2 DLAŊ MULINARA 20:6 - Boy Lonana

⁶ Asi cen Lona ana, «Yawe, Lo ma vi somoyomi suu jew dayna, aŋ ti mulla ay kolo huulona ni aŋu. Aŋ ti mulla kay njaf suu warna halaŋŋi aŋ lay. Saɓakŋa u garaaŋga halaŋ ay ni koŋu. Sa ma ndak a col fokoŋ kaɗi.

2 DLAŊ MULINARA 20:6 Iomraidhean Croise

1 MULINA 8:23

hin di ana, «Yawe Lona vi suu Israelna, lo ma ko ndal aŋ na kaɗi kolo huulona lay, kaŋga kay ndaŋgara lay a ŋgom galamba u jivira kay suu sun maŋsina suu tuɗ kay seŋ u hurusi halaŋŋa na ni kaɗi.

1 MULINA 8:30

Hum cenda saaŋ ma sunda u suu maŋ suu Israelna ceneŋga haa. Aŋ hum ay ni hu li ma aŋ ka kaki huna, ay kolo huulona, huma, hep huruŋu.

1 DLAŊ MULINARA 29:18

Yawe, Lona vi Abraham, vi Isaak, vi suu Israelna, somoyomi ka u huu suu maŋsina hurusi a fafaɗta, tuɗusi u huu ma dewna egeŋu.

2 DLAŊ MULINARA 20:5

Suu hu ɦoŋzi ma Yerusalemma u suu col ay hu ɦoŋzi ma daŋŋa zeɗ zeɗna halaŋ ka ŋguy kay Josafat. Asi mol huu taraŋga wilira fun Ziŋ Lonara na mol.

2 DLAŊ MULINARA 25:8

Li ni asi tuɗ uŋ wa ni aŋ tuɗ duu vaŋ ta ta may, Yawe hin mbuɗuŋ seŋ maŋira fok suu babali maŋsina. Kay Lona dew ni sa ma ɦal saɓakŋa a su kay suunana. Nam dew ni sa ma hiniŋ ki ko suu babali maŋsinana lay.»

2 DLAŊ MULINARA 5:14

Muli suu li ɓivunna ka ndak a col hu a li sun masira oloɗi ko ɗugul ndaɗta. Kay bibiŋil Yawera oy huu Ziŋ Lonara kiyo.

2 DLAŊ MULINARA 6:14

Nam di ana, «Yawe, Lona vi suu Israelna, Lo ma ko ndal aŋ na kaɗi, kolo huulona lay, kaŋga kay ndaŋgara lay. Aŋ li u galam maŋga aŋ vaɗ u suu sun maŋsinara, aŋ ka ɗegee u asi tew tew, hu li ma asi ka poy fokoŋ ɗegeena may.

JOB 9:4

Nammi yal cocoo, neey coco lay. Sa ma ndak a hin vam u dlara ni gege?

SOOLLA 115:3

Loomina ka kolo huulona, dlara nam miniɗta nam laɗ halaŋ.

SOOLLA 46:11

Cukugi ɓagina kiyo, wagi ki ana anni Lona, an su kay njaf suuna halaŋ, su kay ndaŋgara lay.

SOOLLA 47:2

Suuna koogi kogiya, ŋgaagi Lona u furira.

SOOLLA 47:8

Kay mul ma kay ndaŋgara halaŋŋa ni Lona, gagi soolla takam kiyo.

SOOLLA 54:1

Soolla vi sa ma fok suu gi soollana, soolla haɗta vi David, gaɗ u diŋŋa.

SOOLLA 62:11

Lagi ayra kay lassa agi ka las suunaraɗi, tin hurugi kay tlesuu ɓaɗasi ko suuna ɦawaɗi. Lini begera zul kogi coco lay ni tin hurugi kaɗɗi.

KALKIRA 3:6

Nam di ana, «Anni Lo ma vi somoyoŋŋa, Lona vi Abraham, Lona vi Isaak, Lona vi Yakob.» Moiz baa irim kiyo kay nam mbuɗ ki ndaana ka gol Lonaɗi.

EZAYI 14:27

Hu li ma Yawe, ma Saɓakŋa Kom Belna, di dlara wani, sa ma hin a dooroɗ kina ni gege? Hu li ma nam maɗ kom ki wa, ni sa ma hin a vam kom kina ni gege?

EZAYI 66:1

Yawe di ana, Huulona ni dlam manda kakŋa, ndaŋgara ni va ma an tin sen kamma ɦawaa. Zi ma agi hin mininnana ni manage? Li ma an hin a koɗ tan hurumma ni manage?

JEREMI 49:19

Ko ndal dlona col ay duk cerew ma fun lumma Yurdanna na, tuɗ irim ha kay kaana tam ki minira na, na ɗaŋŋi ko ndal iira cemekka na ni an hin ɦuɗusi ha ki egeɗ na day, an hin mbaaɗ gorzoŋŋi suu duuna ay kaɗ na zak gaw. Kay ana sa ko an nana ni gege? Sa hin ndak a kaan ɓakŋa kanna ni gege? Sa gol iirira vi suuna ma hin col fokonna ni gege?

DANYEL 4:17

Ŋgusu ma aŋ wamma, ma mbuɗ ŋgolo saɓak layna, ma fiyekem tuɗ ta ta kolo huulonana, ndak a wam ay keŋ ndaŋgara ma daɓma day lay na,

DANYEL 4:25

Dla ndaɗta li ki eg mulna Nabukodonosor.

MATIYE 6:13

Hinimi hu ndembaɗi. Suɗumi ki ko Ma Cona suɗu. [Kay mulla lay maŋga, garaŋga lay maŋga, ŋgolla lay maŋga. Amin.]

MATIYE 6:9

Agi li a cen Lona ni, dagi ana, Bumi ma kolo huulonna, Seŋ tii ŋgol su tlena halaŋ.

SUNDA 11:17

Lona ɦasi ni ko nam ɦaygi aygi hu li ma aygi vi u Bu Suuna Yesu Kristura na may. An ni ge hin a doo Lonni ge?»

ROMMA 9:19

Aŋ hin dan ana hurum hin ɓeŋŋi nana daŋ ologe? Sa hin ciwayra u minda vi Lona ni gege.

GA 8ATAMBARA 4:39

Wagi dla ndaɗta ki u tagira cemi, haɗagira lay. Yawe nam dew ni Lona kolo huulona lay, kaŋga kay ndaŋgara lay va ma daŋ kaɗi.

JOSUWE 2:11

Ami hum dla ndaɗta ki na ni, ŋgusumi ka kami oloɗi. Gegelay fokogi ni saɓakam kaɗi, kay ana Yawe, Loogina, ni Lo ma kolo huulona may, kaŋga kay ndaŋgara mayna.