2 DLAŊ MULINARA 19:2 - Boy Lonana

² Sa ma jok vun Lona, Yehu, ma goŋ Hananina, mba ŋgafam vogom dam ana, «Aŋ a njun u sa ma cona ni ana mege? Aŋ sana ndak a min sa ma ka min Yaweɗina su? Dlara aŋ laɗ ndaɗta, Yawe hurum ki ɓalaki egeŋu.

2 DLAŊ MULINARA 19:2 Iomraidhean Croise

1 MULINA 16:1

Yawe mba di Jehu, ma goŋ Hananina, kay dlara vi Beasara ana,

1 MULINA 16:12

Zimri daɓ suu vi Beasana ki halaŋ halaŋ. Ni ko ndal boy ma Yawe dam ay ki kay Beasa fun saam ma jokom vunumma, Jehu, kay Beasara na may.

1 MULINA 16:7

Hu li ma Yawe di dlara maŋ Beasa fun sa ma jok vun Lona, Jehu, ma goŋ Hananina, na ni kay dla cora na mba' ta jewra ni Beasa u suu mamsina halaŋ li dlara ka ii Yawe jiviɗira. Asi ɓalakam hurum ki u dla coosira asi laɗta ni ko ndal Jeroboam u suu mamsina lira na olo. Ta mbara ni kay ana Beasa ci dee suu vi Jeroboamma ki na halaŋ halaŋga may.

1 MULINA 21:25

Sa ma li dla cora ko ndal Akab lira na ni kaɗi. Nam li dlara ka ii Yawe jiviɗira. Caamba Jezabel kalam hu dlara cora ni ndaɗu.

1 MULINA 22:44

Na lay ni li ma mbuy kolo ma goɓ fulina bulum ka ki tuɗi. Suuna tuɗ fok gak a li ɓivunna, ŋgal mbitla his jivira hu li namma gak gak tuwa.

2 DLAŊ MULINARA 16:7

Hu coki ndaɗta sa ma jok vun Lona Hanani mbay eg Aza, mul ma Yudana, dam ana, «Aŋ min ka a hal Yawe Looŋŋaɗi, aŋ ŋgaɓ a ɦal taŋ ki kay saɓak ma vi mul ma Sirina, dlara aŋ laɗ wanda aŋ mbuɗ a suu duu suu Sirina suɗ ki ko saɓak maŋŋa ni aŋgi su?

2 DLAŊ MULINARA 18:1

Mulna Josafat begera kom cocoo. Sem tii ki coco ɦay lay. Nam mbuɗ somora u suu mamsina duk tasi u mulna Akab ɗum boyogina duk tasiya. Asi mbuɗ ni somora u mul ma Israelna.

2 DLAŊ MULINARA 18:28

Mul ma Israelna u mul ma Yudana, Josafat, tuɗ kolo hu Ramot ta Galaadta.

2 DLAŊ MULINARA 18:3

Nam hin joɓom ana, «Aŋ min tuɗ u an a ay nda nduguy zi ma Ramot ta Galaadta su?» Josafat hoŋom dira ana, «Ay ki cemi ni dew, suu maŋsina ni suu mansina may, mansina ni maŋsina may. An ndak a tuɗ duuna u aŋu.»

2 DLAŊ MULINARA 18:7

Mulna hoŋom dira ana, «Haa, ma hiniŋŋa ka dew, may an ka minim boy mammaɗi kay nam dan tew tew ni dla cora, boy ma jivi ka kal ay ki funum na dewɗi. Ni Mise ma goŋ Imlana.» Josafat oo um kolo di ana, «Ɓak boy ma namma kay sa ma jok vun Lonana naɗi.»

2 DLAŊ MULINARA 19:1

Josafat, mul ma Yudana, hoŋ ki vo varam hu Yerusalem jiviya.

2 DLAŊ MULINARA 19:10

Hu li ma gorsegi suu ka cuki hu ɦoŋzina zeɗ zeɗna mbaaragi dlaasira ay fokogi wa ni, lini dlara ci maɗ ɗowba dlara kay ɓeŋ gaɗta vi Lonara u nera vi Lonara ɗowba dlara u gaɗ magira vo hu zinara kala ni, agi haɗasiya ka hinisi a ɓakŋa vasi fok Yaweɗi, a ɓak namma hoŋ kagi u gorsegina tokgi lay. Agi li wa li na ni ɓakŋa hin ka vagiɗi may.

2 DLAŊ MULINARA 20:34

U dlara vi Josafat ta ay hu gijaŋŋa day ta ta hu daɓpa ni ka ɓiiri hu magaara Sunda vi Yehu, ma goŋ Hananina. Boy namma ka ɓiiri hu magaara vi muli suu Israelna.

2 DLAŊ MULINARA 24:18

Asi noy Ziŋ Yawe, Lo ma vi somoyosina, kiyo. Asi gi jaŋ goɓ gu ceɗi ma vi Aserna, tokol fulina may. Yara vi Yawera ndiwa kay ɦoŋzi ma Yerusalemma u mbassa Yudara halaŋ kay dla cora li kosi ndaɗta.

