2 DLAŊ MULINARA 20:3 - Boy Lonana

³ Josafat mbuɗ ki ndaa cocoo. Nam gijaŋ joɓ Yawe, tin dlara kay suu hu mulla Yudara halaŋ ana li laara sa ti vaɗi.

2 DLAŊ MULINARA 20:3 Iomraidhean Croise

2 DLAŊ MULINARA 11:16

Na may suu Israelna halaŋ suu dukusi suu min a hal gasi Yawe, Lona vi suu Israelnana halaŋ, mbay ki ni hu Yerusalem a li ɓivunna maŋ Yawe, Lona vi suu Israelna.

2 DLAŊ MULINARA 19:3

Doli ɗini dlara jivira ka huruŋu, kay aŋ ŋgal gu ma teteɗ ma asi pam maŋ Aserana ki hu mbas maŋga bel bel. Aŋ vi u huruŋ halaŋ a hum vun gaɗta vi Lonara.»

2 DLAŊ MULINARA 7:14

lini suu mansina mba yan sen hu li ma sen ka yii huna, lini asi hoŋ yasi kaŋgaa, lini asi cena, halan a wanu hin dla coosira kiyo ni an ay kolo huulona day ni hin humusi cen masira, an hin bulumusi coosi ndaɗta kiyo, hin suɗusi mbas masira ki may.

NEHEMI 9:1

Hu buu ma dok-mba' yam fiɗina hu til ma wanna goryoŋ Israelna cuk baraw bolna tasi may, ko ndaŋgara kasi may, tok tasi a li laara.

ESTER 4:16

«Tuɗ tok suu Juif suu ka hu Suzna halaŋ, lagi laara kanu, tagi vaɗi lay, cagi vaɗi lay buuna hindi, faaliɗi lay, njeŋgeɗi lay. An tanda u goryon suu gorɓiina, an hin li laara ni na lay. Kay ndaɗta ko gaɗta dira na ni an hin tuɗ eg mulna li ni an a miɗ ki lay ni an hin miɗa.»

JEREMI 36:9

Hu basara vadlla vi Joakimma goŋ Josiyas mul ma Yudanara, hu tilma dleeŋena, asi yi suu Yerusalemma, suu hu ɦoŋzi ma Yudana suu mbay Yerusalemma ay halaŋ halaŋ a li laara fok Yawe.

DANYEL 9:3

An pereɗ irin ay eg Bu Suuna Lona, tii tan fokomu, cenemu, li laara, cuk buɗna kanu, cuk baraw bolla egenu.

JOEL 1:14

Mbuɗugi tagi ki teteɗ u laara lira, yagi tokka ɓivunna, tokogi suu ŋgolona u suu hu mbassana halaŋ hu zira vi Yawe Looginara, hin yagi Yawe.

AMOS 5:4

Ni ko ndaɗta na Yawe ɓak kay zi ma Israelna anaba, halangiya, agi hin kak iiriya.

JONAS 1:16

Suu hu lum kawinana mbuɗ ki ndaa cocoo ko Yawe. Asi gijaŋ lam ɓivunna, yi tlena ki kasi lay.

MATIYE 10:28

Lagi ndaana ko suu ci mbalatara ɦawanaɗi, ndak ka a ci iiriraɗi. Lagi ndaana fok Lona ɗow. Nammi sa ba mbalatara u iirira ki duk kura na.

SUU KAƁAKŊA 20:26

Suu Israelna u suuna halaŋ tuɗ kolo hu Betel. Hu li namma asi mol ga tii fok Yawe. Asi li laara hu buu namma ta ta tew fiɗigiya. Asi li ɓivun ma ŋgalam ki ŋgalina u ɓivun ma daŋŋa zeɗ zeɗna, ɓivun ma mbaa heɓpa fok Yawe.

1 SAMUEL 7:6

Asi tok tasi ki hu Mispa. Asi go yona ay voom kaŋga fok Yawe. Asi li laara hu buu namma hin di hu li namma ana, «Ami li sulukŋa eg Yawe.» Samuel kaɓakŋa kay goryoŋ Israelna hu Mispa.