2 DLAŊ MULINARA 16:9 - Boy Lonana

⁹ Yawe ka gol yam ndaŋgara ki ni halaŋ a njun u suu hin tasi komma suu minim u hurusi belna. Dlara wanda aŋ laɗ ni ko sa ma ka wi vaɗina na, hin fok wanda aŋ ha ni eg duuna na gak gak.»

2 DLAŊ MULINARA 16:9 Iomraidhean Croise

URA TIN AYRA 31:28

Aŋ hinin ka a gi deɓpa furira maŋ goryonɗi lay, aŋ li dla ndaɗta ni bay saara.

2 SAMUEL 24:10

David vun dikim gijaŋ ɓikim hu li ma nam ndum suuna ay kina. David di Yawe ana, «Ni suluk ma ŋgol ma an lamma. Cecem wanda ɗaŋŋi Yawe bulum cora vi saaŋ ma sundara ki bulumge. Kay ana an li dla ndaɗta ni ko sa puluɗina na.»

1 MULINA 15:32

Duuna li duk ɦoŋ gi Aza u Beasa, mul ma Israelna, tew tew ta ta hu miɗ mamma.

2 MULINA 20:3

«Ҥii, Yawe, wan hahawan na wige, aŋ wi ana an tuɗ fokoŋŋi u ɗegeera u huu ma tini kaŋŋa. An li dlara iriŋ jivira lay.» Ezekiyas tii u simina cocoo.

1 DLAŊ MULINARA 21:8

Na ɗaŋŋi David di Lona ana, «An li ni suluk ma ŋgolna. Cecem wanda ɗaŋŋi heɓ huruŋ ki kay suluk ma vi saaŋ ma sundana kay ana gasi daŋ may ni an li dla ndaɗta ni ko sa puluɗina na.»

2 DLAŊ MULINARA 15:17

Na may li ma mbuy kolona ka bulum ki hu mbassa vi suu Israelnara belɗi. Na may huu Aza ka tini kay Lona gak gak hu iiri mamba kay ndaŋgara.

2 DLAŊ MULINARA 15:19

Ta ta tuɗ tew basara dok-hindi yam vadl hu li ma Aza a mulna ni duu li ka oloɗi.

2 DLAŊ MULINARA 16:10

Aza hurum ɓeŋ eg sa ma jok vun Lona cocoo. Nam vam gam daŋgayna. Boy mamma ɓalakam hurum ki cocoo. Hu coki ndaɗta gaw ni Aza gijaŋ las suu vo hu mbas mambana.

2 DLAŊ MULINARA 19:9

Nam ɦasi gaɗta dasi ana, «Ni ko ndaɗta na agi lagi sunda ni u ndaa ma lam u Yawena, ni u ɗegeera u hurugi vii gasi dew may.

2 DLAŊ MULINARA 6:20

Ko iriŋ li ki mali kay ziiŋ ndaɗta faali lay, njeŋge lay kay li ma aŋ di ana aŋ hin tin seŋ huwana. Hum cenda saaŋ ma sunda ka ceneŋ hu li nammara.

EZDRAS 5:5

Na may ni ii Loosina ka tinira kay suu basi suu juifna ni na ta. Asi hinisi ka a seŋ sunda dukgi ta ta raporra tew ha ki vi Dariyus hoŋ dira ay kay joɓ ndaɗta.

JOB 28:24

Ni hu li ma nam ka wi ha ki hu vun duliyara ma do ayna halaŋ. Nam wi tlesuu ga u huulona ki halaŋ halaŋ.

JOB 31:4

Nam tamba ka wan poy mandaɗi su? Nam ka ndumun sen ma tuɗta halaŋ layɗi su?

JOB 34:21

Kay Lona irim ka cuki kay poyra vi sa warna. Nam ka njumum sem ma tuɗta halaŋ.

SOOLLA 113:6

ka gol ay kaŋga kay ndaŋgara huulona u ndaŋgara lay.

SOOLLA 33:14

Hu li ma nam kaki huna, nam ka gol suu kay ndaŋgarana ay halaŋ,

SOOLLA 33:15

nam lasi ni u huu ma dewna, nam ka golosi sun masira halaŋ.

SOOLLA 33:18

May Yawe ka juɓ u suu lam ndaaramma, u suu tin hurusi kay ɗegee mambana.

