2 DLAŊ MULINARA 17:4 - Boy Lonana

⁴ May nam hal ni Yawe, Lo ma vi bumma, nam tuɗ ni u gaɗ mamba. Nam ka li ko dlara suu Israelna laɗta naɗi.

2 DLAŊ MULINARA 17:4 Iomraidhean Croise

1 MULINA 12:28

Mulna fi saara daŋga. Nam yoo gor mbutlina mba' u lorra. Nam di suu Israelna ana, «Agi tuɗ tew tew ni Yerusalemmi gola agi suu Israelna Loogina wanna, ni ma cukugi ay ki hu mbassa Egiptera.»

1 MULINA 12:30

Nam zuɗ u suuna a li cora. Suuna bolow coco tuɗ u fuli namma a tuɗ tinim hu Danda.

1 MULINA 12:33

Hu buu ma doogo yam vadlna hu til ma kalavandina ni nam tuɗ kolo hu givin ma togolla, buu mam ma nam ŋgaɓam kay tamma. Nam tin luuna maŋ suu Israelna, ŋgal tlesuu his jivina hu givin ma togolla may.

1 MULINA 3:3

Salomon min Yawe coco ɦay. Nam li ni u dlara bum David damba kara, may nam li ɓivunna ŋgal mbitla his jivira ay ni kolo kay li mbuyna tuwa.

1 MULINA 9:4

Aŋ may ni lini aŋ tuɗ u gaɗ manda ko ndal buŋ David lira na may ni, li huruŋ ki na ɗegee, li dlara halaŋ u voɗoɗu, li u dlara an daŋgara halaŋ, lini aŋ hum u gaɗ manda jiviya, li dlara an miniɗta may,

2 MULINA 17:19

Na may suu Yudana li ka u gaɗta vi Yawe, Loosinaraɗi, lay. Asi li ni u gaɗta suu Israelna tiniɗ kara may.

2 MULINA 8:18

Nam tli ni dlara vi muli suu Israelna ko suu vi Akabma lira na, kay nam ɗum goŋ Akabba umu. Nam li dlara ka ii Yawe jiviɗira.

2 DLAŊ MULINARA 14:6

Nam di suu Yudana ana, «Miniygi ɦoŋzina, gaygi gulumunna ki kamu. Miniygi zira fiyekka vun grekŋa duk vun grekŋa ki u cokorom kawina. Mbassa cemi ka koɗ taɗu kay aygi hal Yawe Looygina. Aygi halamu, nam ɦaygi koɗ tara hu lina wa halaŋ.» Asi min zina ki halaŋ ko asi minda na may.

2 DLAŊ MULINARA 17:3

Yawe li u Josafat kay nam tuɗ ni hu voɗta jewra vi bum ŋgolo Davidta. Nam ka min a goɓ Baalɗi.

2 DLAŊ MULINARA 21:12

Fali taa dew ni Joram fi magaara sa ma jok vun Lona Eli sunumba ayra di hu ana, «Gola ni dlara Yawe, Lo ma vi buŋ ŋgolo Davidna daɗta. Aŋ min ka a li ko ndal buŋ Josafat lira naɗi, ka ko buŋ ŋgolo Aza, mul ma Yudana lira naɗi lay.

2 DLAŊ MULINARA 22:9

Nam hin tuɗ a hal Akaziya tuɗ vam ay ki ni hu Samari hu li ma nam ŋgay ha ki huna. Asi mbaaram ay fok Jehu hin cam kiyo. May asi hin pamu kay asi di ana nam ay ni hu njaf Josafat ni mul ma hal a hum gasi u gaɗta vi Yawerana, hu njaf Akaziya halaŋŋi sa ma ndak a kak a mul kaɗi.

2 DLAŊ MULINARA 27:6

Yotam saɓakam ɦuɗ ha ni fok na ɗow ɗow kay nam tuɗ ɗegee ii Yawe Loommara.

2 DLAŊ MULINARA 29:2

Ezekiyas li dlara jivira ii Yawe ni ko bum ŋgolo David na.

2 DLAŊ MULINARA 34:2

Nam li ni dlara ii Yawe jivira. Nam li dlara ni ko bum ŋgolo David lira na, tli vunum ka ki eg dlara daŋgi.

Magaara Vi Sa Jok Vun Lona OZE 4:15

Li ni ndak tak ka Israel li gawlaŋŋa lay ni, Yuda gin ni ka kal taɗ hu dla ndaɗtaɗi. Tuɗugi Gilgalɗi, tlagi ha hu Bethel li ma kuraɗi, suurugi tagi ana, «Yawe ka iiriyaraɗi».

Boy Ma Ayra Ma LUK Ɓiirimma 1:6

Asi ni suu ɗegeena. Asi hum u gaɗta vi Lonara halaŋ lay.

1 TESALONIKŊA 2:12

Ami gaɗagiya, soogi hurugiya, ami cenegi ana poyogi jivi ko Lona minda na. Nam ma yagi ay hu mul mamba u bibiŋil mambana.

1 TESALONIKŊA 4:1

Gorsenna ami gaɗagi hu Bu Suuna Yesu, ami haɗagi yal ma poy jivi ii Lonna, agi wam lay. Tuɗugi ha fok na ɗow ɗow.