wi ki ana, anni Yawe, ni Loogina, ni sa ma buɗugi ay ki ko lassa Egiptera.

EZAYI 41:8

Na may aŋ Israel saan ma sunda, Yakob aŋŋi sa ma an manaŋŋa, njaf Abraham, bananna.

Boy Ma Ayra Ma JAŊ Ɓiirimma 11:11

Yesu ɓak na ni, hin dasi ana, «Banaygina Lazar ha buuri senna, an tuɗ dliɗim ki koloo.»

Boy Ma Ayra Ma JAŊ Ɓiirimma 15:15

An ka yagi a suu sunda oloɗi, kay sa sunda ka wi va ma malamma lammaɗi. An yagi ana banayanna kayme an takagi tlege suu an fasi ay vi Buna ki bel.

GA 8ATAMBARA 4:38

Suu bolow suu zuli suugina nam dikigisina ki fokogiya, nam ɦagi mbas masira kiyo, ni dlara li cemi agi waɗ ki u irigi wanda.

Magaara JAK Ɓiiriɗta 2:23

Va ma magaara di kam jewna li wa, di ana, «Abraham vi u Lona, Lona golom a sa ma ɗegeena ni kay viimba.» Ni kay ndaɗta Lona yam ana banamma.

JOSUWE 1:6

Aŋ col saɓaki, so huruŋu kay aŋŋi sa ma hin ɓorow jona ki maŋ suu Israelna, mbassa an vi vunun ay kaɗ u somoyosi ana an hin ɦasirara.

JOSUWE 23:9

Yawe ndak a dikigi njaf suu ɦawana suu saɓak cocona kiyo, sa ma ndak a col ay fokogi kaɗi ta ta cemi.

JOSUWE 24:13

An ɦagi mbassa agi loɓ ka kaɗira, ɦagi ɦoŋzi ŋgolo ma agi minim ka agiɗi layna, hu li ma agi cuk duk gugutluna u gu conona wanna, agi zaarasi ka agiɗi lay, ni agi ka tasi vuɗusiya.»

JOSUWE 24:3

An yagi bugi ŋgolo Abraham ay ki ŋgoo lumma ii hiniŋŋa an tuɗum ki hu mbassa Kanaanda halaŋ, an zulum njafam cocoo, an ɦam goona ni Isaak.