2 DLAŊ MULINARA 17:3 - Boy Lonana

³ Yawe li u Josafat kay nam tuɗ ni hu voɗta jewra vi bum ŋgolo Davidta. Nam ka min a goɓ Baalɗi.

2 DLAŊ MULINARA 17:3 Iomraidhean Croise

URA TIN AYRA 39:21

Yawe ka u Yosef, ɦam jivi mamba, nam mbuɗni jivi ii asgaa ma ŋgol daŋgayna.

2 SAMUEL 5:10

David mbuɗ ŋgolla ni mbuɗi na ɗow ɗow. Yawe, Lona ma Saɓakŋa ka u namu.

2 SAMUEL 8:15

David ti mulla kay suu Israelna halaŋ halaŋ. David li dlara jivira u ɗegeera maŋ suu mamsina halaŋ.

1 MULINA 11:6

Salomon li dlara ka ii Yawe jiviɗira. Nam ka tuɗ u Yawe hol ko bum David lira naɗi.

1 MULINA 22:43

Nam tuɗ ni u dlara bum Aza laɗta na ɗegee, tli vunum ka ki keŋgi. Li ni dlara ɗegee ii Yawe jivira.

1 MULINA 3:3

Salomon min Yawe coco ɦay. Nam li ni u dlara bum David damba kara, may nam li ɓivunna ŋgal mbitla his jivira ay ni kolo kay li mbuyna tuwa.

2 MULINA 14:3

Nam li dlara jivi ii Yawera, ka vam ko ndal David na gawɗi. Nam li ni ko ndal bum Joas lira na dege dege may.

2 MULINA 16:2

Ahaz kak mulla na ni basaɗam ki ni dok-mba'. Nam ti mulla hu Yerusalemmi basara doogo yam karkiya. Nam li dlara ɗegeera ka ii Yawe, Loomma, ko bum ŋgolo David lira naɗi.

2 MULINA 18:3

Ezekiyas li dlara jivi coco ii Yawe, ko bum ŋgolo David lira na may.

2 MULINA 22:2

Josiyas li dlara ɗegee ii Yawera tli kommi voɗta vi bum ŋgolo Davidta na ɗegee, ka tuɗ irim bik njufu bik guluɗi lay.

1 DLAŊ MULINARA 22:18

«Na ni Yawe Loogina ka u agiɗi su? Na ni nam ɦagi heɓpa ki hu li ma keŋegina ka halaŋgi su? Gasi daŋ may ni nam ɦan suu hu mbas mayra hom ki u Yawe u suu mamsinara ki konu.

2 DLAŊ MULINARA 14:11

Yawe dik suu Etiyopina ki fok Aza u suu duu suu Yudana. Asi pii liŋŋa fokosiya.

2 DLAŊ MULINARA 15:2

Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

2 DLAŊ MULINARA 17:2

Nam cuk suu duuna ki hu ɦoŋzi ŋgolo ma saɓakŋa ma hu mbassa Yudara halaŋ halaŋ, hu ɦoŋzi ŋgolo ma Efrayim ma bum Aza yowom ka kina lay.

2 DLAŊ MULINARA 17:4

May nam hal ni Yawe, Lo ma vi bumma, nam tuɗ ni u gaɗ mamba. Nam ka li ko dlara suu Israelna laɗta naɗi.

2 DLAŊ MULINARA 20:32

Nam tuɗ ni hu voɗta ɗegeera ko ndal bum Aza lira na may. Li ni dlara ii Yawe jivira.

2 DLAŊ MULINARA 21:12

Fali taa dew ni Joram fi magaara sa ma jok vun Lona Eli sunumba ayra di hu ana, «Gola ni dlara Yawe, Lo ma vi buŋ ŋgolo Davidna daɗta. Aŋ min ka a li ko ndal buŋ Josafat lira naɗi, ka ko buŋ ŋgolo Aza, mul ma Yudana lira naɗi lay.

2 DLAŊ MULINARA 22:9

Nam hin tuɗ a hal Akaziya tuɗ vam ay ki ni hu Samari hu li ma nam ŋgay ha ki huna. Asi mbaaram ay fok Jehu hin cam kiyo. May asi hin pamu kay asi di ana nam ay ni hu njaf Josafat ni mul ma hal a hum gasi u gaɗta vi Yawerana, hu njaf Akaziya halaŋŋi sa ma ndak a kak a mul kaɗi.

2 DLAŊ MULINARA 27:6

Yotam saɓakam ɦuɗ ha ni fok na ɗow ɗow kay nam tuɗ ɗegee ii Yawe Loommara.

2 DLAŊ MULINARA 29:2

Ezekiyas li dlara jivira ii Yawe ni ko bum ŋgolo David na.