SOOLLA 34:15

Hin dla cora kiyo, li ni dlara jivira, hal a li ni heɓpa duk suuna.

SOOLLA 37:37

Gol taŋ jiviya sa ma ɗegeena, gola sa ma hurum ki jivina, sa ma hal heɓpa njafam hin hin kaa.

VUN ŊGOLNA 15:3

Ii Yawe ka ki hu lina halaŋ, wi suu cona u suu jivina halaŋ.

VUN ŊGOLNA 5:21

Kay ii Yawe ka wi voɗta vi suunara halaŋ, nam ka golosi voɗta asi tuɗ huruɗta halaŋ.

EZAYI 31:1

Hahawra ka kay suu hoŋ irisi ga tuɗ ŋgay hu Egiptena, suu tin saa masira kay kulumi suu bolow cocona, asi gol ni kulumi suu taɗ pus pusna, kay asi saɓak cocoo. Asi ka saa kay ma teteɗ ma vi suu Israelnaɗi. Asi ka min a hal Yaweɗi.

JEREMI 16:17

Irin ka tinira kasi hu liisi ma tuɗtana ta, va ka viɗ irinɗi. Dla coosira ka ndak a ŋgay irinɗi.

JEREMI 32:19

Sa gaɗ suuna ma jivi ɦayna sa ma li dlara ŋgolora ɦayna, iriŋ ka tini kay gegelay a golom tuɗ mamba, aŋ hin ka ɓakŋa kay gegelay ni u tuɗ mamba, ni u sun mamba nam laɗta.

JEREMI 5:1

Tuɗugi hu voɗta Yerusalemba, gologi ɗaŋ hin joɓogiya, halagi hu li namma. Agi fi sa dew su? Agi fi sa njun kay sa ɗegeena dew su? Ma hal a di gasirana. Na daŋŋi an hin ɦal gira maŋ ɦoŋzina.

JEREMI 5:21

Humugi boyna haa, suu saarasi u to'onosi kaɗina. Irisi ka kasi may asi ka wiɗi, humusi ka lay asi ka humbi.

JEREMI 5:3

Yawe, iriŋ ka tinira ni a gol gasiraɗi su? Aŋ waɗasiya, va ka ŋgenesiɗi. Aŋ casi ki lay. Asi ka humuŋ gaɗ maŋgaɗi. Asi mbuɗ vogosi ki eŋga su gogoyra. Asi ka min a hoŋ ayɗi.

MATIYE 5:22

Anu, an dagi ana, Sa ma ɓeŋ hurum ki eg wayammana, hin bay tuɗum ki fok suu kaɓakŋaɗi. Sa ma ŋgul wayamma ana, Ka wi vaɗina, ɓak namma ka ni fok suu ŋgolo suu kaɓakŋa. Sa ma ŋgul wayamma ana, Puluɗiyana, ɓak namma ni gam duk kura.

Boy Ma Ayra Ma LUK Ɓiirimma 12:20

Lona dam ana, Aŋ sa ma giniŋ namma karam njeŋge wanni aŋ ka kak iiri oloɗi. Tlesuu aŋ tokosi asina hin hinisi ni maŋ gege?»

1 KORINTNA 15:36

Aŋ sa ma giniŋ namma aŋ zaa ii njafna kaŋga ni nam day ki kolo bay irim miɗ ki su?

GALATENA 3:1

Agi suu Galatina suu giniŋŋa, sa mbuɗugi irigi kina ni gege? Agi wi ki u irigi gasi ana Yesu Kristu miɗ hu gu garakŋa.

HEBRENA 4:13

Va ma ŋgay ii Lona kaɗi. Tlesuu nam lasina halaŋŋi ki fokom nam Lona ni siiliya, aygi di kay dlaaygira halaŋ fokom namu.

1 PIYER 3:12

Ii Bu Suuna ka tini kay suu ɗegeena, humusi cen masira lay, nam ɦal ŋgorom maŋ suu li dla cora.»

1 SAMUEL 13:13

Samuel di Sol ana, «Aŋ li dla ndaɗta ni ko sa ki puluɗina na. Aŋ vi ka u gaɗta vi Yawe Looŋŋa ta nam haɗaŋgaraɗi. Cecem wanda gasi daŋ may, Yawe li ka ɦaŋ mulla kay suu Israelna ni a fafaɗta.