2 DLAŊ MULINARA 15:2 - Boy Lonana

² Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

2 DLAŊ MULINARA 15:2 Iomraidhean Croise

1 MULINA 11:25

Rezon mbuɗ ni sa ma babalira u suu Israelna hu cokira Salomon kaki a mulnara halaŋ. Ay keŋ hiŋŋa ni Hadad ka li cora ay hu gak may. Hu li ma nam kaki a mul ma Sirina ni nam ka ŋgaf u suu Israelnaɗi.

1 MULINA 18:18

Eli hoŋom dira ana, «An mbaa wihawra kay suu Israelna ni ka anɗi, ni aŋ taŋga u suu vi buŋŋa. Agi noy gaɗta vi Yawera kiyo. Aŋ tin iriŋ ki a goɓmi Baal.

2 MULINA 21:14

An hin noy u suu man suu hin ndena kiyo. An hin ɦasi ki ko suu babali masisina. Asi hin ki ni a tlesuu ɦurumusi ay ki fun duunana.

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

2 DLAŊ MULINARA 11:12

Hu ɦoŋzi namma dew dew bel ni mbarina ka cuki huwa u saɓagina lay. Kay ɦoŋzi ma saɓak ma mini zeɗ zeɗ namma nam mbuɗ a ti mulla kay suu Yudana u suu vi Benjaminna ni na.

2 DLAŊ MULINARA 12:5

Sa ma jok vun Lona, Semaya, mbay eg Roboam u muli suu Yudana, hu li ma asi ka toki Yerusalem a ŋgaf Sisak a duunara dasi ana, «Gola, Yawe di ana, Agi hinin kiyo ni, an may ni hinigi ki hu duk ko Sisak may.»

2 DLAŊ MULINARA 13:12

Gologiya, Lona ka dukumi ni a mul mamina. Ami ka u muli mam suu li ɓivunna u tokolom ma bura lay a ami hin buum a duu u agira agi suu Israelna. Duurugi u Yawe Lo ma vi somoyoginaɗi, kay agi ka hin a tewɗi.»

2 DLAŊ MULINARA 13:4

Abiya col ki kolo kay ɦinira Semarayimba ta ka duk ɦini mayra Efrayimba di ana, «Jeroboam aŋ u suu Israelna halaŋ agi humungi vunun haa.

2 DLAŊ MULINARA 15:15

Suu hu mbassa Yudara halaŋ furi coco kay suura asi suu tasi ndaɗta. Kay asi suu tasi ni vi ki gasi u hurusi halaŋ u minda jivira lay ana asi hal Yawe, nam tak tam masi may. Nam hinisi asi fi koɗ tara keŋ lina zeɗ zeɗ halaŋ.

2 DLAŊ MULINARA 15:4

May hu yoo masi ndaɗta asi hoŋ ay eg Yawe, Lona vi suu Israelna wa. Asi halamu. Nam tak tam irisi wa.

2 DLAŊ MULINARA 20:15

Yaziyel oo um kolo di ana, «Humugi ha jiviya, agi halaŋ agi suu Yerusalemma, suu Yudana, aŋ taŋga mulna Josafatta may. Gola ni dlara Yawe dagirara, lagi ndaaɗi, lagi ndaa ko suu duu suu bolow asinaɗi. Duu namma ni ka magi agiɗi, ni man an Loogina.

2 DLAŊ MULINARA 20:17

Agi ka tuɗ duu ni agiɗi. Tuɗ takagi ni tagi ɦawaa. Tuɗ cologi na ca. Agi hin wi saɓak ma vi Yawena a su kasira. Yuda, Yerusalem, lagi ndaaɗi. Ɓik vun dikigiɗi. Vin agi cukugi ki ŋgafasiya. Yawe hin tuɗ u agiya.»

2 DLAŊ MULINARA 20:20

Suuna halaŋ yow kolo maɗii feɗet a tuɗ hu ŋgoo bagira Tekoara. Hu tuɗta asi ka jakka ni Josafat col kolo di ana, «Agi suu Yudana u suu Yerusalemma humugi haa, tinigi hurugi kay Yawe, Loogina, ni sa ma hin a su kagi kaɗi. Vagi vun suu mam suu jokom vunumma ni agi hin ti suuna.»

2 DLAŊ MULINARA 24:20

Musuk Lonara mba kay Zekari, mul ma li ɓivunna, goŋ Yoyodana, mba di boyna kay suu Israelna ana, «Gola ni dlara Lona daɗta, ana agi a ŋgel gaɗta vi Yawera na ni kay mege? Agi hinni ka fi vaɗi kay agi noy Yawe kiyo. Nam may ni noyogi ki wa may.»

