2 DLAŊ MULINARA 15:3 - Boy Lonana

³ Basara ŋgol coco suu Israelna ka wi Lo ma gasinaɗi, ka min a haɗambi lay, gaɗ kaɗi lay.

2 DLAŊ MULINARA 15:3 Iomraidhean Croise

2 DLAŊ MULINARA 17:7

Hu basara hindira ta nam kaki a mulnara ni nam sun suu mam suu gaaraŋina gi Ben-Hail, Obadiya, Zakari, Nataneyel u Mikaya a haɗ suuna hu ɦoŋzi ŋgolo ma Yudana.

NEHEMI 8:9

Na ɗaŋŋi Nehemi, mul ma ŋgolna, Ezdra, mul ma li ɓivun ma wi magaara gaɗta, u suu Levi suu buɗ u dlara ki suunana di suuna halaŋ ana, «Buu ma wanna hinim ki ni maŋ Yawe, Loogina. Lagi doonaɗi, tiirigiɗi.» Kay ana suuna hum boy ma hu magaara gaɗtana na ni, tii gaw gaw.

JEREMI 10:10

Na may Yawe Lona ni gasira, nammi Lo ma iirina, mulna a fafaɗta. Hu li ma hurum mbuɗ yara wa ni ndaŋgara dlakka, suuna ka ndak a col fok yaambaɗi.

YOORA 2:9

Vun grek ma vi Siyonna ŋgaa ki kaŋgaa duk ndaŋgara. Nam ɓeŋ tlena, to vun ziginina kiyo. Mul maɗna u goryom ki duk suuna, gaɗ ka kasi oloɗi. Suu may suu jok vun Lona lay ni ka fi dlara col ay ko Yaweraɗi.

Magaara Vi Sa Jok Vun Lona OZE 3:4

Ko ndaɗta na goryoŋ Israelna hin kak buuna bolowo, mul kaɗi lay, ɓivun kaɗi lay, ka ceɗ gogoyɗi lay, ka tli va kosi a tuɗ fok Lona u nambi lay.

DLAŊ LEVIRA 10:11

Haɗ suu Israelna ki halaŋ kay dla mayra Yawe daɗ ka maŋ Moizza.»

DLAŊ LEVIRA 10:8

Bu Suuna di Aaron ana,

AMOS 8:11

Gola, buuna ka mbaa, Bu Suuna, Loonna, di na, an hin cuk mayra kay yam mbassa, ka ni may funa holɗi lay, ka ni may yo ma cira holɗi lay, ni mayra ka hum boyna vi Yawe.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

MALASI 2:7

A gasira ni sa li ɓivunna ni sa wi dlara, suuna hum boy ma gaɗ tasina ni funumu, kay ana nammi sa vun sunda vi Yawe ma Saɓakŋa Kom Belna.

Boy Ma Ayra Ma JAŊ Ɓiirimma 17:3

Iirira ka daɓ kiɗira ni ana asi waŋ ana, aŋŋi Lo ma gasina dew, wi Yesu Kristu ma aŋ sunum ayna may.

ROMMA 2:12

Suu li cora ka wi u gaɗta vi Moizza ɗina, hin ba ki kay bay gaɗ ndaɗta may, suu li cora wi gaɗta ndaɗtana asi mba fi ɓakŋa u gaɗta ndaɗta may.

1 KORINTNA 9:21

Duk suu ka wi gaɗta vi Moizɗina, an lini ko asi na may, an ka tin yan kay gaɗtaɗi kay an a mba fasi unu. Ni ka ana an ka hum u gaɗta vi Lonaraɗi naɗi, an hum u gaɗta vi Kristu.

GA 8ATAMBARA 33:10

Asi haɗaŋ dlaaŋga maŋ njaf suu vi Yakobma, takaŋ gaɗ maŋga maŋ suu Israelna, asi ka tiniŋ mbul ma his jivina ciniŋu, laŋ ɓivunna halaŋ kay givin ma togolla maŋŋa.

1 TESALONIKŊA 1:9

Asi ɓak kagi kay vira agi vami ami ay varagira, agi hin ɓivunna maŋ fulina, pereɗ irigi eg Lona ma iiri ma gasina a sunumba.

1 TIMOTE 3:2

Sa ma gol suu vi Kristuna lini sa ma ŋgul ka egembina, nam lini sa ma cara um dewna, doo tamu, ɗigiliya, ŋga tambi, lini sa ma suuna tuɗumma, nam li ndaki a haɗ suuna.

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.