2 DLAŊ MULINARA 26:18

Asi ɓak co eg mulna dam ana, «Aŋ Oziyas ka ŋgal mbitla his jivira maŋ Yawe ni ka aŋgi. Muli suu li ɓivunna goryoŋ Aaronna ŋgalaɗ ni asiya. Asi ni suu hinisi ki kay sun ndaɗtana kal ha ki hu Ziŋ Lonara kay aŋ ka ɗegee ii Lonaɗi kay sunda vi Yawe Lonara ni ka va ma aŋ ŋga taŋ u nambi.»

2 DLAŊ MULINARA 32:25

Na may Ezekiyas min ka a gi deɓ Lona kay jivira nam lambaraɗi. Nam hin zaŋ a ŋga tammi ŋgaay na ɗow ta ta Yawe ɓeŋ hurum ki egem lay eg suu Yerusalemma u mulla Yudara bel.

SOOLLA 15:4

Nam ka li bana u sa ma Lona hinim kinaɗi, nam saa ni kay suu ɗegee suu li ndaa Yawena. Nam vi vunum kay dla wa ni nam laɗ ki mbee, lini dla ndaɗta a tam tam lay.

SOOLLA 21:8

Na daŋ may mulna tin saaram halaŋŋi kay Yawe, ɗegeera vi Lo ma kolona ɦam eŋga a col saɓaki.

SOOLLA 68:1

Soolla vi sa ma fok suu gi soollana, soolla vi David.

SOOLLA 71:15

Hu buuna halaŋ an ndumuŋŋi dlaaŋga, ɗegee maŋga u suɗ maŋga, ndumusi ka irin oloɗi.

KALKIRA 20:5

Aŋ mba goɓ ga fok loogi suu asinaɗi, sunusiɗi lay, kay anni Yawe, Looŋŋa, Lo ma hurum ya cocona, an tin cora vi somora ha kay goryosiya ha kay njafasi fokosi hindi lay, fiɗi lay, lini asi ka hum unɗi.

AMOS 7:14

Amos hoŋ dira maŋ Amassiya ana, «An ay ka sa jok vun Lonaɗi, ka goŋ sa jok vun Lonaɗi lay, an ay ni sa taa yoona, anni sa pi ŋgusu tulumma.

Boy Ma Ayra Ma JAŊ Ɓiirimma 15:18

«Suuna noyogi ki wa ni, agi wi kagi ana asi noyon ay ki jewe.

Boy Ma Ayra Ma JAŊ Ɓiirimma 15:23

Sa ma li gonokka u anna, laɗ ni u Bun gaw may.

ROMMA 1:18

Yara vi Lona col ay kolo day tak ki kay cora vi suuna halaŋ, u dlaasira cora ka hin gasira a liɗira.

ROMMA 1:30

Asi di dla cora kay tasiya, asi ni suu gonokka u Lona, asi ka li zolo kay saɗi, asi ni suu ŋga tasina, asi tli yasi koloo, asi ni suu hal dla cora ka hum u somoyosiɗina.

ROMMA 1:32

Asi kay tasira wi ɓak ma vi Lonna ki jiviya, suu li ko ndaɗta na na hin fi miɗna, asi wi ki masi na lay yasi gak li dla mayra ndaɗta, asi taɓ vunusi u suu li dlara ndaɗta lay.

ROMMA 8:7

Suu hum u mbalatara ni suu gonokka u Lona, asi ka a hoŋ yasi kaŋga u gaɗta vi Lonaraɗi ka ndak kaɗɗi lay.

EFESNA 5:11

Taɓagi u suu li dlara dadamba vi ndufundaɗi, takasi dlaasira ndaɗta ki kiɗiki.

GA 8ATAMBARA 32:41

Lini an guu sii ŋgew manna wa, kon tli ki kolo wa a kaɓakŋa ni, an hin sa sukulun u suu babali mansina, an hin warak suu may suu li gonokka u anna.

GA 8ATAMBARA 33:11

Yawe mbuɗusi saɓak masina fok hu nde olo, golosi sun masira asi laɗ u bik kosira jiviya, suu babali masisina aŋ toosi saɓakasi kiyo, ka suu gonokka u asina col fokosi oloɗi.

GA 8ATAMBARA 5:9

«Aŋ mba goɓ ga fok fulinaɗ, sunusiɗi lay, kay Anni Yawe Looŋŋa, Lo ma hurum ya cocona, an tin cora vi somira ha kay goryosiya, ha kay njafasi fokosi hindi lay, fiɗi lay, lini asi ka hum unɗi.

GA 8ATAMBARA 7:10

Na may suu ka minimbina, nam kaasi ɓakŋa kasi ni cem cem gaw, baasi kiyo.

Magaara JAK Ɓiiriɗta 4:4

Agi suu ka ɗegeeɗina li galamba u duliyara ni sa ma gonokka u Lonnaɗi su? Sa ma li galamba u duliyara ni sa ma gonokka u Lonna.

1 SAMUEL 9:9

Ay jew vi suu Israelna ni lini sa min tuɗ a joɓ Lona ni nam di ana, Mbaagi ay tuɗuygi eg sa wi u dlara. Kay ana sa jok vun Lona ay jew yammi ana, sa wi dlara.