2 DLAŊ MULINARA 26:5

Hu li ma Zakari ka iiri tuna ni nam hal Lona cocoo. Nam ka haɗam kay ɗegeera laɗ u Lonara. Hu li ma nam ka kaki ɗegee u Lonana ni Yawe ɦam tlena cocoo.

2 DLAŊ MULINARA 32:8

Ay um a duuna ni suu warna ɦawaa. Sa ma ka u aygina ni sa sunda vi Yawe, Looygina. Nam hin njun kaygi duu ni namu.» Boy ma vi mulna namma so huu suu hu ɦoŋzinana ɦasi saɓakŋa cocoo.

2 DLAŊ MULINARA 33:11

Yawe cukum suu duu suu vi mul ma Asirina ay kamu. Asi mba ndugusiya, vi Manase, cukum njamara funumu, njunum u galina, tuɗum ki vo hu Babilon.

2 DLAŊ MULINARA 33:12

Hu li ma Manase ka hu lassa na ni nam gijaŋŋa a cen Yawe, loomma. Nam wi coomba halaŋ fok Lo ma vi somoyomma.

2 DLAŊ MULINARA 34:3

Basara nam laɗ jew kalavandi hu mullara ni hu li ma nam gogoona tuna. Nam vi tam a hal ni minda vi Lo ma vi bum ŋgolo Davidna. Basara dagan fiɗi gaw ni nam gijaŋ a yow tlesuu fuli suu vi suu ɦawana ki hu Yerusalem u mbassa Yudara halaŋ, li ma li tokka vi suu ɦawana, gu ma vi Aserna u njaf ɓivun ma zeɗ zeɗna halaŋ.

EZDRAS 8:22

Kay an li zolona joɓ mulna ka nam ɦaygi suu kulumina doo suu bablira ki kaygi hu voɗtaraɗi, gasi daŋ may aygi di mulna ana, «Ko Lona ma jivina ka kay suu halamma halaŋ may, yaamba ŋgol coco kay suu noyom kina.»

SOOLLA 34:4

Mbaagi ay ŋgaaygi Yawe, geleɗeygi semu ko taygiya.

SOOLLA 53:2

Sa ma laɓana saa hurum ana, Lona kaɗi, asi ki ɓalakiya, mbuɗ ki coo, sa ma li va ma jiv kaɗi.

EZAYI 45:19

An njaɗ dlara halaŋŋi ka ki ŋgayɗi, njaɗaɗ ka ki hu li ma ndufunɗi lay. An di njaf suu vi Yakobma ka ana asi halan ha ki ni hu li ma ɦawana naɗi, Anni Yawe, an di ni dlara gasira. An di ki ni dlara ɗegeera.

EZAYI 51:1

Agi suu may suu hal suɗta humugi haa, agi suu hal Yawena, gologi ɦini mayra agi sel ha ki hura gige, gologi zul mayra agi cuk ha ki hura.

EZAYI 7:13

Ezayi hin dam ana, Humugi haa, agi njaf ma vi Davidna. Agi gol ana agi loɓ suuna na ni irigi ni ew su? Agi min a loɓonni Loonna lay su?

JEREMI 2:17

Dla ndaɗta li egek na ni kay mege? Ni kay noyra ndak noy Yawe, Lookŋa, ki hu li ma nam ay a sa takak voɗtana.

AMOS 5:14

Halagi dlara jivira, halagi dla coraɗi a agi kak iirira, ko ndaɗta na Yawe, Lo ma saɓakŋa, hin kak u agiya, ko agi dira na.

ZAKARI 1:3

Dasi ana, «Yawe, ma Saɓakŋa Kom Belna di ana, hoŋogi ay egenu. Yawe, ma Saɓakŋa Kom Belna, di na, an hin hoŋ ay egegi may Yawe, ma Saɓakŋa Kom Belna, di na.

NDUMBA 14:42

Tuɗugi koloɗi kay Yawe ka u agiɗi, tuɗugi a suu babali magisina cagi ay ki ɦawaɗi.

NDUMBA 14:43

Suu Amalekŋa u suu Kanaanna ka moli fokogiya, agi hin cukŋi ga fokosiya kay ana agi humum vunum kaɗi, Yawe ka hin li u agiɗi.»

MATIYE 13:9

Yesu dasi ana, «Agi li huma ni, humugi haa.»