2 DLAŊ MULINARA 34:2

Nam li ni dlara ii Yawe jivira. Nam li dlara ni ko bum ŋgolo David lira na, tli vunum ka ki eg dlara daŋgi.

SOOLLA 46:11

Cukugi ɓagina kiyo, wagi ki ana anni Lona, an su kay njaf suuna halaŋ, su kay ndaŋgara lay.

SOOLLA 46:7

Njaf suuna ka yal cocoo, mulla halaŋ mbuɗ ki ndaana, nam ɦal gaɗta na ni, ndaŋgara wak kiyo.

KALKIRA 3:12

Nam dam ana, «An ka u aŋu, gola ni va ma hin tak ki ana, An ka u aŋu, sunuŋ ay ni anuna. Hu li ma aŋ cuk suu Israelna ay ki hu mbassa Egiptera wa ni, agi hin mba sunun an Loogina kay ɦini ndaɗta tani.»

KALKIRA 4:12

Cemi ni aŋ tuɗa an ka u vunuŋu, an hin haɗaŋ dla mayra aŋ hin daɗta.»

EZAYI 41:10

Li ndaaɗi kay an ka u aŋu, gol golla ndaanaɗi, kay anni Looŋŋa. An mbuɗuŋ saɓaki na daŋ may an njunuŋu. An njunuŋ u bikin ma njufna ma ɗegeena.

EZAYI 8:10

Vagi vunugi kay dlara dla ndaɗta ka hin liɗi. Ҥagi gaɗta a lira may ndaɗ ka liɗi. Kay Lona ka u amiya.

JEREMI 2:23

Ndak hin di ana, «An ka ki mbuɗi njenjeɗi. An ka liŋ kay cee Baalɗi,» ni nanage? Gol tuɗ makka hu ɦuɗugumba, gol dlara ndak laɗta. Jamballa cara taɗ feɗta ŋguy kay balam seɗtana.

MATIYE 1:23

«Goowayra hin vi wiina, ndaɗ hin vuɗ goona, tinim sem ana Emmanuel,» (ni ana Lona ka u aygiya).

MATIYE 18:20

Lini suu mba' kala, hindi kala, tok tasi u sen wani, an ka dukusi may.»

MATIYE 25:16

Sa bege mamma vadlna li sunda u mamma, fi ka u vadl olo.

MATIYE 28:20

Haɗasi a asi vi vun gaɗta an gaɗagirara halaŋ may. Wi kagi ana, an ka u agi gak gak ndaŋgara tuɗ daɓ ki u ndaɗta.»

2 TIMOTE 4:22

Ko Bu Suuna kak u aŋu. Ko oora kak u agiya.

JOSUWE 1:5

Hu li ma aŋ ka iiri tu wanna sa ma hin col ay fokoŋ na ɗow ni kaɗi. An hin li u aŋŋi ko ndal an ay u Moizza na may. An ka laŋ dlara coɗi, an ka noyoŋ kiɗi.

JOSUWE 1:9

An daŋ ana col eŋŋe, so huruŋu, ni ka an daŋ mayɗi su? Dlak ndaaɗi, ɓik vun dikiŋgi lay. Kay Yawe, Looŋŋa, ka u aŋ hu li ma aŋ hin a tuɗ huna halaŋ.»

SUU KAƁAKŊA 2:11

Suu Israelna li dlara ka ii Yawe jiviɗira, asi gijaŋ a sunni Baalgina.

SUU KAƁAKŊA 2:18

Hu li ma Yawe manasi suu kaɓakŋa fokosina ni, Bu Suuna ka u sa ma kaɓakŋa hu li nammana. Nam buɗusi ki ko suu babali masisina hu li ma sa kaɓakŋa ka iiri tuna halaŋ. Kay Yawe humusi tii masi ma ko suu babali suu ka lasasina. Yawe humusi yoo masira.

SUU KAƁAKŊA 6:12

Sa sunda vi Yawe ndi ki iirimu hin dam ana, «Yawe ka u aŋu, sa njuf ma duuna.»

SUU KAƁAKŊA 8:33

Ŋgoo miɗ ma Gedeon miɗ kina ni suu Israelna hoŋ balamasi a goɓ fok Baal olo. Asi cenni Baal-Berit a loosina.

1 SAMUEL 18:12

Sol li ndaana ko David kay ana Yawe u namu, hin Sol kiyo.

1 SAMUEL 18:14

Hu sun mamba bel ni, nam fi u dlaamba kiyo, Yawe u nam lay.

1 SAMUEL 18:5

Hu sunda sunumba bel ni, hu li ma Sol sunum huna bel ni, David fi u dlaamba kiyo. Sol tinim a ŋgolla kay suu mam suu duuna. Suuna halaŋ wam ki jiviya, suu li sunda vi Solna lay.