GA 8ATAMBARA 20:1

Hu li ma agi cuk ki a duu u suu babali magisina, lini agi wi kulumina u puspus ma kulumina bolow coco lay ni, lagi ndaa kosiɗi. Kay Yawe Loogina ka u agiya, nammi sa ma cukugi ay ki hu mbassa Egiptera.

GA 8ATAMBARA 31:17

Li wa na ni yaanda hin puk kasi hu buu namma, an hin noyosi kiyo, hin ŋgay tan ki irisiya. Yoora u hahawra ŋgolla hin fasiya, asi hin di hu buu namma ana, dlara hahawra fami ko ndaɗta na ni kay Loomina ka u ami oloɗira.

GA 8ATAMBARA 4:29

Ha hu li namma ni agi hin hal Yawe, Looŋŋa, agi hin famu lini agi halam u hurugi halaŋ u musukugi halaŋ.

HEBRENA 10:38

Kay ndaɗta sa ma irim ɗegeena kak iiri ni hu vira, lini nam hoŋ ki daganwa ni, an ka furi kam oloɗi.»

HEBRENA 12:25

Gologi tagi jivi ɗaŋ humugi vun sa ma ɓakagina. Suu hum vun sa ma gaɗasi kaŋga kay ndaŋgara tani kay tlesuu kolo huulona kaɗina, suɗ kaki ko daŋgaynaɗi. Lini aygi hoŋoygi ki dagani ka hum vun sa ma ka ɓakaygi ay kolo daynaɗi, ni aygi ka suɗ kiɗi.

Magaara JAK Ɓiiriɗta 4:8

Ҥuɗugi tagi eg Lona tok nam hin ɦuɗ ay egegi tok may. Agi suu cona, mbusugi kogi kiyo, lagi hurugi ki jivi teteɗ agi suu hurugi mbambana.

JOSUWE 22:31

Pinhas, ma goŋ mul ŋgol ma li ɓivunna, Eleazar, di goryoŋ Rubenna u goryoŋ Gadna u suu vi Manasena ana, «Ami wi ki ana Yawe ka dukuygiya kay ana agi li dlara co ka eg Yaweɗi, agi buɗ gorsegi suu Israelna ki ko Yawe wa.»

JOSUWE 24:20

Hu li ma agi noy Yawe kiyo hin sun lo ma daŋŋa ni nam hin mbuɗ um kagi lagi dla cora egegi may. Nam hin ŋgalagi kiyo hu li ma nam lagi dlara jivira vam egegi layna.»

WIRA ŊGAYRA 2:11

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya. Suu col saɓakŋa na gak gak su kay ndaŋgarana, miɗ ma mbana hin ka fasiɗi.

WIRA ŊGAYRA 2:17

Lini sa ma humum ka huma ni hum boy ma Musuk Lonara dam maŋ suu vi Kristuna jiviya. Suu col eŋ na gak gak suu kay ndaŋgarana an hin ɦasi manna ma ka ŋgayna. Duk suu asina an hin ɦasi goyra haɓpa semma wilina ɓiiri huruɗna, wammi sa ma famma doy hol.

WIRA ŊGAYRA 2:29

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya.

WIRA ŊGAYRA 2:7

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya. Suu col saɓak gak gak hin tina wanni ana an hin ɦasi eŋga a ti vuɗ gu ma iirina ma ka hu Paradis Lonna.

WIRA ŊGAYRA 3:13

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya.

WIRA ŊGAYRA 3:22

Lin sa ma humum ka huma, ni hum boy ma Musuk Lonara dam maŋ suu vi Kristuna jiviya.

WIRA ŊGAYRA 3:6

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya.

SUU KAƁAKŊA 10:13

Agi hin noyon kiyo, sunugi ni loogi suu ɦawana. Kay ndaɗta an ka min a suɗugi ki oloɗi ni na.

SUU KAƁAKŊA 9:7

Yotam hum dla ndaɗta na ni, nam tuɗ ɗiŋ ki kolo kay ɦinira Garizimba. Nam tli delem ha kolo sawalla di ana, «Agi suu ŋgolo suu hu Sekemma humugi haa, ko Lona humugi ha ki may.

1 SAMUEL 12:14

Lini agi li ndaa Yawe, lini agi sunumu, lini agi humum vunumu ka lagi yara kay gaɗta vi Yaweraɗi ni, agi tagira lay, mul ma hin kak kagina lay hin kakagi jiviya, tuɗugi u Yawe jivi lay.

1 SAMUEL 12:15

Na may lini agi humugi vun Yawe kaɗi, lini agi li yara u gaɗta vi Yawera ni ko Yawe hin vagi lay, vi somoyogi lay.